اتقى الله يامحمد جميل

[تاج الرجوله]

بسم الله الرحمن الرحيم

اخواني السلام عليكم ورحمة الله وبركاته

الكل يعلم ياخواني بالازمه الحاصله في شركات السيارات والتخفيضات الهائله عليها

حتى اللي عايشين بدون تلفونات سامعين عنها

امس وانا في وكالة تويوتا اسال عن اللاند كروزر 2009

ودار بيني وبين الموظف هذا الحوار ( المشكله انه يستغفلني او ان عنده اوامر )




محدثكم / السلام عليكم :)

الموظف / وعليكم السلام هلا اخوي امر

محدثكم / مايامر عليك ظالم ابي يالغالي لاندكروزر 2009 ابو شاشه نفقيشن

الموظف / موجود ان شاء الله VX فل كامل

محدثكم / كم سعره

الموظف / 230 الف كاش

محدثكم / كيف 230 ياخي وين التخفيض اللي سمعنا عنه

الموظف / اي تخفيض اخوي مافيه تخفيض

محدثكم / كيف مافيه تخفيض وتويوتا اعلنت خسيارها السنه هذي وسوت تخفيض اكثر من 40%

الموظف / ( يستغفلني ) هذي اشاعات وبالعكس السعر راح يرتفع اكثر

محدثكم / وش وش وش اجل يبي يرتفع وانا اعصب عليه

تستهبل علي انت الحين العالم كلها مسويه تخفيضات ومصانع تقفلت

وموظفين سرحو من وظايفهم وانت تجي تقول يبي يرتفع السعر

الموظف / هذا اللي جانا السعر بيرتفع وتبي تشوف ولو سمحت لاترفع صوتك وتسوي لنا شوشره

محدثكم / وانا مسوي اني ماسمع كلامه واصارخ بوجهه واقوووول اذا هذا تعاملكم

جعل مواتركم للماحق والشرهه على اللي يجيكم ثاني مره ياحرااميه يانصااابين

وامسك دليل السيارات وارميه على مكتبه واطلع وهذا اللي صار ياخوان



حسبنا الله ونعم الوكيل فيهم مايكفيهم اللي سرقوه من جيوبنا في الماضي والحين منقهرين

من الانخفاض الحاصل للسيارات ولايبون يظهرون الشي هذا



والله اني اجلت شراء السياره تضامن مع حملة مقاطعة الوكلاء الشرهيين

والله يصبرنا

[ابو عبد الرحمن2]

يا خي حرام عليك الموضف مسكين ما له ذنب وبصراحه منت مجبور انك تشتري

وشارك في حملة خلها تصدي بدون ما تعاملهم كذا

أنا أشوف أن التهور والمناقشه معهم ما لها أي داعي وانا المفروض نصير أكبر من كذا

[تاج الرجوله]

والله يابو عبدالرحمن شي يقهر

يجيك واحد يستغفلك ويكذب عليك ويقول مافي ازمه ولافيه شي كله اشاعات

انا ارتفع ضغطي والله وماقدرت اسكت

[falcon_353]

لا خل الموظف يوصل لأبو جميل الرساله ويقوله ان الناس متضجرين منك

[خـــــالد2006]

بيض الله وجهك و(مزدي) فيه ..اجل يقول هذي اشاعة !!!!!

وان كنت مستعجل على السيارة شوف اسعارها بالكويت والامارات كم

[nab2000]

أخي مسألة إرتفاع سعر السيارات أو إنخفاضه هذا في علم الغيب ولا يعلم الغيب إلا علام الغيوب بارك الله فيك
أستاذي احتمال تترتفع الأسعار أكثر هذا أمر وارد لكن هل أنا مجبور على شراء سياراتهم الجديدة ؟
طبعا لا من الممكن أدبر أموري بسيارة أقل كلفة مادية ولا بأس أن تكون موديلها أقل شوية طالما هي تسد اللزوم ( والسوق فيه الغث والسمين )
وفقك الله

[zahi123]

أقول لاعمرك تجي تشتري من عندي أي شيء ..عصبي والظاهر نظرك ضعيف بعد :):) وعسى ماأنت أشول ..الله يعين :):) أمزح معك ..صحيح أنت ليش عصبت هذولا يبيلهم طبخ على نار هادئة يعني يوم قال لك السعر هذا ..تقول جيد بس إذا وصلت السعر هذا بتكثر خياراتي يمكن أشوف لي سيارة أفخم وبنفس السعر ..طيب أنا الآن أصبحت جداً افكر في الهامر ولا سيما أن اسعاره نازلة عاد تلقاه هو يبدأ يحاول يقنع فيك إن الجيب أحسن من الهامر فترجعه إلى القيمة وهكذا ..يعني بالحجازي يسمونه قلقلة:):)وفي الأخير تقوله إذا خفضتوا 50% إحتمال أرجع لكم.

[zahi123]

المشاركة الأصلية كتبت بواسطة nab2000

أخي مسألة إرتفاع سعر السيارات أو إنخفاضه هذا في علم الغيب ولا يعلم الغيب إلا علام الغيوب بارك الله فيك
أستاذي احتمال تترتفع الأسعار أكثر هذا أمر وارد لكن هل أنا مجبور على شراء سياراتهم الجديدة ؟
طبعا لا من الممكن أدبر أموري بسيارة أقل كلفة مادية ولا بأس أن تكون موديلها أقل شوية طالما هي تسد اللزوم ( والسوق فيه الغث والسمين )
وفقك الله

أسمح لي أخي الكريم أخالفك الرأي نحن لانتكلم عن علم غيب !!نحن نتكلم عن معطيات وبيانات وخطوط إنتاج وتسويق...ومن البديهي أنه لايمكن أن يكون هناك كساد في الدول المصنعة وترتفع ألأسعار في الدول المستهلكة ..

[أبن ربيعه]

هولأ أعتادوا على أن كل سنه تتعبا خزائنهم من جيوب المستهلكين الا أن هذا السنه لم تعد كما سابقاتها وأخذوا في العويل والتظجر مما يحيط بهم ولو رأيت علي رضا قبل كم يوم في أحد الفضا ئيات ومبرارته لوكلاء السيارات في الخليج وأنها لم تتأثر بالكساد وأن عندهم حصانه لما يدور في العالم لعرفت مغزي ما يقصده

[صمت الوداع]

أبو جميل ... المسكين كبر اللقمه وغص فيها .

تلقاه الميناء ممتلي من سياراته ... أصبروا عليه وخلوها تخيس شوي وتصدي وتطيح بكبده .. وبعدها اللي بيشتري من البريمي أوفق وأحسن له .