الاسبوع القادم : سهم بيسويها مرة ثانية ,,, يارب اكون مخطي

[FAHADSD]

فيه سهم صغير وش حليله بينزل للسوق الأيام القليلة القادمة , وزنه 50 والهوامير حاطين عينهم عليه

وش ظنكم بيخلونه يسمن و يطلع نسب وهو ما بعد كوشو عليه

لا زم يدقونه ويشترونه بثمن بخس

بس وش لون ؟؟؟

بسيطة ,, قبل لا ينزل للسوق يتم افتعال موجة هبوط ويشترونه مثل غيره من تحت

أتمنى هذا ما يصير , لكن أطلب من الجميع الحذر الاسبوع القادم

[بنت الديره]

وانت الصادق بيرفعونه ويقفل نسبه اليوم الاول 100%
لا انت ولا انا نلحق عليه
وثاني يوم نسبه 10% وكم يوم كمان زي المجموعه...وياتي دورنا ونتعلق...بس التعليقه هذي تختلف عن اي تعليقه...التعليقه هذي مدتها ثلاث سنوات

[كيسوم]

والله يا بنت الديرة عندك عمق بالرؤيا وخبرة تستحق الاحترام ،،،،، رأيك ان الواحد ما يحاول يشتري فيه ،،، انا كنت ناوي ابيع على فتحة السوق بعض الاسهم عشان احاول اشتري ،،،، لكن طرحك يبدو غير ماسر تفكيري ،،،،،، على كل حال اعتقد ان لك خبرة كافية بمعرفة سلوكيات السوق ،،، تحياتي وتقديري

[مساهم 999]

[u]نريد كلام لمحللين أو خبراء

يوضحون تأثير سهم الصحراء على السوق

[FAHADSD]

مع احترامي لرأي بنت الديره

لا يوجد مقارنة بين صحراء " اكتتاب " وبين المجموعة " تداول "

صحراء الآن بيد عامة المساهمين يعني كميات كبيرة لكن متفرقة بين مئات الألوف من المساهمين ولا احد له مصلحة من الهوامير في رفع

سعر السهم أو الدخول بطلبات ضخمة تؤدي إلى النسب

المجموعة كان بيد هوامير وهم اللي أسسو الشركة " يعني شركة قائمة لها ارباح وقوائم مالية " ولما قرروا طرح الأسهم للتداول العام

أكيد فيه مقابل مجزي وهو البيع بأضعاف قيمة السهم

[aams]

السلام عليكم ورحمة الله

انا اتفق تماما مع رأي بنت الديرة ولكني اختلف في من يستخدم وصف تعليقة لهذا السهم و الوصف الصحيح في رأيي المتواضع استثمار وان شاء الله العلي القدير ( ناجح جدا ). وللمعلومية لم اكتتب به ولكني بمشيئة الله سوف ( اصطاده ).