للتسجيل اضغط هـنـا
 |
 |
أنظمة الموقع |
|
تداول في الإعلام |
|
للإعلان لديـنا |
|
راسلنا |
|
التسجيل |
|
طلب كود تنشيط العضوية |
|
تنشيط العضوية |
|
استعادة كلمة المرور |
 |
|
|||||||||||||||||||||||||||||||
|
| ||
04-03-2006, 11:13 PM
|
#1 |
|
متداول نشيط
تاريخ التسجيل: Jul 2003
المشاركات: 326
|
ابيات شعر فى ذكرى مايو الله يحلل مايو
والصبر زين إلا بسهم المواشي
ألف : أولف وأول السـوق نسبـه نسبة تحت ما عاد تحتـاج حسبـة سوق ضربنا فوق عشرين ضربـة والصبر زين إلا بسهـم المواشـي والبـاء : بدينـا وأشترينـا وبعنـا وياليتنـا فيـمـا كسبـنـا قنعـنـا طرنـا وتعلينـا ولـكـن وقعـنـا والصبر زين إلا بسهـم المواشـي والتاء : توقعنـا تزيـد المكاسـب وقلنا نبي نشـرب لذيـذ المشـارب لكن ورطنا بيـن عـارض وطالـب والصبر زين إلا بسهـم المواشـي والثاء : ثبت عنـدي بعلـم يقينـي اني خسرت وراح مـا فـي يمينـي الله علـى تسديـد دينـي يعيـنـي والصبر زين إلا بسهـم المواشـي والجيـم : جمعنـا سهـوم كثيـرة ولا درينـا أن الدعـاوي خطـيـرة حتـى خسرنـا والخسـارة كبيـرة والصبر زين إلا بسهـم المواشـي والحاء : حسافة يا جماعة فلوسـي حطيتها بأسهـم وكسّـرت قوسـي صحيح هالدنيـا عطتنـا الدروسـي والصبر زين إلا بسهـم المواشـي والخاء : خلاص اقول توبه ولا أعود لو كنت بالمكسب موصى وموعـود وهذا قرار مـا علـي فيـه منقـود والصبر زين إلا بسهـم المواشـي والدال : دجينـا بسهـم المواشـي نشريه غالـي ثـم نبيعـه بلاشـي هذا جزاة اللـي شـرا بالخشاشـي والصبر زين إلا بسهـم المواشـي والذال : ذاك اللـي تسبـب علينـا ويـلاه لـو انـه يطيـح بيديـنـا من دون ذبحـه كلنـا مـا رضينـا والصبر زين إلا بسهـم المواشـي والراء : رمينا رميـة دون رامـي وصابت وقلنـا حرفنـة ياسلامـي السوق طيب لين جانـا الصرامـي والصبر زين إلا بسهـم المواشـي والزاي : زدنا يوم شفنـا المرابـح وقمنا مـع العالـم نزيـد المطابـح ويمكن على بعض السهوم انتذابـح والصبر زين إلا بسهـم المواشـي والسيـن : سوينـا بهـا فاهمينـي نشري نقول السوق بكـره يزينـي نبغى المكاسـب وأثرنـا خاسرينـي والصبر زين إلا بسهـم المواشـي والشين : شاري يومه السوق غالي مـا همنـي لـو زاد فيهـا ريالـي لا والله الا راح بـاقـي حـلالـي والصبر زين إلا بسهـم المواشـي والصاد : صدق اللي سهمـا منـول حول ميه وسبعيـن واليـوم حـول ينـزل الـى ستيـن شـي يهـول والصبر زين إلا بسهـم المواشـي والضاد : ضاربنـا بسهـم الفنـادق لكن رمونـا مثـل رمـي البنـادق حتـى زبنـا بالحفـر والخـنـادق والصبر زين إلا بسهـم المواشـي والطاء : طمرنا طمرة دون داعـي نبغى النسب بالباحـه أو بالجماعـي واليـوم يكفينـا حليـب المراعـي والصبر زين إلا بسهـم المواشـي والظاء : ظلمني من نصحني بتعمير ويقول لي هذا السهم مكسبـه غيـر وانا مطبح فيـه مـن دون تفكيـر والصبر زين إلا بسهـم المواشـي والعين : عيـوا يرفعـون المؤشـر يمكن سياسـة سـوق لازم يخسـر كم واحد مـن ذا المؤشـر مدمـر والصبر زين إلا بسهـم المواشـي والغيـن : غيّـر يالمحافـظ وبـدل موضوعنا حلـه وبالسـوق عـدل نظامكـم مـا هـو كتـاب منـزل والصبر زين إلا بسهـم المواشـي والفاء : فتيحي مشترينـه بطمعـه لكـن جانـا منـه عشريـن قمعـه ما اظن يستاهـل حسابـه وجمعـه والصبر زين إلا بسهـم المواشـي والقاف : قالوا بكره السـوق يرتـد والوضع اشوفـه كـل يـوم يتعقـد مقرود يامن طـاع شـور المقـرد والصبر زين إلا بسهـم المواشـي والكاف : كافي يا وزيـر التجـارة خمسيـن بالميـه علينـا خسـاره ان كان تفهـم فـي فنـون الاداره والصبر زين إلا بسهـم المواشـي واللام : لبنى يوم أغارت بلا خيـل خذت بسطوتهـا سهـوم الرجاجيـل وخلـت مدامعهـم تبـل المناديـل والصبر زين إلا بسهـم المواشـي والميم : ما تنفـع سهـوم العوايـد خسرانة ومـا عـاد فيهـا فوايـد الفايـده بالكـاش لا صـار زايــد والصبر زين إلا بسهـم المواشـي والنون : نادوا من يعرف السلومـي وقولوا توجه يـم شيـخ القرومـي يحلهـا لا صـار وقـت اللزومـي والصبر زين إلا بسهـم المواشـي والهاء : هروج كـل يـوم تعـادي كـل يسـوي فاهـم ٍ واقتـصـادي ياطيبكـم عنـد العشـاء والمنـادي والصبر زين إلا بسهـم المواشـي والواو : وهقنا المسمـى ابراهيـم يقول انـا بقلـب جميـع المفاهيـم ياعزتيـلـه علـقـوه الشغامـيـم والصبر زين إلا بسهـم المواشـي والياء : ياربي طالبك ترحم النـاس وان تنتقم يارب من فعل الأنجـاس ولا باس ياللي صابه الهـم لا بـاس والصبر زين إلا بسهـم المواشـي |
|
|
|
04-03-2006, 11:30 PM
|
#2 |
|
متداول نشيط
تاريخ التسجيل: Sep 2005
المشاركات: 277
|
معلقة رائعة
المفروض انهاااااااا تعلق على جدار هيئة السووووق وفيت اخي الكريم لا عدمناك |
|
|
|
|
04-03-2006, 11:36 PM
|
#3 |
|
محلل فني
تاريخ التسجيل: Jun 2004
المشاركات: 5,481
|
تسلم وتعيش ياولد ديرتي
|
|
|
|
|
04-03-2006, 11:48 PM
|
#4 |
|
متداول فعّال
تاريخ التسجيل: Sep 2005
المشاركات: 194
|
على اغنية محمد عبده الاماااااااااكن
-------------------------------------------------------------------------------- المواشي كلها مشتاقة لك .... والقصيم اللي انرسم فيها خيالك واللجين اللي سرى بروحي وجالك ...... ما هو بس عمو فتيحي المواشي كلها مشتاقة لك المصافي ما تذكرني بشي ..... حتى صدق ومعدنية فيها شي لو تغيب الجوف نادك ما تغيب .... شوف حايل آه من تطري علي المواشي كلها مشتاقة لك المؤشر من نزولة ذاب فيني كل صوت ... والتذبذب من جنانه ارتعد فيني السكوت صرت خايف لا تجيني............ نسبة يقفل فيها عرضي ......... وكل اموالي تفوت آه آه لو تدري حسابي كيف ايامي بدونك ...تبقى في البنك وتروف آه آه آه من ثمار وين الثمار وانا قلبي من نزل ما عرف طعم الامان ... ليه كل ما جيت أسأل هالجهاز أسمع الشاشة تقول ... ما هو بس عمو فتيحي ... المواشي كلها مشتاقة لك المبالغ اللي ضحيت انا فيها مقترض منها وابيها ... بس لكن ما لقيتك جيت قبل العصر يذبل .... قبل حتى يذوب في جنح الظلام ... واشتريت كنت اظن ان السوق جامد .... يرتفع لو بس شوي كنت اظن الربح واجد ........ واخذ معاهم شوي كنت اظن وكنت اظن ......... وخااااااااب ظني ومابقى برصيدي شي ...... وانتهيت منقول من منتدى الشلاقى |
|
|
|
|
04-03-2006, 11:50 PM
|
#5 |
|
متداول نشيط
تاريخ التسجيل: Apr 2005
المشاركات: 310
|
ما شاء الله الداود من الدلم ... والله الوالد له خوي من الداود وجار لنا اول بالصحنه
عرفنا اثنين اليوم من الديرة ............ونعم وش اخبار الصحنه قبل اسبوع عندكم بمزارع المحمدي طبعا انا بالدمام سكن وعمل ...لكن الاهل عندكم كل شهر تقريباً لكم زيارة على فكرة القصيدة يا ولد الدلم لك ... والا منقوله |
|
|
|
 |
| مواقع النشر (المفضلة) |
|
|
