مواقف محرجــــــــــــــــــــــــــــة

zahi123 · 18-12-2008, 07:41 AM

السلام عليكم ورحمة الله وبركاته:

لاشك أن الكل منا قد حدث له موقف طريف محرجاً كان أو مضحكا ..المواقف المبكية لاتلزمنا ..وش رأيكم كل واحد يكتب هنيا الله لايهينه موقف محرج ...وقع له أو لأحد الإقارب أو الأصدقاء ...وسوف أبدأ بنفسي :

في يوم أخذت أم العيال للسوق لتشتري بعض الملابس لها وللأولاد ، دخلنا المحل كان مزحوم وأكثره نساء سواد في سواد المهم أنا وقفت عند الباب وأخبر خويتي بجنبي تتفرج على المعروض في المحل وأنا قمت أطالع خارج المحل واحد ينادي ماركة عالمية بسعر الجملة على علب عدد يدوية ( عاد أنا أذا شفت العدد أنسى أسمي ) المهم إلتفت لخويتي ( أم عيالي ) وأنا أقول لها يالله مشينا وهي ماترد وأقرب منها مشينا ياشيخة هذا المحل مزحوم والحرمة ماترد!! لا وبعدت عني بعد !!!وأنا تخبرون حنا يالرجال في مثل هالماقف نحمر العيون بشويش عشان وسط السوق ولا اللي تناديني هنا يابو (.......) هنا .ولا زوجتي مغيرة محلها ورايحه في جهة ثانية .وأنا أصفق يديني على رأسي وأقول لاحول ولا قوةإلا بالله . لاحول ولا قوة إلا بالله ..تدورني ماتلقاني ...عقبها قلت ماأروح معك السوق إلا أحط لك شريطة من حقت الحجاج..

zahi123 · 18-12-2008, 07:49 AM

فيه شباب راحو عمرة وفي أثناء العودة إلى الرياض وقفوا على جنب يصلون العصر وتقدم بهم واحد منهم وعند نهاية الصلاة أراد أن يمازحهم فانقلب على رأسه ( تشقلب بدون مايلتفت لهم ) ويوم أعتدل ولا وراه مجموعة من المصلين !! قال واحد من خويانه غريبة اليوم جاتك بدري ..وكروا من الضحك وهو في غاية الحرج..:):):)

zahi123 · 19-12-2008, 03:35 AM

مرة دخلت الصراف والناس زحام طابور يعني المهم طلعت البطاقة وأحط الرقم السري يقول لي خطأ ومرة ثانية خطأ وأنا محتاج صرف المبلغ والناس بدأوا بالتذمر وأنا أحط البطاقة وأضغط نفس الرقم وأخيراً إنحرجت وخرجت من الطابور ورحت السيارة وأنا أفكر في هالمصيبة ويوم دققت في البطاقة وجدتها بطاقة صاحبي البارح كان جالس معي وأخرج بطاقته على أساس عندنا نية سفر فيحب يتأكد من صلاحيتها وبقدرة قادر جات في جيبي :):)

ehtmam · 19-12-2008, 11:13 PM

زاهي : هههههههه مواقف مضحكة
الموقف الاول صار لي عكسه
قبل كم سنه وديت احدى اخواتي تقدم بالجامعه
المهم انتظرت برا وكان الجو حار جدا
ونا جالس بالسياره في امان الله
الا حرمتين جايين يمي
فتحو الباب
دخلوا
انا انحرجت عارف هم غلطانين بس انخميت والشغله كلها ثواني
الا الباب انفتح وداخل ولد عمره 17 سنه وميت ضحك يقول لي اسف
ويسحب اهله من السياره
====
اما حكاية الصراف يعني خربت بطاقة الرجال هههههههه
يعطيك العافية

نجدية · 20-12-2008, 01:15 AM

بتفكروني لييييييييييه لييييييييه ليييييييييه
ابقولكم لموقف لين الحين كنه توه صاير هي المواقف كثيره بس هذا آآخرهم وعشان تسذا للحين ببالي
يوم طفنا طواف الافاضه تواعدنا مع الرجاجيل اللي معنا عند الحلاق لانهم بيحلقون جينا عند الحلاق الا اشوف واحد كنه اخوي معطينا ظهره طوييل وعريض مثل اخوي والأحرام لافه على كتفه ويتدول على ظهره وصلعته تلمع قربت عنده وتمسكت بالاحرام وتوني متشعبطه في الاحرام واقول ارحمنا ياابو قذيله عطنا وجه اشوى مابعد تسلقت الا والتفت علي وجهن عااااااااااااابس يوحش قال جعلس الجدررري وش تبين جني ياخذس وانا اللي صار وجهي 6x4 واحط رجلي انحاش قالو له اللي معي غلطانه ياأخ آآسفين بس ماش براطمه شبرين ويبرطم على نفسه مانسمع الا جعلس وجعلس وعميعميس وجني ياخذس... رحت ذاك اليوم وانا اتراقل من دعاويه وذاك الوجه العابس قدامي الله يسامحه تسانه بث الرعب في قلبي الضعيف

الــــذيــب · 20-12-2008, 01:22 AM

ياكبر هالارنبكبرااااااه

#الكليفر# · 20-12-2008, 04:38 PM

قصة واقعية طريفة جدا حصلت لأحد اصدقائي :

راح يدرس بجامعة القصيم وهو شبه بدوي

احتاج فلوس وراح للصرافة وكان بهذا الوقت توها طالعة الصرافات التي تتكلم (ترحب بك و تقول لك ادخل الرقم السري ....................... وهكذا)

وكانت الصرافه من نوع لمس الشاشة

طبعا بديرتنا ما فيه مثل هالنوع من الصرافات لمس و صوت

ما فيه الا صرافات ازراااااااار وكل يوم وحدة خربانه

دخل البطاقة وما عرف وشلون يسحب ...................... وسمع الصرافة تتكلم وترحب به

فعمل روحه كأني ذكي :confused:

وقال: اكيد الصرافه تشغل على الصوت

فاخرج البطاقة ثم ادخلها مرة اخرى

وقال : انا .............................................. و ذكر اسمه الرباعي بصوت مرتفع

ثم قال : الرقم السري من اليسار الى اليمين هو .................... وذكر الرقم السري

ثم قال : اريد 200 ريال

هههههههههههههههههههههههههههه

فكان وراه واحد سوداني فمات ضحك عليه وعلمه الطريقة الصحيحة للصرافه

يا شين البدوان اذا تطوروا

hamaddh · 20-12-2008, 08:14 PM

عزمني صديقي للعشاء
كتبتله رساله وقلت
اذا يبي يجي فهد ماراح اجي للعشاء
واخطأت وارسلت الرساله لفهد

نجدية · 20-12-2008, 10:07 PM

خخخخخخخخ اجل راحت الرساله لفهد ياشين المواقف اللي تسذا

عااد مالكم بالطويله تسمحون لنا نقول مواقف تحتوي على حيوانات من نمونة اللي بصورة الاستاذ اعلاه فابشرو اما من طرف الصدز فهو مشكله مهوب كل دايم يصير عند الواحد مواقف

هااااااااااه وش قلتووو نفلهاااااا ونسدح مالدينا من تسذوبات <<<<< قاتل الله الطبع الأحمق (ابو طبيع)

الهـــــارف · 20-12-2008, 11:04 PM

اقتباس:

المشاركة الأصلية كتبت بواسطة الــــذيــب

ياكبر هالارنبكبرااااااه

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههه كبيره وبس !!! الا شوي والا تصير جمل من كبرها

يابو مشعل اترك العالم تعبر عن شعورها

المشكلة هالأرنب بعد الحج هههههه

18-12-2008, 07:41 AM	#1
zahi123 متداول نشيط تاريخ التسجيل: Aug 2007 المشاركات: 1,652	مواقف محرجــــــــــــــــــــــــــــة السلام عليكم ورحمة الله وبركاته: لاشك أن الكل منا قد حدث له موقف طريف محرجاً كان أو مضحكا ..المواقف المبكية لاتلزمنا ..وش رأيكم كل واحد يكتب هنيا الله لايهينه موقف محرج ...وقع له أو لأحد الإقارب أو الأصدقاء ...وسوف أبدأ بنفسي : في يوم أخذت أم العيال للسوق لتشتري بعض الملابس لها وللأولاد ، دخلنا المحل كان مزحوم وأكثره نساء سواد في سواد المهم أنا وقفت عند الباب وأخبر خويتي بجنبي تتفرج على المعروض في المحل وأنا قمت أطالع خارج المحل واحد ينادي ماركة عالمية بسعر الجملة على علب عدد يدوية ( عاد أنا أذا شفت العدد أنسى أسمي ) المهم إلتفت لخويتي ( أم عيالي ) وأنا أقول لها يالله مشينا وهي ماترد وأقرب منها مشينا ياشيخة هذا المحل مزحوم والحرمة ماترد!! لا وبعدت عني بعد !!!وأنا تخبرون حنا يالرجال في مثل هالماقف نحمر العيون بشويش عشان وسط السوق ولا اللي تناديني هنا يابو (.......) هنا .ولا زوجتي مغيرة محلها ورايحه في جهة ثانية .وأنا أصفق يديني على رأسي وأقول لاحول ولا قوةإلا بالله . لاحول ولا قوة إلا بالله ..تدورني ماتلقاني ...عقبها قلت ماأروح معك السوق إلا أحط لك شريطة من حقت الحجاج..

18-12-2008, 07:49 AM	#2
zahi123 متداول نشيط تاريخ التسجيل: Aug 2007 المشاركات: 1,652	فيه شباب راحو عمرة وفي أثناء العودة إلى الرياض وقفوا على جنب يصلون العصر وتقدم بهم واحد منهم وعند نهاية الصلاة أراد أن يمازحهم فانقلب على رأسه ( تشقلب بدون مايلتفت لهم ) ويوم أعتدل ولا وراه مجموعة من المصلين !! قال واحد من خويانه غريبة اليوم جاتك بدري ..وكروا من الضحك وهو في غاية الحرج..:):):)

19-12-2008, 03:35 AM	#3
zahi123 متداول نشيط تاريخ التسجيل: Aug 2007 المشاركات: 1,652	مرة دخلت الصراف والناس زحام طابور يعني المهم طلعت البطاقة وأحط الرقم السري يقول لي خطأ ومرة ثانية خطأ وأنا محتاج صرف المبلغ والناس بدأوا بالتذمر وأنا أحط البطاقة وأضغط نفس الرقم وأخيراً إنحرجت وخرجت من الطابور ورحت السيارة وأنا أفكر في هالمصيبة ويوم دققت في البطاقة وجدتها بطاقة صاحبي البارح كان جالس معي وأخرج بطاقته على أساس عندنا نية سفر فيحب يتأكد من صلاحيتها وبقدرة قادر جات في جيبي :):)

19-12-2008, 11:13 PM	#4
ehtmam ابو تركي تاريخ التسجيل: Jan 2005 المشاركات: 11,098	زاهي : هههههههه مواقف مضحكة الموقف الاول صار لي عكسه قبل كم سنه وديت احدى اخواتي تقدم بالجامعه المهم انتظرت برا وكان الجو حار جدا ونا جالس بالسياره في امان الله الا حرمتين جايين يمي فتحو الباب دخلوا انا انحرجت عارف هم غلطانين بس انخميت والشغله كلها ثواني الا الباب انفتح وداخل ولد عمره 17 سنه وميت ضحك يقول لي اسف ويسحب اهله من السياره ==== اما حكاية الصراف يعني خربت بطاقة الرجال هههههههه يعطيك العافية

20-12-2008, 01:15 AM	#5
نجدية كاتبة مميزة تاريخ التسجيل: Mar 2005 المشاركات: 17,076	بتفكروني لييييييييييه لييييييييه ليييييييييه ابقولكم لموقف لين الحين كنه توه صاير هي المواقف كثيره بس هذا آآخرهم وعشان تسذا للحين ببالي يوم طفنا طواف الافاضه تواعدنا مع الرجاجيل اللي معنا عند الحلاق لانهم بيحلقون جينا عند الحلاق الا اشوف واحد كنه اخوي معطينا ظهره طوييل وعريض مثل اخوي والأحرام لافه على كتفه ويتدول على ظهره وصلعته تلمع قربت عنده وتمسكت بالاحرام وتوني متشعبطه في الاحرام واقول ارحمنا ياابو قذيله عطنا وجه اشوى مابعد تسلقت الا والتفت علي وجهن عااااااااااااابس يوحش قال جعلس الجدررري وش تبين جني ياخذس وانا اللي صار وجهي 6x4 واحط رجلي انحاش قالو له اللي معي غلطانه ياأخ آآسفين بس ماش براطمه شبرين ويبرطم على نفسه مانسمع الا جعلس وجعلس وعميعميس وجني ياخذس... رحت ذاك اليوم وانا اتراقل من دعاويه وذاك الوجه العابس قدامي الله يسامحه تسانه بث الرعب في قلبي الضعيف

20-12-2008, 01:22 AM	#6
الــــذيــب مشرف - خبير سوق تاريخ التسجيل: Nov 2003 المشاركات: 20,958	ياكبر هالارنبكبرااااااه

20-12-2008, 04:38 PM	#7
#الكليفر# فريق المتابعة اليومية تاريخ التسجيل: Nov 2007 المشاركات: 3,942	قصة واقعية طريفة جدا حصلت لأحد اصدقائي : راح يدرس بجامعة القصيم وهو شبه بدوي احتاج فلوس وراح للصرافة وكان بهذا الوقت توها طالعة الصرافات التي تتكلم (ترحب بك و تقول لك ادخل الرقم السري ....................... وهكذا) وكانت الصرافه من نوع لمس الشاشة طبعا بديرتنا ما فيه مثل هالنوع من الصرافات لمس و صوت ما فيه الا صرافات ازراااااااار وكل يوم وحدة خربانه دخل البطاقة وما عرف وشلون يسحب ...................... وسمع الصرافة تتكلم وترحب به فعمل روحه كأني ذكي :confused: وقال: اكيد الصرافه تشغل على الصوت فاخرج البطاقة ثم ادخلها مرة اخرى وقال : انا .............................................. و ذكر اسمه الرباعي بصوت مرتفع ثم قال : الرقم السري من اليسار الى اليمين هو .................... وذكر الرقم السري ثم قال : اريد 200 ريال هههههههههههههههههههههههههههه فكان وراه واحد سوداني فمات ضحك عليه وعلمه الطريقة الصحيحة للصرافه يا شين البدوان اذا تطوروا

20-12-2008, 08:14 PM	#8
hamaddh متداول نشيط تاريخ التسجيل: Nov 2008 المشاركات: 268	عزمني صديقي للعشاء كتبتله رساله وقلت اذا يبي يجي فهد ماراح اجي للعشاء واخطأت وارسلت الرساله لفهد

20-12-2008, 10:07 PM	#9
نجدية كاتبة مميزة تاريخ التسجيل: Mar 2005 المشاركات: 17,076	خخخخخخخخ اجل راحت الرساله لفهد ياشين المواقف اللي تسذا عااد مالكم بالطويله تسمحون لنا نقول مواقف تحتوي على حيوانات من نمونة اللي بصورة الاستاذ اعلاه فابشرو اما من طرف الصدز فهو مشكله مهوب كل دايم يصير عند الواحد مواقف هااااااااااه وش قلتووو نفلهاااااا ونسدح مالدينا من تسذوبات <<<<< قاتل الله الطبع الأحمق (ابو طبيع)