7950 .. ولا .. 8050 ؟؟ .. الحذر مطلوب

[كريم_كرم]

بسم الله ..

علشان ما حدش يقلق .. شوفوا الشارت ده الأول ..



الشارت ده كنت أرسلته لمحلل فني صديق .. في السعودية .. يوم 26 يونيو ..

قلت له فيه إن السوق هايلف يوم 3 يوليو .. الشارت أسبوعي ..

وباين فيه البوزيتيف دايفرجنس .. وباين فيه الترند المدور ..

والسوق لف فعلاً يوم 2 يوليو !! ..

على فكرة الصديق ده بيكتب هنا في المنتدى ..

النهاردة ..

العبد لله شايف نزول .. والنزول ده مستهدفه 8050 .. يوم 26 نوفمبر ..

وممكن يومها يلمس 7950 اللي بتساوي 50 % فيبوناتشي ..

اللي بتساوي برضه 23.6 % لموجة الهبوط

إيه اللي مخليني شايف النزول ؟؟

بعد فضل الله عليَّ ..

تبقى ..

الشموع اليابانية .. هي اللي مخلياني شايف النزول ..

شمعة النهاردة دوجي خطيرة .. بعد 17 جلسة صعود متوالي !!

مش الدوجي بس .. إنما لما ييجي الدوجي في نفس اليوم اللي الشارت بيقابل فيه خطين ترند مرة واحدة ..

يبقى الخطين .. أصبحوا مقاومة جامدة ..



كمان آخر ثلاث جلسات عاملين نموذج أدفانس بلوك .. وده نموذج سلبي .. يتناقص فيه طول جسم الشمعة مع استمرار الصعود ..

الستوكاستيك مومنتم .. بيعطي إشارة خروج .. البي ستوك آر إس آي .. في منطقة فرط الشراء ..

كمان حاجة مهمة ..

عامل المومنتم .. عامل نيجاتيف دايفرجنس .. دقيييييييييييق جداً .. عاوز نظارة كويسة ..

باين في الخطين الرفيعين باللون الأزرق ..



طيب إيه اللي يؤكد الكلام ده ..

أكيد المعلم الكبير .. سابك طبعاً .. اللي هو تقريباً .. المؤشر ..

بإذن الله .. بكرة لو سابك ما قدرش يتجاوز 158.75 .. يبقى الكلام اللي أنا بأقوله دلوقتي ده .. صحيح

ويبقى سابك باصص على 135 ريال تاني ..

علشان يبقى نزل من نسبة 38.2 % فيبوناتشي عند 158.75 ..

لغاية 135 " بتاعت الفجوة " .. نسبة 23.6 % فيبوناتشي لموجة الهبوط البادئة في 29 مارس 2006..

وبرضه الـ 135 بتساوي 38.2 % لموجة الصعود البادئة يوم 2 يوليو ..



شوفوا مؤشر تدفق الأموال (( ماني فلو إندكس )) .. شوفوا لما بيعدي خط ال 80 .. هاتلاقيه عامل قمة في كل مرة تقريباً " محددها بالخطين العموديين المنقطين المتكررين .. برضه المرة دي .. شكله عند قمة ..

فيه حاجة كمان ..

الميكرز علشان يكسبوا .. يعملوا إيه ؟؟

لازم يشتغلوا عكس تفكير المتعاملين .. أو يخلوا المتعاملين يفكروا عكس ما الميكرز عاوزين يعملوا ..

طيب وإيه يعني ؟؟

يعني إن كل الناس دلوقتي بتتكلم عن السوق السعودي وصعوده .. وفيه ناس كتير إطمئنت وبدأت تدخل تاني

وده كويس طبعاً .. لأنه فعلاً هايطلع كتير ..

إنما ما فيش سوق بيطلع بس ..

زي ما فيه صعود .. لازم يبقى فيه هبوط ..

علشان ديناميكية السوق .. وعلشان السوق يبقى تابع للتحليل الفني لكي يكون جاذباً بشكل أكبر ..

فكلما زادت نسبة تحقق أهداف التحليل الفني في شارتات السوق .. زادت ثقة المستثمرين ذوو العلم في هذا السوق ..

ممكن سابك يقف عند 142 ريال لو مشي على الشارت ده ..



من خمسة أيام فيه نموذج السحابة القاتمة " دارك كلاود كفر " .. نموذج سلبي ..

بس الميكر هرب منه بشموع صغيرة جداً .. بس طالعة ..

وشمعة النهاردة تشبه شمعة الشهاب .. يبقى الميكر .. بيصرَّف ..

ونازل ..

ما تقلقوش .. إتصرفوا بهدوء تبعاً لظروف السوق ..

وقولوا يارب

[دافور.نت]

بارك الله فيك

وش رايك استاذي كريم كرم ؟

؟
/
/
:
:



اخوك
دافور.نت

[mohd_2001]

وعليكم السلام ورحمة الله وبركاته

ممتاز جدا" يا كريم

وده رابط الموضوع

http://tdwl.net/vb/showthread.php?t=233852

وده الشارت اسبوعي كمان


__________________________________________________









_________________________________________________






________________________________________________


دمت سالما"

[tareq masn]

انا دلحين جائك من جلسة هوامير
يقولون خوفوهم باكر اضنهم يبيعو علينا الخشاش اللي ماتحرك حتى ناخذ عليه تمزيزة مدام المؤشر في ترييحة ويمشي تدريجيا الى القمة اللي حققها اليوم 9000 وبعدها يصير خير

يعني بكرا 40 نقطة لايزود عنها النزول

[rami1500]

بارك الله فيك اخ كريم وتحليلك منطقي جدا .........ومتوقع ...خاصة ان حجم السيولة لا تأهل الصعود.......؟

والله أعلم سوف يتم جلد السوق وبقوة ؟؟؟؟؟؟؟ الله يعين الجميع

[أبو بداح]

كتر ألف خيرك يا بشمهندس كريم كرم

بس بجد، تحليل انما ايه، عشره على عشره

ربنا يكرمك ياخويا

[كريم_كرم]

أشكر كل الإخوة اللي ردوا .. جزاكم الله خيراً ..

شوفوا دي بقى ..

حاجة صغيورة .. بتؤكد إن السوق هايفضل يصحح لغااااااية يوم 26 نوفمبر .. زي ما العبد لله كاتب فوق ..

الحاجة الصغيورة ..

حاجة جميلة ..

وأعتقد هاتفك كرب ناس كتير مزنوقين في المشكلة دي .. وهاتشغل السوق كويس وهاتكمل عملية إعادة الثقة في السوق

الحاجة الجميلة دي ..

هي ..

أنعام ..

ناوي يشتغل كويس .. يوم 26 نوفمبر .. يوم 26 تحديداً .. مش صدفة ..

الأستاذ سكوبي في موضوعه ..(( انعــام ,, وقــرب الفــررج " من مصادري " )) ..

قال إن مصادره بتقول إن الهيئة قربت تظبط أوضاع أنعام ..

http://www.tdwl.net/vb/showthread.php?t=235458

بصيت على الشارت .. لقيت الترندات موجودة فعلاً عليه ..

الجميل إن التاريخ بتاع تلاقي الترندات دي طلع 26 نوفمبر .. بدون تعديل والله ..

الستوكاستيك مومنتم بيشاور أخيراً على دخول في السهم ..





مبروك لأصحاب أنعام .. إن شاء الله نبارك لهم رسمي .. يوم 26 نوفمبر ..

قولوا يا رب

[دافور.نت]

كل شارتاتك سأضعها على المجهر

تحديد التواريخ سر لا يعلمة الا القليل ..

وراك وراك ياكريم كرم ‘ حفك الشفرة بإذن الله @+@

[دافور.نت]

الله لايهينك

شوف هالرابط http://www.tdwl.net/vb/showthread.php?t=235428

ومشكور مقدماً بارك الله فيك .. انتظر تعليقك

[فهد88]

زي ما فيه صعود .. لازم يبقى فيه هبوط .. لكن سوقنا كثر فيه الهبوط أكثر من الصعود .. لأنه في مرحلة شيخوخة أم في مرحلة شباب آمل الإجابة ذو الأوتي على هذا السؤال اللي مدوخني ومدوخ غيري كثير ... سعدت بمشاركتك .. لكن هناك ملاحظة أخرى لماذا لا تخرج إلا في الوقت الضائع من القيم اللي فيه خسرانه العالم .. أين أنت من خارطة المنتدى .. أشكرك مرة أخرى وسأضعك ضمن نطاق مفضلتي .. تحياتي لك وللجميع أخوي كريم كريم...