حساب البلاد يشاركك الارباح كذبه جديده وبدون مردود

[ماجد33]

وضعت بحساب البلاد في بنك البلاد مبلغ 20 الف ريال كتجربه وربحت 28 ريال خلال شهر لو وضعتها باحد الاسهم استثمار لمدة شهر كان ربحت 25%
اليس هذا لعب معقول 20 الف ما تكسب غير 28 ريال ولكن الشرهه مو عليهم الشرهه على الي سجل معاهم ولم ناخذ عبره باصائل الي بلغت خسائره 60%

[احمد مكي]

أحسنت علي المعلومة ولاحل ولاقوة ألاباللة

[فدى عينك]

الحين ربحت 28 ريال وبدل ما تقول الحمد لله قلت لو لو لو
ياخي قروشك سنين لها بالبنوك ولا عمرهم اعطوك حتى خطاب شكر

والحين تتكلم على 25% .... دامك تقدر تجيبها وش حدك تودع في البلاد

اما الخسائر في اصايل ... نعم انا اتفق معك تماما بأن البنوك هم اكثر من استغل الشعب بفكرة الصناديق وخلوا العالم تترجاهم يرجعون فلوسهم بأقل خسارة

يعني فلوسك عندهم ويتحكمون فيك ولا طالبت بحقك ما تدري بيرجعونه على اي اقفال ( حراج بن قاسم )

والله يعينكم ترا شركات الوساطة وصلت وشو الا وحنا سامعين اللي يساهم بأقل من مبلغ ......؟ يلزمه الاشتراك مع مكتب وساطة

الله يستر وويوفق عزيزي

[نامق]

بسم الله الرحمن الرحيم
الله يجزي البنك خير اللي شاركك في ارباحة. ال 28 ريال اللي تقول عليها يعني في نهاية السنة تقريبا يعطيك حوالي 2 %. مع العلم انة مافي خسارة يعني وش تبي اكثر من كذا!!
اذا ودك اكثر ....استثمر في ادوات ذات مخاطر مثل الاسهم والعقار وغيرها ان وجد. الفكرة ان فلوسك الي في الحساب البنك يشغلها لك و يعطيك منها في استثمارات شبة معدومة المخاطر .

معلوم للجميع ان حساباتنا في البنوك حتي البسيطة منها تشغلها البنوك قانونيا وتحقق ارباح منها علي الاقل هي ارباح الفائدة المتعارف عليها حوالي 4 الي 5 بالمئة سنويا. تخيل فلوس المتعاملين في المملكة كم ....طبعا بالمليارات يعني ال 4 او 5 بالمئة بتكون ارباح بمئات الملايين وبنك البلاد قرر يشارك العملاء البسطاء زي وزيك بالارباح.

مهما كان البنك عطاك شي ما تجراء اي بنك من البنوك الطماعة السعودية ان يعملة.

نظام بنك البلاد الجديد او حسابهم الجديد ما هو حساب استثماري بل هو مجرد حساب جاري مع ارباح بسيطة ويكفي ان الارباح هذي حتي لو كانت بسيطة في نظرك بس تقريبا تدفع عنك زكاتها من نفسها واللي اعرفها انها ارباح شرعية والله اعلم.

[maradoona]

نظام البنك هو حساب جاري بارباح بسيطة

وليس صندوق متاجرة


الهدف منه ان تستفيد من حسابك

يعني بدال ماتجي اخر الشهر وحسابك ناقص 10 ريال زي البنوك الثانيه

تلقى حسابك مضاف له شي ولو انه بسيط

[الفراتي]

المشاركة الأصلية كتبت بواسطة ماجد33

وضعت بحساب البلاد في بنك البلاد مبلغ 20 الف ريال كتجربه وربحت 28 ريال خلال شهر لو وضعتها باحد الاسهم استثمار لمدة شهر كان ربحت 25%
اليس هذا لعب معقول 20 الف ما تكسب غير 28 ريال ولكن الشرهه مو عليهم الشرهه على الي سجل معاهم ولم ناخذ عبره باصائل الي بلغت خسائره 60%

استغرب انت الحين ليش زعلان !!!!
رجع للبنك الـ 28 ريال ... ويادار مادخلك شر ( وتصير مثل البنوك الثانية )

ولا تنسى انك واضع فلوسك في حساب جاري ( أمن ) وليس في صندوق او اسهم (عالي المخاطر ).
وزي ماقال الأخوان .... اذا عندك قدرة تجيب مكسب 25 % فليش تحطها في حساب جاري ؟؟؟

تحياتي ,,,

[ماجد33]

الحمد لله على كل حال
ولكن معقول العشرين الف ما ربحت غير 28 ريال اي الا لف واحد ريال وخلال شهر كامل ام هناك تلاعب من البنك؟؟؟؟؟؟؟؟؟؟؟؟؟؟؟؟؟؟

[عبــ الإله ــد]

الحمد لله رب العالمين

[كيزن]

وانت صادق لكن الان اتضح لك عدم الفائدة وهي تجربة كما ذكرت

وبالاخص ان البنك يربط السيولة لدية لفترة طويلة دون القدرة على سحبها

ياعمي الكل يستغفلك في هالبلد ويدعون انهم افادوك :ice:

[الاسقربوط]

بارك الله فيك اخي العزيز
اولا هذا نشاط مباح حلال على حساب جاري تسحب وتودع وتسدد فواتيرك اي كانها الفلوس الي في بوكك ولا احد يقول اكثر من كذا وهي عبارة عن استثمار متتالي عمل اسلامي جبار غير مسبوق وهو لمن يبحث عن الحلال الامن وهي كمن يخرج لك الزكاة عن مالك نهاية العام اي انت في الاول والاخير المستفيد
اضف الى ذلك عند فتح الحساب يخبرونك بكل هذه الامور وانه ليس مثل الصناديق الاستثمارية
على كل اتق الله في نفسك وادعم اعمال الاسلام ولو بكلمة بدلا من نقدهم


لااله الا انت سبحانك اني كنت من الظالمين