لقافتنا هي سبب إنهيار السوق اليوم والي بيزعل بكيفه !!

[ألـــــــوان]

:619:

السوق الايام الماضية ولا أروع منه كل يوم خمس أو ست شركات تقفل نسب فوق وتداول كبير وبمبالغ قياسية وأعتقد أن أغلب المتداولين ربحانين وكثير من الاسهم عليها محفزات وتتهيئ للصعود والانطلاق ولكن الحسد سبحان الله بدمنا كل يوم ينقز لنا واحد بالتلفزيون ويقول أن السوق ما فيه شفافية والمعلومة محتكرة ولا يوجد عدالة بالسوق وكمثال ناخذ شركة المتطورة وجيزان الزراعية كل يوم ما شاء الله تحقق أرباح ومكاسب ولا يوجد متعلق فيها على ما اعتقد والشثري كثر الله من امثالة ماسك الشركتين وكسبان وغيرة كسبان معه عنده معلومه والا ما عنده عن الشركة المهم ان العالم ربحانه وتدعيله ولا خسر مسلم معه ومع هذا يطلع لنا من يقول المعلومة محتكرة ولا فيه شفافية كنه لو عرف المعلومة وكان في شفافية يبي يسوي الهوايل !!

والعصابة بقيادة الجزار جماز قلبها جمباز بالسوق والاسعار قلبت فوق تحت اليوم ولا احد يدري وش السالفة قرار ولا أسوء منه للأسباب التالية :

1- لماذا لم يتم اسماء المتعاملين المقصودين بالقرار كي يكونوا عبرة لغيرهم وكي لا يتم ترشيحهم بالمستقبل من قبل المساهمين ؟

2- لماذا لم تعلن عن اسماء الشركات التي لا يوجد لديها شفافية كي يبتعد عنها المساهمين ؟

3- لماذا لم توقف محافظ المتهمين عن التداول وسمح لهم بتصفيتها اليوم بسعر السوق مما أضر بالكثير من المتعاملين بالاسهم ؟ على الطاري وش اخبار التحقيق بسهم الكهرباء !!

4- لماذا لم تتدخل الهيئة وأوقفت التداول اليوم عند حدوث هذا الانهيار وحددت نسبة النزول اليوم بــ 5% على الاقل ؟

5- من كسب باع اليوم صباحا بأسعار مرتفعة هم صناع السوق ومن اشترى عند النزول هم الصناع يعني محد ربح إلا هم ومحد خسر الا هالضعوف وسوق المال يقول الشعار فيه البقاء للأقوى !!

5- صناع السوق أقوى بكثير من الهيئة فرجاءاً يا موظفين الهيئة لا تتدخلون بسوقنا حنا راضيين فيه مثل هو خذ رواتبكم وأقروا الجرايد واطلعوا دوارت على حساب الحكومة ويا جماز يا زينك ساكت !!


رجاء لا يطلع علينا من يقول نبي شفافية لا نبي ضبابية نبيها كحلي ونربح لا مؤشرات ولا شارتات ولا تحليل ينفع بسوقنا الي يفيد بهالسوف الله يسلمكم ان الواحد يلبد على هامور قو ييشتري بعده ويبيع قبله !!

[تورنيدو]

هدي اعصابك ... ولا حول ولا قوه الا بالله ....
صدقني الدنيا ما تستاهل

[aziz100m]

الله لايجيب الزعل.. وكلامك يبرد الكبد بلا شفافيه بلا خراط
ويقول المثل...( غنى ما ت فقير ما ت) والله حى لايموت

[hotath]

انا لى مشترك فى هالمنتدى من فترة ماهى قصيرة ولاكنت ناوى باى مشاركة لان المدرجات ازين من الحلبة الف مرة .........
ولكن لروعة الموضوع هذى اول الحروف ..
موضوع بلدوزرررررررررررر..... اكيد بلدوزرررررر

ما اجمل الالوان

[ahmed abdullah]

هدي نفسك يارجل
المثل يقول [ إيش فرعنك يافرعون(الهوامير+الجماز+الهيئة)
قال مالقيت أحد يردني(.........) ]
رقووووونا



أبو خالد

[ألـــــــوان]

أخواني انا بصرحه صفيت قبل الحركة الي صارت اليوم والحمد لله لكني منقهر وزعلان على أخواني وخواتي الي خسروا وتعلقوا بالسوق بسبب 44 حرامي وهيئة سوق الحمام !!

انا شخصيا لاحظت أن كثير من الاعضاء الجدد يوصون والسوق يمر بفترة يكون في ها المتعامل بالسوق إما مضارب محترف يملك وسيلة تنفيذ سريعة وإما مستثمر طويل الاجل وللأسف لا يوجد ضوابط للتوصيات فكنت أـمنى من إدارة المنتدى فتح عدة أقسام أخرى مثلاً منتدى الاعضاء الجدد وتثبت به المواضيع الاساسية بالتحليل الفني والاساسي ومبادئ الاقتصاد والمحاسبة ويسمح للاعضاء الجدد المشاؤكة فيه بإشراف عدد من الاعضاء القدامى ومن ثم ترقية العضو الجدد إلى منتدى الاعضاء الفاعلين ومن ثم منتدى الخبراء الذين يملكون الخبرة والقدرة على التحليل وذلك لكون التوصية أمانة بمعنى أن من يأخذ بتوصية شخص فكأنما إئتمنه على ماله واذا حدثت خسارة لا سمح الله فصاحب المال هو المتضرر الوحيد اما اذا صدرت الوصية من شخص خبير ومشهود له بالامانة والمعرفة وحدث عكس ذلك لا سمح الله فالشخص الموصي قد بذل جهده ولا يلام على شيئ .

لقد خرجت عن الموضوع قليلاً أعذروني !!