هل تأدبتوا ... هل صحيتوا .... هل وعيتوا الدرس .... والله ما اضن ... اللهم اني بلغت

k-s-a-31 · 12-07-2005, 04:03 AM

السلام عليكم ورحمة الله وبركاته

ياخي مدري انتم لاقين الفلوس في الشارع او معاقبين او تكرهون انفسكم او ماتزكون ..... بصراحه ما ادري وش اقول لكم ...... اعتقد ان ها الخساير وها الضربات وها النزول وها الصفقه الي خذتوها ... اعتقد انها لازم تصحيكم لازم تخليكم تنتبهون لاموالكم واموال عيالكم الي تضيعونها كل يوم في توصيات الله العالم وش وراها

يا جماعه اقول لكم خلاص يجب ان تعون الدرس يجب ... خافوا الله في انفسكم ....

1ـ تجي واحد منكم يقول انا متعلق في الغذائيه اقول له جعلك ماتطلع منها ... اعمى انت وش يدخلك في الغذائيه .... طماع وتستاهل ... شركه خسرانه ماتستاهل ربع سعرها الي هي فيه .... وش عندها وووش صافقك في راسك يومك تدخلها .... واذا نزلت وش الي بيرجعها لسعرك .... نتائج تفشل وما عندها ماعند جدتي

2ـ ثمار .... احد يحط فلوسه وفلوس عياله .... في بقاله .... شركه تعلن نتائج الربع الاول وتقول انها خسرت 30 الف ما قلت لكم بقال .... والله ثم والله ان البقاله احسن منها .... معاد ينفع مع الناس النصايح ... ما اقول الا الي يدخل في ها الشركه مداه ما جاه ... ويستاهل من ضيع فلوسه وفلوس عياله في ها المهزله الي يقولون عنها شركه

3ـ بيشه الزراعيه .... اقول من تعلق فيها تذكر وش انت مسوي في حياتك ... اكيد انت مسوي ذنب كبير الي خلاك تتعلق في شركه .... مغسلة الملابس احسن منها ... اجل ميزانية الربع الاول خساره ثمانية آلاف ريال .....

4ـ الجوف الزراعيه بالله وش عندها .... واحد متصل علي يقول شاريها بـ200 ريال .... وقاعد عند بابهم يحتريها ترجع لسعرها ..... شركه ربحها الربع الاول 500 الف ريال وعدد اسهمها 4 مليون سهم .... هل تعلم ها الشركه الي يقال لها ربحانه ان مكرر الارباح فيها حسب سعر اليوم 350 تقريبا ... انت مصدوع يوم تشتريها او مدعي عليك ..... خاف الله في رزق عيالك ..... والله لو حاط فلوسك في مقصف مدرسه احسن لك .... ويقولون متعلقين ؟؟؟

5ـ الشرقيه الزراعيه .... اقول جعل من دخل فيها معاد يطلع خلاص تعبنا وانحن ننصح ... معاد بقى الا ندعي عليكم ... احد يكب رزقه في شركه ماعمرها ذاقت طعم الربح .... يا ناس الي يشتغلون في الشركه وش يسوون الربع الاول خسرانيين اكثر من 800 الف .... وفي الاخير يجيك واحد مطفوق ومطفي النور وطاب محيفره فيها .... ويصيح ياناس ياهوه انا متعلق .... جعلق منيب قايله بس

6ـ شمس عز الله من تعلق فيها معادهوب شايف شمس الربح ... العام الماضي ... ربحها 570 الف ريال ..... مكرر ربحيتها حسب سعر اليوم مايقارب 860.... متى بتصحون متى بتتثقفون الين متى وانتم تطامرون ورى المجفيه وعملاء الهوامير .... خلاص

7ـ سيسكو .... شركه خسرانه الربع الاول 725 الف ريال .... وما عمرها سمعت عن الربح وعدد اسهمها 8 مليون ..... ليش تشتريها بـ190 و180 انت في راسك شي ... وش ترجي من ورى هالشركه الي مافيه امل ترجع لاسعارها هذي خاف الله في رزكق ورزق عيالك .... الين متى وانتم بها الجهل ... الين متى وانتم تتبعون السراب والضياع

وفيه شركات ثانيه كثيره ... اقول لكم اياني واياكم تراكضون وراهم .... ناس مايخافون على سمعة شركاتهم ..... شركات خسرانه شركات لو تعلقت فيها والله معاد تطلع منها الا بأكسجين ..... يا جماعه خلونا نصير واعين نصير واقعيين نصير مثقفين ... نعم مثقفين نعرف السوق نعرف مكرر الارباح نعرف الشركات وش تشتغل فيه نعرف مكررات الارباح نعرف المحفزات ونعرف ونعرف ونعرف الكثير الكثير ... عشان مانصير امعات ... ومانطيح في ايدين الهوامير وابواقهم الي ملوا كل مكان المنتديات والبالتوك وحتى المجالس ....

يا جماعه والله ثم والله اني ما اقول الكلام هذا الا ابي شي واحد وهو انكم توجهون ضربه قويه لهذه الشرذمه ... وخلوا على لسانكم سؤال واحد لاي واحد يوصي على اي سهم وهو وش عند ها السهم يوم توصي عليه ووش المحفز عشان نشتري ووش العائد الي بيجينا منه لو بغينا نتملك ونستلم الارباح ... ياناس ياهوووه خلو هالنزول درس لكم ومن بكره حطو اكس على الشركات الي ماوراها الا الخساير والتعليقات ....

ولا ننسى الشركات الثانيه الي وصلت الى اسعار خياليه ... صحيح انها شركات عوائد لكن اسعارها صار مبالغ فيها .... ليش تشتري فيها باسعار خياليه ليش ليش ... ثم تجي تصحيح تقول انا تعلقت ....

مثال معدنيه (مذهله ههههه) .... وارباح الربع الاول وصل 7 مليون .... ومكرر الارباح حسب سعر اليو تقريبا 34 ريال ..... وكانت قبل اسبوعين فوق 490 ريال وكان يوصى عليها بقوه ولا ادري لماذا .... وش المحفزات الي توصلها لاكثر من 500 وش الهدف ... حتى ارباحها ماتأهلها ..... ومن ثم يجيك الجهال ويصيحون ويسبون من وصى عليها بـ480 و490 .... وما يخلون شي ماقالوه عنه ... وانا اقول ساد تستاهلون يومكم تشترونها وين تبون توصلون ووش السعر الي تخيلونها لشركه ارباحها الربع الاول 7 مليون ؟؟؟؟ .... الى متى الجهل الى متى

نما مثلا وش عندها .... ازعجونا في كل مكان نما الى السما نما نما .... طيب وش محفزاتها ووش الي يخليني اشتريها بـ230 و240 وانا واثق انه لو حدث نزول انها بترجع لسعرها الي شريتها به ... مافيه اي شي ..... غير البهرجه والتطبيل مدفوع الاجر والي راح ضحيته الكثير .... هل تعلم ان ارباح نما الربع الاول 5.2 مليون وان عدد اسهمها 13 مليون سهم .... وحسب سعر اليوم هل تعلم ان مكرر ارباحها وصل الى 132 تقريبا .... ومع كل هذا مازالو يصايحون في البالتوك والمنتديات نما الى السما اذا ارتفعت اللجين بترتفع نما ..... طيب وبعدين ...

الوقت مايكفي عشان اتكلم عن كل الشركات لكن لي رجاء خاص ... من بكره اذا جيت تشتري ابتعد عن الشركات الخسرانه ... والمتضخمه والي ماعندها اي محفز والي مافيه امل تتطور

مثلا احد الزملاء عنده ((فتيحي و جازان و طيبه )) ووالله ثم والله ثم والله .... انه يقول انوم الصباح الين يذن الظهر .... وما شلت هم النزول وما حرك فيني شعره لعدة اسباب ... اهمها ان اقتصادنا قوي قوي قوي ..... ثانيا شركاتي مثل فتيحي عندها رفع راس مال وعندها مستشفى كبير وعندها مشاريع كثيره كل واحد منها يعتبر قنبله ..... وجازان مكرر ربحيتها من افضل الشركات حسب سعر اليوم وصل تقريبا 15 .... عندها رفع راس مال .... بتصير شركه قابضه .... وعندها مشاريع كبيره وتملك في سابك والاتصالات واسمنت تبوك .... طيبه شركه لها عائد ... شركه عندها رفع راس مال شركه في حال دخول الخليجين بتصير غير ....

عرفتوا ليش انام الصبح وانا مرتاح وماني خايف من هالنزول .... ياناس خلوا عندكم وعي وحس ثقافي واعرفوا وش تشترون ووين تستثمرون .... مهوب طقها والحقها ومع اول خساره تجي تصيح وتدعي على اهل البالتوك والمنتديات ....

وفيه شركات عندها محفزات لكن لايمكن اني ادخلها مثل صدق ... شركه خسرانه اكثر من اربع مليون للربع الاول وشركه عمرها مافرحت ملاكها بربح ... حتى ولو صار عندها زيادة راس مال اعتقد ان الشركه ماتيتاهل اي سعر توصل له وماتستاهل ان الواحد يملك فيها ... ولا تهون المتطوره ... والكابلات الي اتمنى ان يكون فيه تحقيق وين تروح الارباح شركه توقع صفقات بمئات الملايين .... وفي الاخير يا خسرانه يا تعلن عن ربح مليون او اثنين او ثلاثه ..... شركه مافيها اي تطور دائما الى الوراء ..... رغم عقودها الجباره

الصادرات .... مثلا لو استمرت ارباح على هذا المنوال فهذا يعني ان الشركه رائعه جدا ... هل تعلم ان مكرر ربح السهم حسب سعر اليوم 453= 15.5 ممتاز جدا .... ولكن هل هذه الارباح مستمره ... اتمنى ذلك

من غدا اقتنص .... صافولا نعم صافولا .... اقتنص الراجحي (للمستثمرين) اقتنص الاتصالات اقتنص مكه اقتنص فتيحي اقتنص جازان اقتنص طيبه اقتنص البلاد(كاستثمار طويل) اقتنص الصادرات (حسب مكرر الربحيه يعتبر السعر غير متضخم) .... اقتنص سابك بعد نزول خبرها مباشره لانها سوف تنزل عن سعرها هذا وتكون قد امتلكت ثروه باقل من اسعارها هذي .... المصافي جيده حسب عدد اسهمها ومحفزها .... اقتنص جرير باقل من سعرها الحالي تعتبر جيده .... الراجحي كنز .... الي عنده فلوس زايده يحطها في الراجحي وينوم .... المجموعه رهيبه واسعارها الآن ممتازه اقل من 570 يابلاش .... عسير رائعه والعقاريه كذلك

تعبت وانا اردد في كلامي وتعبت وانا اقول نفس الكلام لكن ... خلوكم ورى الي يطبلون في المنتديات والبالتوك ....

لاتشرهون على الاملاء والتعبير تراي .... كاتبها وانا سافط الطبلون

moslem · 12-07-2005, 04:13 AM

اخي الكريم بارك الله فيك

رفقا بأخوانك ممن تعلق بهذه الشركات
واكيد اللي فيهم مكفيهم
اسأل الله ان يفك تعليقتهم ويقلب خسارتهم ربحا
( ونصيحة اخوية لله من كانت خسارته كبيرة في اي شركة لالالالالالالالالالا يبيع
مين كان يصدق ان اللجين اللي خسرانه نصف راس مالها تتحول الى شركة استثمارية واعده
اللي خسران لا يبيع ... كأنك اشتريت ارض وانتظر عليها )

متنوع · 12-07-2005, 04:14 AM

لاتشرهون على الاملاء والتعبير تراي .... كاتبها وانا سافط الطبلون
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!
انت تطبل لأسهم معينه نصيحتك جيده ولكن في اخرها..هناك نقاط مثيره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تحياتي

بو منصور · 12-07-2005, 04:14 AM

3ـ بيشه الزراعيه .... اقول من تعلق فيها تذكر وش انت مسوي في حياتك ... اكيد انت مسوي ذنب كبير الي خلاك تتعلق في شركه .... مغسلة الملابس احسن منها ... اجل ميزانية الربع الاول خساره ثمانية آلاف ريال .....

يعني بيشة ماهي من أسهم العوايد a8

khalid M · 12-07-2005, 04:17 AM

اهتمامك حلو بئخوانك
بس تبي اسلوب احسن من كذا
اقل شي مراعاه لشعورهم

والله يعطيك علا قد نيتك
شكراااااااااااااااا

k-s-a-31 · 12-07-2005, 04:20 AM

هلا وسهلا بالجميع

ياجماع .... الي فات مات .... والي تعلق في هالشركات يحاول يطلع بنص سيولته ويدخل في الشركات الي تستاهل لان اسعارها مناسبه جدا ... عندك المجموعه او صافولا مثلا ..... اقسم بالله العظيم انني لا املك فيها سهم واحد

انا كتبت او مدحت مايقارب 15 شركه ... وما طبلت لاي شركه ... والشركات الي مدحتها اما عندها محفزات او اسعارها مناسبه او عندها عوائد ... واذكر لي اي سهم مدحته مايستاهل وقل لي وش سبب انه مايستاهل

كفاح · 12-07-2005, 04:25 AM

كلامك درر والله

روح الله يوفقك وينور بصيرتك وبصرك
هذا اللي ادعو له من زمان ولكن لا أحد يستجيب

كثير من زملائي متعلقين في الوساخة
صدق - سيسكو - نما - القصيم ز - الشرقية ز - مواشي ( احد الزملاء ماكل فيها تعليقة جامدة من العام الماضي )متأمل انها بتنافس سابك

سلام

ابوفيصل نت · 12-07-2005, 07:57 AM

الحمدلله والشكر على نعمه

a4

مره ثانيه ياشباب

a4 a4

أسلووووب حماسي ، وخطابي يذكرني بأسلوب الصحاف أيام الحرب

(( كل (ن ) يغنى على ليلاه ))

...بس غريبه وين المواشي عن توصياتك <<< الظاهر يئس من ارتفاعها وباعهم

FISL55 · 12-07-2005, 08:10 AM

موظوع جيد لخطبه جمعه

تاجر كبير · 12-07-2005, 08:20 AM

كلام صحيح وهكذا يجب أن نكون ولكن هناك من يريد فقط الكسب ولا يريد أن يشقى بالتفكير في كيفية الكسب..
بالتوفيق للجميع

12-07-2005, 04:03 AM	#1
k-s-a-31 متداول جديد تاريخ التسجيل: Nov 2004 المشاركات: 56	هل تأدبتوا ... هل صحيتوا .... هل وعيتوا الدرس .... والله ما اضن ... اللهم اني بلغت السلام عليكم ورحمة الله وبركاته ياخي مدري انتم لاقين الفلوس في الشارع او معاقبين او تكرهون انفسكم او ماتزكون ..... بصراحه ما ادري وش اقول لكم ...... اعتقد ان ها الخساير وها الضربات وها النزول وها الصفقه الي خذتوها ... اعتقد انها لازم تصحيكم لازم تخليكم تنتبهون لاموالكم واموال عيالكم الي تضيعونها كل يوم في توصيات الله العالم وش وراها يا جماعه اقول لكم خلاص يجب ان تعون الدرس يجب ... خافوا الله في انفسكم .... 1ـ تجي واحد منكم يقول انا متعلق في الغذائيه اقول له جعلك ماتطلع منها ... اعمى انت وش يدخلك في الغذائيه .... طماع وتستاهل ... شركه خسرانه ماتستاهل ربع سعرها الي هي فيه .... وش عندها وووش صافقك في راسك يومك تدخلها .... واذا نزلت وش الي بيرجعها لسعرك .... نتائج تفشل وما عندها ماعند جدتي 2ـ ثمار .... احد يحط فلوسه وفلوس عياله .... في بقاله .... شركه تعلن نتائج الربع الاول وتقول انها خسرت 30 الف ما قلت لكم بقال .... والله ثم والله ان البقاله احسن منها .... معاد ينفع مع الناس النصايح ... ما اقول الا الي يدخل في ها الشركه مداه ما جاه ... ويستاهل من ضيع فلوسه وفلوس عياله في ها المهزله الي يقولون عنها شركه 3ـ بيشه الزراعيه .... اقول من تعلق فيها تذكر وش انت مسوي في حياتك ... اكيد انت مسوي ذنب كبير الي خلاك تتعلق في شركه .... مغسلة الملابس احسن منها ... اجل ميزانية الربع الاول خساره ثمانية آلاف ريال ..... 4ـ الجوف الزراعيه بالله وش عندها .... واحد متصل علي يقول شاريها بـ200 ريال .... وقاعد عند بابهم يحتريها ترجع لسعرها ..... شركه ربحها الربع الاول 500 الف ريال وعدد اسهمها 4 مليون سهم .... هل تعلم ها الشركه الي يقال لها ربحانه ان مكرر الارباح فيها حسب سعر اليوم 350 تقريبا ... انت مصدوع يوم تشتريها او مدعي عليك ..... خاف الله في رزق عيالك ..... والله لو حاط فلوسك في مقصف مدرسه احسن لك .... ويقولون متعلقين ؟؟؟ 5ـ الشرقيه الزراعيه .... اقول جعل من دخل فيها معاد يطلع خلاص تعبنا وانحن ننصح ... معاد بقى الا ندعي عليكم ... احد يكب رزقه في شركه ماعمرها ذاقت طعم الربح .... يا ناس الي يشتغلون في الشركه وش يسوون الربع الاول خسرانيين اكثر من 800 الف .... وفي الاخير يجيك واحد مطفوق ومطفي النور وطاب محيفره فيها .... ويصيح ياناس ياهوه انا متعلق .... جعلق منيب قايله بس 6ـ شمس عز الله من تعلق فيها معادهوب شايف شمس الربح ... العام الماضي ... ربحها 570 الف ريال ..... مكرر ربحيتها حسب سعر اليوم مايقارب 860.... متى بتصحون متى بتتثقفون الين متى وانتم تطامرون ورى المجفيه وعملاء الهوامير .... خلاص 7ـ سيسكو .... شركه خسرانه الربع الاول 725 الف ريال .... وما عمرها سمعت عن الربح وعدد اسهمها 8 مليون ..... ليش تشتريها بـ190 و180 انت في راسك شي ... وش ترجي من ورى هالشركه الي مافيه امل ترجع لاسعارها هذي خاف الله في رزكق ورزق عيالك .... الين متى وانتم بها الجهل ... الين متى وانتم تتبعون السراب والضياع وفيه شركات ثانيه كثيره ... اقول لكم اياني واياكم تراكضون وراهم .... ناس مايخافون على سمعة شركاتهم ..... شركات خسرانه شركات لو تعلقت فيها والله معاد تطلع منها الا بأكسجين ..... يا جماعه خلونا نصير واعين نصير واقعيين نصير مثقفين ... نعم مثقفين نعرف السوق نعرف مكرر الارباح نعرف الشركات وش تشتغل فيه نعرف مكررات الارباح نعرف المحفزات ونعرف ونعرف ونعرف الكثير الكثير ... عشان مانصير امعات ... ومانطيح في ايدين الهوامير وابواقهم الي ملوا كل مكان المنتديات والبالتوك وحتى المجالس .... يا جماعه والله ثم والله اني ما اقول الكلام هذا الا ابي شي واحد وهو انكم توجهون ضربه قويه لهذه الشرذمه ... وخلوا على لسانكم سؤال واحد لاي واحد يوصي على اي سهم وهو وش عند ها السهم يوم توصي عليه ووش المحفز عشان نشتري ووش العائد الي بيجينا منه لو بغينا نتملك ونستلم الارباح ... ياناس ياهوووه خلو هالنزول درس لكم ومن بكره حطو اكس على الشركات الي ماوراها الا الخساير والتعليقات .... ولا ننسى الشركات الثانيه الي وصلت الى اسعار خياليه ... صحيح انها شركات عوائد لكن اسعارها صار مبالغ فيها .... ليش تشتري فيها باسعار خياليه ليش ليش ... ثم تجي تصحيح تقول انا تعلقت .... مثال معدنيه (مذهله ههههه) .... وارباح الربع الاول وصل 7 مليون .... ومكرر الارباح حسب سعر اليو تقريبا 34 ريال ..... وكانت قبل اسبوعين فوق 490 ريال وكان يوصى عليها بقوه ولا ادري لماذا .... وش المحفزات الي توصلها لاكثر من 500 وش الهدف ... حتى ارباحها ماتأهلها ..... ومن ثم يجيك الجهال ويصيحون ويسبون من وصى عليها بـ480 و490 .... وما يخلون شي ماقالوه عنه ... وانا اقول ساد تستاهلون يومكم تشترونها وين تبون توصلون ووش السعر الي تخيلونها لشركه ارباحها الربع الاول 7 مليون ؟؟؟؟ .... الى متى الجهل الى متى نما مثلا وش عندها .... ازعجونا في كل مكان نما الى السما نما نما .... طيب وش محفزاتها ووش الي يخليني اشتريها بـ230 و240 وانا واثق انه لو حدث نزول انها بترجع لسعرها الي شريتها به ... مافيه اي شي ..... غير البهرجه والتطبيل مدفوع الاجر والي راح ضحيته الكثير .... هل تعلم ان ارباح نما الربع الاول 5.2 مليون وان عدد اسهمها 13 مليون سهم .... وحسب سعر اليوم هل تعلم ان مكرر ارباحها وصل الى 132 تقريبا .... ومع كل هذا مازالو يصايحون في البالتوك والمنتديات نما الى السما اذا ارتفعت اللجين بترتفع نما ..... طيب وبعدين ... الوقت مايكفي عشان اتكلم عن كل الشركات لكن لي رجاء خاص ... من بكره اذا جيت تشتري ابتعد عن الشركات الخسرانه ... والمتضخمه والي ماعندها اي محفز والي مافيه امل تتطور مثلا احد الزملاء عنده ((فتيحي و جازان و طيبه )) ووالله ثم والله ثم والله .... انه يقول انوم الصباح الين يذن الظهر .... وما شلت هم النزول وما حرك فيني شعره لعدة اسباب ... اهمها ان اقتصادنا قوي قوي قوي ..... ثانيا شركاتي مثل فتيحي عندها رفع راس مال وعندها مستشفى كبير وعندها مشاريع كثيره كل واحد منها يعتبر قنبله ..... وجازان مكرر ربحيتها من افضل الشركات حسب سعر اليوم وصل تقريبا 15 .... عندها رفع راس مال .... بتصير شركه قابضه .... وعندها مشاريع كبيره وتملك في سابك والاتصالات واسمنت تبوك .... طيبه شركه لها عائد ... شركه عندها رفع راس مال شركه في حال دخول الخليجين بتصير غير .... عرفتوا ليش انام الصبح وانا مرتاح وماني خايف من هالنزول .... ياناس خلوا عندكم وعي وحس ثقافي واعرفوا وش تشترون ووين تستثمرون .... مهوب طقها والحقها ومع اول خساره تجي تصيح وتدعي على اهل البالتوك والمنتديات .... وفيه شركات عندها محفزات لكن لايمكن اني ادخلها مثل صدق ... شركه خسرانه اكثر من اربع مليون للربع الاول وشركه عمرها مافرحت ملاكها بربح ... حتى ولو صار عندها زيادة راس مال اعتقد ان الشركه ماتيتاهل اي سعر توصل له وماتستاهل ان الواحد يملك فيها ... ولا تهون المتطوره ... والكابلات الي اتمنى ان يكون فيه تحقيق وين تروح الارباح شركه توقع صفقات بمئات الملايين .... وفي الاخير يا خسرانه يا تعلن عن ربح مليون او اثنين او ثلاثه ..... شركه مافيها اي تطور دائما الى الوراء ..... رغم عقودها الجباره الصادرات .... مثلا لو استمرت ارباح على هذا المنوال فهذا يعني ان الشركه رائعه جدا ... هل تعلم ان مكرر ربح السهم حسب سعر اليوم 453= 15.5 ممتاز جدا .... ولكن هل هذه الارباح مستمره ... اتمنى ذلك من غدا اقتنص .... صافولا نعم صافولا .... اقتنص الراجحي (للمستثمرين) اقتنص الاتصالات اقتنص مكه اقتنص فتيحي اقتنص جازان اقتنص طيبه اقتنص البلاد(كاستثمار طويل) اقتنص الصادرات (حسب مكرر الربحيه يعتبر السعر غير متضخم) .... اقتنص سابك بعد نزول خبرها مباشره لانها سوف تنزل عن سعرها هذا وتكون قد امتلكت ثروه باقل من اسعارها هذي .... المصافي جيده حسب عدد اسهمها ومحفزها .... اقتنص جرير باقل من سعرها الحالي تعتبر جيده .... الراجحي كنز .... الي عنده فلوس زايده يحطها في الراجحي وينوم .... المجموعه رهيبه واسعارها الآن ممتازه اقل من 570 يابلاش .... عسير رائعه والعقاريه كذلك تعبت وانا اردد في كلامي وتعبت وانا اقول نفس الكلام لكن ... خلوكم ورى الي يطبلون في المنتديات والبالتوك .... لاتشرهون على الاملاء والتعبير تراي .... كاتبها وانا سافط الطبلون

12-07-2005, 04:13 AM	#2
moslem متداول جديد تاريخ التسجيل: Jan 2005 المشاركات: 28	اخي الكريم بارك الله فيك رفقا بأخوانك ممن تعلق بهذه الشركات واكيد اللي فيهم مكفيهم اسأل الله ان يفك تعليقتهم ويقلب خسارتهم ربحا ( ونصيحة اخوية لله من كانت خسارته كبيرة في اي شركة لالالالالالالالالالا يبيع مين كان يصدق ان اللجين اللي خسرانه نصف راس مالها تتحول الى شركة استثمارية واعده اللي خسران لا يبيع ... كأنك اشتريت ارض وانتظر عليها )

12-07-2005, 04:14 AM	#3
متنوع متداول نشيط تاريخ التسجيل: Feb 2005 المشاركات: 1,209	لاتشرهون على الاملاء والتعبير تراي .... كاتبها وانا سافط الطبلون !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!! انت تطبل لأسهم معينه نصيحتك جيده ولكن في اخرها..هناك نقاط مثيره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تحياتي

12-07-2005, 04:14 AM	#4
بو منصور متداول فعّال تاريخ التسجيل: Oct 2004 المشاركات: 150	3ـ بيشه الزراعيه .... اقول من تعلق فيها تذكر وش انت مسوي في حياتك ... اكيد انت مسوي ذنب كبير الي خلاك تتعلق في شركه .... مغسلة الملابس احسن منها ... اجل ميزانية الربع الاول خساره ثمانية آلاف ريال ..... يعني بيشة ماهي من أسهم العوايد a8

12-07-2005, 04:17 AM	#5
khalid M فريق المتابعةاليومية - عضو ذهبي تاريخ التسجيل: Sep 2004 المشاركات: 7,245	اهتمامك حلو بئخوانك بس تبي اسلوب احسن من كذا اقل شي مراعاه لشعورهم والله يعطيك علا قد نيتك شكراااااااااااااااا

12-07-2005, 04:20 AM	#6
k-s-a-31 متداول جديد تاريخ التسجيل: Nov 2004 المشاركات: 56	هلا وسهلا بالجميع ياجماع .... الي فات مات .... والي تعلق في هالشركات يحاول يطلع بنص سيولته ويدخل في الشركات الي تستاهل لان اسعارها مناسبه جدا ... عندك المجموعه او صافولا مثلا ..... اقسم بالله العظيم انني لا املك فيها سهم واحد انا كتبت او مدحت مايقارب 15 شركه ... وما طبلت لاي شركه ... والشركات الي مدحتها اما عندها محفزات او اسعارها مناسبه او عندها عوائد ... واذكر لي اي سهم مدحته مايستاهل وقل لي وش سبب انه مايستاهل

12-07-2005, 04:25 AM	#7
كفاح متداول نشيط تاريخ التسجيل: Sep 2003 المشاركات: 269	كلامك درر والله روح الله يوفقك وينور بصيرتك وبصرك هذا اللي ادعو له من زمان ولكن لا أحد يستجيب كثير من زملائي متعلقين في الوساخة صدق - سيسكو - نما - القصيم ز - الشرقية ز - مواشي ( احد الزملاء ماكل فيها تعليقة جامدة من العام الماضي )متأمل انها بتنافس سابك سلام

12-07-2005, 07:57 AM	#8
ابوفيصل نت متداول نشيط تاريخ التسجيل: Aug 2003 المشاركات: 405	الحمدلله والشكر على نعمه a4 مره ثانيه ياشباب a4 a4 أسلووووب حماسي ، وخطابي يذكرني بأسلوب الصحاف أيام الحرب (( كل (ن ) يغنى على ليلاه )) ...بس غريبه وين المواشي عن توصياتك <<< الظاهر يئس من ارتفاعها وباعهم

12-07-2005, 08:10 AM	#9
FISL55 متداول فعّال تاريخ التسجيل: Oct 2004 المشاركات: 223	موظوع جيد لخطبه جمعه

12-07-2005, 08:20 AM	#10
تاجر كبير متداول نشيط تاريخ التسجيل: May 2004 المشاركات: 459	كلام صحيح وهكذا يجب أن نكون ولكن هناك من يريد فقط الكسب ولا يريد أن يشقى بالتفكير في كيفية الكسب.. بالتوفيق للجميع