للتسجيل اضغط هـنـا
 |
 |
أنظمة الموقع |
|
تداول في الإعلام |
|
للإعلان لديـنا |
|
راسلنا |
|
التسجيل |
|
طلب كود تنشيط العضوية |
|
تنشيط العضوية |
|
استعادة كلمة المرور |
 |
|
|||||||||||||||||||||||||||||||
|
| ||
30-08-2005, 09:29 AM
|
#1 |
|
متداول نشيط
تاريخ التسجيل: Sep 2004
المشاركات: 1,573
|
قصيدة في الاسهم
ألـف : أولــف وأول الـسـوق نسـبـه نسبـة تحـت مـا عـاد تحـتـاج حسـبـة سوق ضربنـا فـوق عشريـن ضربـة والصبـر زيــن إلا بسـهـم المـواشـي والـبـاء : بـديـنـا وأشتـريـنـا وبـعـنـا ويالـيـتـنـا فـيـمــا كـسـبـنــا قـنـعـنــا طــرنــا وتعـلـيـنـا ولــكـــن وقـعــنــا والصبـر زيــن إلا بسـهـم المـواشـي والـتـاء : توقعـنـا تـزيــد المـكـاسـب وقلنـا نبـي نـشـرب لـذيـذ المـشـارب لكـن ورطنـا بـيـن عــارض وطـالـب والصبـر زيــن إلا بسـهـم المـواشـي والثـاء : ثبـت عـنـدي بعـلـم يقيـنـي انـي خسـرت وراح مــا فــي يميـنـي الله عـلــى تـسـديـد ديــنــي يـعـيـنـي والصبـر زيــن إلا بسـهـم المـواشـي والـجـيـم : جمـعـنـا سـهــوم كـثـيـرة ولا دريـنــا أن الـدعــاوي خـطـيــرة حـتـى خـسـرنـا والـخـسـارة كـبـيـرة والصبـر زيــن إلا بسـهـم المـواشـي والحاء : حسافـة يـا جماعـة فلوسـي حطيتـهـا بأسـهـم وكـسّـرت قـوســي صحـيـح هالدنـيـا عطتـنـا الـدروسـي والصبـر زيــن إلا بسـهـم المـواشـي والخاء : خلاص اقول توبه ولا أعود لو كنـت بالمكسـب موصـى وموعـود وهـذا قــرار مــا عـلـي فـيـه منـقـود والصبـر زيــن إلا بسـهـم المـواشـي والــدال : دجيـنـا بسـهـم الـمـواشـي نشـريـه غـالـي ثــم نبـيـعـه بـلاشــي هـذا جــزاة الـلـي شــرا بالخشـاشـي والصبـر زيــن إلا بسـهـم المـواشـي والــذال : ذاك الـلـي تسـبـب علـيـنـا ويـــلاه لـــو انـــه يـطـيــح بـيـديـنـا مــن دون ذبـحـه كلـنـا مـــا رضـيـنـا والصبـر زيــن إلا بسـهـم المـواشـي والـراء : رميـنـا رمـيـة دون رامــي وصـابـت وقلـنـا حـرفـنـة يـاسـلامـي السـوق طيـب ليـن جـانـا الصـرامـي والصبـر زيــن إلا بسـهـم المـواشـي والـزاي : زدنـا يـوم شفنـا المـرابـح وقمـنـا مــع العـالـم نـزيــد المـطـابـح ويمكن علـى بعـض السهـوم انتذابـح والصبـر زيــن إلا بسـهـم المـواشـي والسـيـن : سـويـنـا بـهــا فاهمـيـنـي نشـري نقـول السـوق بـكـره يزيـنـي نبـغـى المكـاسـب وأثـرنـا خاسريـنـي والصبـر زيــن إلا بسـهـم المـواشـي والشين : شاري يومه السوق غالـي مــا هـمـنـي لـــو زاد فـيـهـا ريـالــي لا والله الا راح بـــاقــــي حـــلالــــي والصبـر زيــن إلا بسـهـم المـواشـي والصـاد : صـدق اللـي سهمـا مـنـول حـول مـيـه وسبعـيـن والـيـوم حــول يـنــزل الـــى سـتـيـن شـــي يـهــول والصبـر زيــن إلا بسـهـم المـواشـي والضـاد : ضاربـنـا بسـهـم الفـنـادق لـكـن رمـونـا مـثـل رمـــي الـبـنـادق حـتــى زبـنــا بـالـحـفـر والـخـنــادق والصبـر زيــن إلا بسـهـم المـواشـي والطـاء : طمرنـا طمـرة دون داعــي نبغـى النسـب بالباحـه أو بالجمـاعـي والـيــوم يكفـيـنـا حـلـيـب الـمـراعـي والصبـر زيــن إلا بسـهـم المـواشـي والظاء : ظلمني من نصحني بتعميـر ويقول لـي هـذا السهـم مكسبـه غيـر وانــا مطـبـح فـيـه مــن دون تفكـيـر والصبـر زيــن إلا بسـهـم المـواشـي والعـيـن : عـيـوا يرفـعـون المـؤشـر يمـكـن سيـاسـة ســوق لازم يخـسـر كــم واحــد مــن ذا المـؤشـر مـدمــر والصبـر زيــن إلا بسـهـم المـواشـي والغـيـن : غـيّــر يالمـحـافـظ وبـــدل موضوعـنـا حـلـه وبـالـسـوق عـــدل نظـامـكـم مـــا هـــو كــتــاب مــنــزل والصبـر زيــن إلا بسـهـم المـواشـي والفـاء : فتيـحـي مشتريـنـه بطمـعـه لـكـن جـانــا مـنــه عـشـريـن قـمـعـه مـا اظــن يستـاهـل حسـابـه وجمـعـه والصبـر زيــن إلا بسـهـم المـواشـي والقـاف : قالـوا بكـره السـوق يرتـد والـوضـع اشـوفـه كــل يــوم يتـعـقـد مـقـرود يـامـن طــاع شــور المـقـرد والصبـر زيــن إلا بسـهـم المـواشـي والكـاف : كافـي يــا وزيــر التـجـارة خمـسـيـن بالـمـيـه علـيـنـا خــســاره ان كــان تفـهـم فـــي فـنــون الاداره والصبـر زيــن إلا بسـهـم المـواشـي واللام : لبنـى يـوم أغـارت بـلا خيـل خـذت بسطوتـهـا سـهـوم الرجاجـيـل وخـلــت مدامـعـهـم تـبــل الـمـنـاديـل والصبـر زيــن إلا بسـهـم المـواشـي والميـم : مــا تنـفـع سـهـوم العـوايـد خسـرانـة ومــا عـــاد فـيـهـا فـوايــد الـفـايـده بـالـكـاش لا صـــار زايــــد والصبـر زيــن إلا بسـهـم المـواشـي والنون : نادوا من يعـرف السلومـي وقولـوا تـوجـه يــم شـيـخ القـرومـي يحـلـهـا لا صـــار وقـــت الـلـزومــي والصبـر زيــن إلا بسـهـم المـواشـي والهـاء : هــروج كــل يــوم تـعـادي كـــل يـســوي فــاهــم ٍ واقـتـصــادي ياطيبـكـم عـنــد الـعـشـاء والـمـنـادي والصبـر زيــن إلا بسـهـم المـواشـي والـواو : وهقـنـا المسـمـى ابراهـيـم يـقـول انــا بقـلـب جمـيـع المفـاهـيـم يـاعـزتـيـلـه عــلــقــوه الـشـغـامـيــم والصبـر زيــن إلا بسـهـم المـواشـي والياء : ياربـي طالبـك ترحـم النـاس وان تنتقـم يـارب مـن فعـل الأنجـاس ولا بـاس ياللـي صابـه الهـم لا بـاس والصبر زين إلا بسهم المواشـي ..!! منقوووووووووووووووووول |
|
|
|
30-08-2005, 09:45 AM
|
#2 |
|
متداول نشيط
تاريخ التسجيل: Dec 2004
المشاركات: 379
|
هههههههههههههههههه
أضحك الله سنك شكرا جزيلا ولك خالص التحية |
|
|
|
|
30-08-2005, 09:46 AM
|
#3 |
|
متداول نشيط
تاريخ التسجيل: Nov 2004
المشاركات: 683
|
هههههههههههههههههههههههههههههههههههههههه آآآآآآآآآآآآآآآآه يالمواشي
يعطيك العافيه |
|
|
|
|
30-08-2005, 10:10 AM
|
#4 |
|
متداول نشيط
تاريخ التسجيل: Jan 2005
المشاركات: 537
|
رائع رائع يا سهم الموااااشي ورد ذكره اكثر من عشرين مرة هذا دليل على قوة السهم فلتبحر ايه السهم الى 200 ولك الف شكر اخي كا تب القصيدة
|
|
|
|
|
30-08-2005, 10:37 AM
|
#5 |
|
متداول نشيط
تاريخ التسجيل: Aug 2004
المشاركات: 1,080
|
قصيدة اكثر من رائعة
|
|
|
|
|
30-08-2005, 10:47 AM
|
#6 |
|
متداول فعّال
تاريخ التسجيل: Dec 2004
المشاركات: 112
|
صح لسانك قصيده رائعه
|
|
|
|
|
30-08-2005, 11:32 AM
|
#7 |
|
متداول جديد
تاريخ التسجيل: Apr 2004
المشاركات: 39
|
الفية tiger123
ههههههههههههههه |
|
|
|
 |
| مواقع النشر (المفضلة) |
|
|
