والله قهر

[الجاسم0]

اسهم العوايد
حلوه في وقتها
اما باقي الوقت فلا تفيد بشي

[حلا جده]

والله انك صادق كانت عندي اسهم في بتررابغ وكيان وجبل عمر وربي سنه ما زادت 5 ريال
غيرتها بسهم مبرد وفيبكو ولحمد لله عينت خير سوق غريب

[متعلق من 2006]

هذا سوق الرخوم والحصان الأسود هيئه سوق المال كأنه جالسه في بار تمر عليها جميع المشروبات بدون تميز ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟نقو ل الله المستعان الله يخارجنا من هذا السوق؟؟وصبر يطلع بعض المحللين ويقول السوق متضخم ولابد أن يصحح بعد ارتفاع الخشاش

[العصامي1]

إصبر وإستعن بالله ولا تعجز

ربك الرازق سبحانه

[العصامي1]

المشاركة الأصلية كتبت بواسطة حلا جده

والله انك صادق كانت عندي اسهم في بتررابغ وكيان وجبل عمر وربي سنه ما زادت 5 ريال
غيرتها بسهم مبرد وفيبكو ولحمد لله عينت خير سوق غريب

والله أرزاق لا أحد يعلمها

وشرايك اللي كان عليه مبرد ب120 ريال مائة وعشرون ريال
ويفتح نسب وراء نسب لأسفل ومافك إلا على 45 ريال

ربنا يعوض خير

الصبر الصبر

[al gazwani]

كأنك تتكلم على الراجحي الثقيل
مخالف لكل مايدرو في السوق الا في الهبوط يسايرهم

والمحللين يوصون عليه وللاسف السهم صارله 6 شهور مكانه

[سهم الطفرة]

انت تناظر اوقات الارتفاع
لكن يا ليت تناظر اوقات النزول

في النزول تشوف الاسهم الصغيره تفلس باصحابها بينما اسهم العوائد خسايرها بسيطه

العمليه فيها درجه تقبل المخاطره
اذا انت واحد عندك تقبل مخاطره بيع الللي عندك وادخل بالاسهم الصغيرونه
بس تحمل الخساير اذا نزل


واذا انت واحد تمشي عند الحيط خلك على الراجحي واسهم العوائد

وبالنهايه نقول " ليس لنا الا ما كتب الله لنا "

انا لما اخسر واشوف نفسي مقهور أقول في نفسي " رزق ومو مكتوب لك " وبعدها تهدى نفسيتي
:)

[المشيعفي]

اللي ماهو مكتوب لك عسر

[khalid260]

بارك الله فيكم شباب وفي مواساتكم
بس بقول للاخ سهم الطفرة ان الاسهم الخشاشية فعلا ممكن تنزل بقوة واسهم العوائد تأثرها اقل
لكن الخشاش ما يصبر بعد النزول ما رده يقلع بقوة يعني مو خسارة فيه التجميع وفي النهاية تدبيله مية بالمية اذا مو اكثر مو العوايد اسهم الفقر يا ما جمعنا ما شفنا منها الا ضياع الوقت والمال

[عطرالليل]

حبيبي تبديل مراكز فقط بس الواحد يعرف متى يبدل وهذه مشكلتنا مانعرف متى