ان كان حظك مثل وجهك *** اقعد بها وغازل الفيران

[ابوراكان]

ياناس جدة غير حتى عندهم لاب توب اكتب منه الحين وانا استغل هالمناسبة واقدم التهنئة لنفسي لأني اشتغلت على اللاب توب قبل ان اموت كما لا يسعني في هذه العجالة الا ان امسي على خالي بدر واقول له موت بغيظك يالدوبه اجل تتحداني ان اشتغل على لاب توب ياللي فيك شعر في وجهك ( مايعرف يدعي ) مع اني اعرف انك ماتفرق بين اللاب توب وحبة الجرجير لكن من منطلق انك خالي وانك أقرب الناس لأمي وأنك ماتحبني حبيت اعلمك بهذا الخبر المفرح الذي سيكون النواة الأولى لتشكيل جيش عربي كبير يستطيع تحرير القدس <---- روح نام يابابا

وقبل ماابتدي بأي شيء أحب ان اوجه عنايتكم الى اننا سننتقل للبث الفضائي لأن فيلمنا الذي بصدد تقديمه يحتوي على مشاهد مدري وش اقول بس خلوها على ربكم خاصة اذا طلعت البطلة من المسبح <--- يبي يجيب العيد من أولها
علشان نسحب سيفون على من هو اقل من ثمانطعش ويفوته الفيلم هذا لكن لأننا نملك أحاسيس ومشاعر فأن ادارة القناة ممثلة بالمدير العام ( زنيفر ) والوكيل ( جفين ) ومدير محطة الأفلام ( قرناس ) ومراقب الأفلام ( ابو شنب ) عقدوا أجتماع بعد ظهيرة يوم التاسع من آب بن أغسطس بن مارس آل تويكس <---- آل تويكس حمولتن طيبة ومايذكرون الا بالخير لكن عندهم شاب طايش يدخن تحت الدرج )
وقد عقد الأجتماع في استراحة حول نمار وتناقشوا في بدايته حول من اللي بيفحط الأسبوع هذا وفي منتصفه حول من اللي عليه الدور علشان يشتري ذبايح الثلاجه وفي نهايته تناقشوا حول الذين سوف يحرمون من مشاهدة الفيلم وهم اللي أعمارهم أقل من ثمانطعش سنة وانتهى الأجتماع على ان من يرغب بمشاهدة الفيلم من اللي اقل من 18 ان يرسل رسالة خاصة لي وان يكتب في الرساله سيرته الذاتيه وفي أي شارع بيتهم ويبشر بعزه


وقبل ماننقل للفيلم احب ان اذكر الشركات الراعيه له وهي /
@ شركة زنيفر المتحدة لشراء النياق المجاهيم
@ شركة جفين اللي متحده نص ونص لبيع الأدوات الصحية وسراويل السنه
@ شركة قرناس اللي ماهي متحده ابد لبيع المساويك وتقليم الأظافر
@ شركة ( ألغام ) ( دي ) للتعاقد مع شعراء المحاورة
@ المفتاح السبير حق بيتنا
=====================================
كنت في السادسة من عمري عندما ركبت مع خالي بدر على سيارته الميتين واربعين السوداء المطيحه بسبب وزنه الزايد:confused: وكنت ماادري وين بيوديني هو ووجهه اللي كله خدود ومرت علي الساعه تتبعها ساعت(ن) ثانية وانا مثل العنز الجربا التي تقاد للمسلخ وهي تحسب انهم بيودونها لعرس ( صعفق ) علشان تشوف الرقص <--- يالحبيب ياانك تشبه زين والا عد الدواير الحمر اللي في بابكم
ويومي حسيت انا مطولين على هالوضع أطلقت لخيالي العنان لكي يتخيل اللي يبي وانا بأقعد أتفرج فيه
عاد خيالي طلع مايوفر وهو اللي يتخيل اني صرت شاب في العشرين من عمري واني تخرجت من الثانوية بتقدير ممتاز وقعدت أفحط في الحارة بهالمناسبة وبعد مامر يومين على أخذي للنتيجه الا وأبدأ التفكير في مستقبلي <--- منتب عاقل يالمصري
وانا اللي تخمني حالة نفسية ينقال لها ( حالة أزبد له ) وهي تجي للي يأكل طماط كثير وصرت ماأطلع من غرفتي الا للأكل وكل ماسألوني أهلي أقول لهم أحل معادلات من الدرجة الثانية خخخخخخخخخخخخخخخخخ وماانتهى أسبوع الا والحاله تفكني من نفسها تقول ماابي ارتبط مع واحد اقصى طموحه انه يصير عنده طقم فالنسيا الأسباني
بعد مافكتني الحالة تمددت على الكنب وطقطقت اصابعي وأدخلت قوات الطوارىء لخشمي من أجل وضع حد للحالة المأسوية اللي اعيشها مع هالخشم وعندما طلعت ساعتي صوتها المعتاد اذا صارت الساعه خمس تمام والا سبع تمام لأن ساعتي من نوعية ايسكو اللي ثلاث حبات بعشره ريال
وقالت ( طنن طنن ) وان اقوم من النوم وأروح للصاله وألقى الشله كلهم متجمعين من خوالي وعماني ( عماني والا اردني ) وانا ألقى عليهم تحية الأسلام اللي هي ( مساكم الله بالخير يالربع ) <---- ساقط في الفقه
ويومي لاحظت ان خالي بدر ماهو معهم قلت لهم وبصوت عالي / شباب فيكم شدة
قالوا / ليه؟ قلت : نطلع لسوريا ماكملت هالجملة الا وأحس اني صرت مثل المشاهير ذولا اللي اذا طلعوا للمسرح ذبوا عليهم الجمهور الورود بس انا اللي جاني ماهي ورود اللي جاني فناجيل تمشي طبلونها والمشكلة انها كلها استقرت في الجبهه يعني اثرها مضاعف خخخخخخخخخخخخخ
انا ترى أقدر أرد عليهم الصاع صاعين وأجلدهم كلهم بس مثل ماتخبرون ياربع الشيخ مدحت ان الكثرة تغلب الشجاعة
هذا الكلام صار لي بعد صلاة المغرب ويوم اذن العشاء قام واحد من خوالي مطوع على باله بيلحق الصلاة وهو توه مأذن ومر من جنبي قمت وحطيت رجلي على دربه كني مادريت وسويت فيها نايم واشوف ان الرجل طولت على حالتها مامر عليها شيء ولاتكرفس خالي ولا صار حاجه و افتح عيوني بأشوف وش القضية الا طلع خالي بدر جاي وعرف اني متعمد هالحركة وهو يولع كبريت ويطفي الكبريت في رجلي بعدها عينك ماتشوف الا انواع الصياح وأقعد اتحلف فيهم وأهددهم بأني سوف أحرقهم كلهم وبأشب في شوشة خالي بدر واصوره اذا شب علشان ارسلها لمجلة باسل في صفحة (يحفظ بعيدا عن متناول الأطفال ) ههههههههههههههههههههههههههههههههههههههههه
المهم مرت الايام وأرسلوني بعثه لكندا لأني طالب نابغة وأحب سنكرز وبابانجيدا
ويومي وصلت لكندا اشترطوا علينا في الجامعه انا نختار لنا عائلة نعيش معها علشان اللغة وحط قدامي كتالوج فيها العائلات الموافقه على قدوم طالب للعيش معها وأقعد افتش هالدفتر صفحه صفحه علشان أختار العائلة اللي بأنضم لهم ويطيح عيني على عائلة عدد أفرادها ثلاثه اللي هم الأب والأم وبنت لهم تدرس ثاني ثانوي طبيعي <--- لا ياشيخ اجل في كندا عندهم طبيعي وشرعي خخخخخخخخخخخخ
واستقبلتني هالعائلة أحلى استقبال حتى ان الأبو والأم قعدوا يبوسوني ويوم جت البنت تبي تبوسني رفضت وقلت لها ان تعاليم ديننا ترفض التبويس وتفهمت ( سوزي ) الوضع مع اني ودي بس احس انها مالها سنع قدام ابوها وامها خخخخخخخخخخخخخخخخخخ
وكنت حاس ان هالعائلة ماهيب محترمه من يومي دخلت عليهم ولقيتهم يلعبون ضومنه بس مشيتها قلت يمكن يتعدل الوضع ولأني كارف كرف ماهوب صاحي في الصباح جاني النوم بدري وطلبت من ابوهم ان يدلني على غرفتي اللي بانام فيها ويقوم المقرود ويوديني لغرفة بنته ويقول هذي غرفتك انت وسوزي <--- ادري انكم تحسدوني يالمشافيح خخخخخخخخخخخخخخ
وادخل الغرفه واشوف فيها حركات تفتح النفس مو مثل غرفة دحيم اللي كلها صور زينب العسكري
وأسوي فيها راعي بيت وأطلع من شنطتي العلكة اللي فيها صور سيارات جايبها معي من عند شفيق للمواقف اللي مثل كذا وأقعد آكل علك وألزق صور السيارات في الجدار حتى صارت الغرفه مثل ورشة زيدي توه متقاعد ههههههههههههههههههههههههههههههههه وانام على طول لأني داري ان سوزي بتزعل علي اذا شافتها المهم يومها دخلت وهي على طول تنصى الدولاب واشوفها قامت تنزل عنها السلسال وانا اتنحنح ابيها تفهم ان فيه رجال بالغرفه بس البنت مطنشه وكملت التفصيخ بعد ماشفت الدعوة كذا وانا اللي اتشقق من الفرحه لأني بالسعودية كنا نروح نشتري بطاقات علشان التشفير اما الحين صارت الدعوة على الهواء وماجاني نوم ذيك الليلة وماامدى الصبح يطلع الا وانا مسنتر عند كبينة تحت العمارة اسمها ( كبينة قابر ) واروح اكلم خوياي اللي بالسعودية وأعلمهم بأول يوم ووش صار فيه بس حزني واحد من العيال قعد يبكي وانا اعلمه خفت انه صار مطوع وانا ماادري وقلت له : شفيك تبكي ؟
قال : ابكي على فرحتي بسماع صوتك ( لا ياشيخ الا والله تبكي من القهر خخخخخخخ)
المهم رجعت لبيتهم ولقيت عندهم بلايستيشن تو واقعد العب عليه لين أتعب واروح للغرفه قبل سوزي علشان اشوفها زي اللي الليله اللي راحت واستمرت سوزي في حركاتها ذيك لين قال لي الشيطان كلام مافهمت منه الا يومه قال والله لتندم

ويجي ذاك اليوم اللي مدري وش يبي واطلع للغرفه متأخر شوي قلت اذا جت ابي اقول لها تعلمني كيف يسلمون على بعض في كندا علشان ماانفضح قدام الدكاترة في الجامعه اسلم عليهم بنقرة على الخشم
هههههههههههههههههههههههههههههههههههههههههههههههههه ههههههههههههههههههههههه
<---- ناوي يجيب العيد مررررررررررره

وبعد مادخلت في الغرفه وانا اللي أقوم من السرير و استقبلها ويومي جيت باسألها ...........




















الا اشوف خالي بدر يقومني من النوم ويقول انزل انزل يالورع وصلنا تشليح الحاير
هههههههههههههههههههههههههههههههههههههههههههههههههه ههههههههههههههههههه


__________________