مواقف محرجــــــــــــــــــــــــــــة

[دانة الاسهم]

المشاركة الأصلية كتبت بواسطة السيل الهادر

مره من المرارير ركبت مع راعي ليموزين وصار بيننا ميانه وعيش وملح وسواليف المهم مالكم بالطويله

قلت وش اصعب موقف مر عليك

قال مره كان معي 3 ركاب اجانب بالخلف وراكب سعودي قدام المهم يقول وحنا بالطريق ساااااكتين تذكرت موقف مضحك مرره ومسكت ضحك واحاول اخفي الضحك وما اطالع فيهم واحاول واحاول المهم قال السعودي اللي جنبي خلاص وقف هنا قلت : هااااااااااااه ههههههههههههههههههههههههعهعهعهع وميت من الضحك ويطالع بي شوي وينزل 10 ريال واسمعه يقول اللهم لك الحمد على العافيه .
وابو هنووووود اللي بالخلف كل واحد ماصدقوا على الله وقفت وينزلون وركض ويقولون هذا مافيه صاحي بعدين فيه مشكل .

وسلاااااااااااامتكم .




رجائي بلاش ارانب ترى هالسالفه حقيقية ولا عمري شفت ارانب بحياتي

[grade="00008B FF6347 008000 4B0082"]
ءءءءءءءءءءءءءءءءءءءء

هههههههههههههههههههههههه[/grade]

صاااااااادوه

[نجدية]

هع هع هع هع يالسيل موقف مضحتس صدززز
وعلى طاري الضحتس عندي موقف مره منذو مبطي كنا بعزيمه وكنت قاعده انا واختي ميتين ضحك على موقف الا نادتنا أمي نسلم على عجوز من العزيمه والضحك مابعد راح مننا نبلع فيه تبليع يوم سلمنا انا فيني الضحكه والعجوز المتصابيه منظرها مضحك حيث انها حاطتن شباصه بشعرها مهوب موقعها صححيح
ولاتناسب عمرها وزاد الضحك قالت العجوز وش يضحكتس شايفتن عادل أمام في وجهي يووووم كرررررررريتهاا ضحكه ماقدرت امسك نفسي العجوز تعرف عادل امام هع هع ودي اسكت ماقدرت سمعو ضحكي الجيران الموقف المحرج لحلوة اللبن مهوب لي انا
وسلامتكم هع


السيل هذا التوقيع هديه خاصه جداااا لك
















<<<< منحاش هع

[السيل الهادر]

المشاركة الأصلية كتبت بواسطة دانة الاسهم

[grade="00008B FF6347 008000 4B0082"]
ءءءءءءءءءءءءءءءءءءءء

هههههههههههههههههههههههه[/grade]

صاااااااادوه

ءءءءءءءءءءءءءء

شكلك مانتي مصدقه يادانه ترى بجيب موقف ثاني

[السيل الهادر]

المشاركة الأصلية كتبت بواسطة نجدية

هع هع هع هع يالسيل موقف مضحتس صدززز
وعلى طاري الضحتس عندي موقف مره منذو مبطي كنا بعزيمه وكنت قاعده انا واختي ميتين ضحك على موقف الا نادتنا أمي نسلم على عجوز من العزيمه والضحك مابعد راح مننا نبلع فيه تبليع يوم سلمنا انا فيني الضحكه والعجوز المتصابيه منظرها مضحك حيث انها حاطتن شباصه بشعرها مهوب موقعها صححيح
ولاتناسب عمرها وزاد الضحك قالت العجوز وش يضحكتس شايفتن عادل أمام في وجهي يووووم كرررررررريتهاا ضحكه ماقدرت امسك نفسي العجوز تعرف عادل امام هع هع ودي اسكت ماقدرت سمعو ضحكي الجيران الموقف المحرج لحلوة اللبن مهوب لي انا
وسلامتكم هع


السيل هذا التوقيع هديه خاصه جداااا لك
















<<<< منحاش هع

هديتس مقبوله

لكن ليش ما نتقاسمهن انا وياتس واجد علي الــ 10

[الــــذيــب]

عددهن 13....وماينقسمن على 2


راجعو قصة علي بن ابي طالب وكيف قسم البعارين .هع

[اشراقة قلم]

السلام عليكم ورحمة الله وبركاته

صباحكم فل وياسمين

<< للآن مانست قصة النمل واختنا المصرية اللي راحت فيها من بعض ناس

عددهن 12 وواحد هربان

12 تقسيم 2 كل واحد نفر نصيبه 6

<< قالت نفر بدون أسماء

الأرنب اللي هربان بعض اللي شاركو بالموضوع

لكل واحد منهم حته.. وللكل تقديري.

[الهـــــارف]

المشاركة الأصلية كتبت بواسطة ehtmam

ابن ربيعه
اضحك الله سنك
الموضوع له كم سنه وانتوا مغشوشين خخخخخخخخخخخخخ
الحين عنده 11 سهم
والسهم كان اكتتابه ب55 واول يوم تداول نزل ل49 ولنقل وصل 45
يعني عشرة ريال بالسهم
10×11=110ريال
=
هذا هو الموقف المضحك الحقيقه هههههه

صااااااااااااااااااااااادووووووووووووه

اجل الخسارة 11900 هههههه

بحل ياارانب بعض الناس

عن جد هاااااااااااات لشوف

[نجدية]

مع الاسف الشديد ياأشراقه اقولتس مع احترامي وتقديري لتس اقول معصي يقسمون الارنب المنحاش هذا طال عمرتس بتسوي لنا عليه ام ياسمين الدبيه ملوخيه بالارانب وبنخلي الطبخه لأصدق تسذوب <<هع هع حلوها
ياوخيتي في بالي من مبطي موضوع اجمل تسذبه بس اخاف يعاقبني ربي ادعو الناس للفسق والتسذب فقلت بلاش يكفي محاتسيتس وارانبها بعد ابحث الغير على ذلك <<< لاعبتن بي الفصحى

السيل الله يتقبل منا ومنك ومشاء الله عليك سليط لسان الله لايضرك <<< تحسب سليط مدحه هع

الذيب انا مارتن علي سالفة البعارين بس قاتل الله النسيان تسيف يسوي بالشخص تسذا

[السيل الهادر]

المشاركة الأصلية كتبت بواسطة اشراقة قلم

السلام عليكم ورحمة الله وبركاته

صباحكم فل وياسمين

<< للآن مانست قصة النمل واختنا المصرية اللي راحت فيها من بعض ناس

عددهن 12 وواحد هربان

12 تقسيم 2 كل واحد نفر نصيبه 6

<< قالت نفر بدون أسماء

الأرنب اللي هربان بعض اللي شاركو بالموضوع

لكل واحد منهم حته.. وللكل تقديري.

هلاااااااا بأشراقتنا

والله يالنمل ياعندي لهم قصص لكن ماعطوني الفرصه وانا اخوك
بصراحه مايشجعون على كتابة القصه >> مايقدرون المواهب

الا وش رأيكم كل واحد من اللي دخلوا هالموضوع يأخذ له ارنب ويمشي ونسوي صلح .

[zahi123]

مرة من المرارير زمان أيام الثانوية طلعت أنا وواحد من الزملأ خارج مدينة الرياض عصرية وجالسين وفجأة وحنا نشوف لنا ضب ونركب السيارة مستعجلين ونروح يمه لكن الضب جحر قبل مانوصل له وقمنا نحوم شوي يمكن نحصل لنا ضب ثاني ودرنا الين افترت روسنا ( شباب) بعدين وصلته لبيتهم يوم جاء بينزل من السيارة وهو يدور حذيانة ( أكرمكم الله) وماحصلها أثر خوينا ناسيها في البر يوم طمر طمرة غزال عشان الضب:):):)