يا اخوان ... وش الحل مع جارنا اللي سبب لنا الأذى ؟؟

[يد النجر]

بسم الله الرحمن الرحيم

السلام عليكم ورحمة الله وبركاته

..

يا إخوان ترى بتكلم بالعامية على شان أعرف أوصل لكم اللي أبيه.. لا أحد يؤاخذني في الأخطاء الإملائية ..



..

الوالد كان عسكري وكنا ساكنين في إسكان عسكري تابع للجهة اللي الوالد يعمل فيها .

طبعا من سنتين تقاعد الوالد .. وانتقلنا إلى منزل جديد ..

والحمد لله .. كل الخدمات متوفرة في الحي اللي سكنا فيه ..

جامع قريب .. مستوصف حكومي قريب .. مرافق عامه .. حي نظيف وجديد وهادي.. ولله الحمد ..



إلا أننا ابتلشنا بجار لنا .. الله يهديه ..دمرنا بالماء اللي يصبه من بيته كل يوم ..

أول ما سكنا لاحظنا انه يصب ماء كل يوم .. عاد الوالد الله يطول في عمره ويشفيه ... على نياته يقول لي

أكيد جارنا هذا عنده ماصوره مكسورة وابتلش فيها ونوى أبوي يساعده ويقدم له المشورة بحكم خبرته البسيطة في المقاولات ..



اكتشفنا أن الرجال مسوي ملحق خارجي لغسيل الملابس وإذا خلص من الغسل نزل الشاطف وخلاه يصب في الشارع على شان ما تمتلئ البيارة أكرمكم الله .. لان الصرف الصحي ماوصل إلى الآن للحي ؟؟؟



طبعا ماء الغسيل أكيد أن فيه كلوركس .. تفاعل مع الزفلت وحفر الشارع حفر .. والله ما أبالغ فيها

طبعا للأسف المويه صارت تنقع قدام بيتنا .. وصار إذا مرت سيارة من أمام بيتنا طرطشت المويه على سياراتنا وأعدمتها .. أضف إلى ذلك الواحد منا صار كنه ابو رنه .. يوم بغى يمر ويقطع الشارع وصارت تجي سيارة وتدمر ثوبه بالمويه .. والله المستعان ..



طبعا معاناة مريرة من الوضع هذا .. انا نويت اكلمه على شان الموضوع هذا ..

وأكلت هوشه من الوالد .. يقول لي جارنا له حق علينا .. لا تقرب منه ولا تزعله ولا تقول له ولا كلمة !!!

فكرنا نحط مطب قدام البيت .. لكن جارنا المقابل لنا راح يتضرر من المويه اللي راح تنقع عنده .. والغينا الحل هذا..



الحين عاد انا حاط المشكلة قدامكم وأبي منكم تشيرون علي بحل مناسب ..



والله يحفظكم ..

الموضوع مكتوب في تداول وموقع بناء فقط ..

[سعد الذيب]

هههههههههههههههههههه ذكرتني بجارنا يغسل حوشه حتى اّخر الليل وشارعنا كأنه عين جارية الرجال ماعنده


شغل الا غسل الحوش بس ينام واذا صحى اخذ الي وياالله غسيل


والحل هو ( الجار ولو جااااااااااااار )

[الــــذيــب]

يا أصبر مثل ماقال لك الوالد



والا...........أتصل على البلديه وقدم بلاغ فيه وهم يرصونه بمخالفه تجيه مع الفاتوره + قطع المويه عنه اسبوع مع كل


مخالفه.


الجار له حق......لكن هذا موذي ومايستحي....واللي مايستحي لاتستحي منه.


والا عطه توصيه على سهم متضخم وخله يتعلق ويبتلش وينسى المويه والغسيل

[اسرار الحربي]

والله مادري وش ذا الحي الي تمدح فيه ---------وبعدين مافيه صرف صحي ---
وبعدين جاركم هذاالله يهديه موذي شوي ---
وبعدين حاول تقرب منه اساله عن احواله وش علومه --- متعلق بسوق الأسهم --- وخسران لاتستعجل الامور --او انه هامور قديم وعندة توصيه حاول تستفيد منه
والا تدري بع البيت وش تبي بعد جار مافيه خير --- وحي مافيه خدمات
الله يعينك اخي

[مؤشر سيولة]

اخاف أن حاله حال بعض الرجال اللي وجودهم زي عدمهم في البيت

وهم كثر للأسف

ما لك إلا تبلغ البلدية لعل الغرامة تخليه يعقل

أما أنا لو كنت مكانك كان خليته يعزل من الديرة كلها

[جنى الورد]

الله يعينك الجار له حق على جاره ولازم يراعي هذا الشيء
أنا أرى إنك تمسك العصى من النص
ترضي الوالد الله يبلغك رضاه وتتخلص من أذى جارك
بلغ إمام المسجد واشكي له عن معاناتك ورتب معاه
يسوي درس عن حقوق الجار ويتكلم عن مضاهر أذية الجار يمكن جارك غافل
ترى بعض الناس يشوف إن عنده الحرية المطلقة في التصرف في بيته ما دام ما آذاك مباشرة
وحاول يكون بعد المحاضرة توزيع كتيبات ومطويات وأشرطة خاصة بالموضوع
ولو ما نفع استأذن الوالد وكلمه وبعد ما تكلمه يصير خير
أما يعتدل حاله ولا بلغ عنه البلدية

[اشراقة قلم]

بسم الله الرحمن الرحيم

وعليكم السلام ورحمة الله وبركاته

أسال الله الكريم رب العرش العظيم ان يشفي والدك

وأن يعينكم ويهدي جاركم ..

لاحول ولاقوة إلا بالله العلي العظيم
أين هو من قول الرسول صلى الله عليه وسلم
خير الأصحاب عند الله خيرهم لصاحبه
وخير الجيران عند الله خيرهم لجاره
رواه الترمذي

المشاركة الأصلية كتبت بواسطة جنى الورد

الله يعينك الجار له حق على جاره ولازم يراعي هذا الشيء
أنا أرى إنك تمسك العصى من النص
ترضي الوالد الله يبلغك رضاه وتتخلص من أذى جارك
بلغ إمام المسجد واشكي له عن معاناتك ورتب معاه
يسوي درس عن حقوق الجار ويتكلم عن مضاهر أذية الجار يمكن جارك غافل
ترى بعض الناس يشوف إن عنده الحرية المطلقة في التصرف في بيته ما دام ما آذاك مباشرة
وحاول يكون بعد المحاضرة توزيع كتيبات ومطويات وأشرطة خاصة بالموضوع
ولو ما نفع استأذن الوالد وكلمه وبعد ما تكلمه يصير خير
أما يعتدل حاله ولا بلغ عنه البلدية

[هاوي ولا ناوي]

المشاركة الأصلية كتبت بواسطة الــــذيــب

يا أصبر مثل ماقال لك الوالد



والا...........أتصل على البلديه وقدم بلاغ فيه وهم يرصونه بمخالفه تجيه مع الفاتوره + قطع المويه عنه اسبوع مع كل


مخالفه.


الجار له حق......لكن هذا موذي ومايستحي....واللي مايستحي لاتستحي منه.


والا عطه توصيه على سهم متضخم وخله يتعلق ويبتلش وينسى المويه والغسيل

هههههههههههههههه,,,,,,, لا تمزح مع الذيب ,,,,,,, اقووووووووول في حل عط الذيب العنوان والله ان ينقل جاركم للربع الخالي ,,,,

[خبير التحليل.]

الصبر مفتاح الفرج

[خـــــالد2006]

المشاركة الأصلية كتبت بواسطة الــــذيــب

يا أصبر مثل ماقال لك الوالد



والا...........أتصل على البلديه وقدم بلاغ فيه وهم يرصونه بمخالفه تجيه مع الفاتوره + قطع المويه عنه اسبوع مع كل


مخالفه.


الجار له حق......لكن هذا موذي ومايستحي....واللي مايستحي لاتستحي منه.


والا عطه توصيه على سهم متضخم وخله يتعلق ويبتلش وينسى المويه والغسيل

هذا الحل الامثل