نحر العقار من الوريد الى الوريد

[أبو يعرب]

المشاركة الأصلية كتبت بواسطة العسّـــه

الدولة غنية واكثر من نصف الشعب مقتدر ماليا ولديه راتب يستطيع به شراء اي سلعه كانت بالتقسيط
اذا حدث النزول بكون في الاراضي السكنية ونزول محدود اما اللي على شوارع عامة تجارية وشبه تجارية اعتقد بترتفع وبتطير لاسعار فلكية والله اعلم

عجبى من بعض الناس كيف يفكر
أكثر من نصف الشعب مقتدر ماليا أبي أفهم مقتدر ماليا وش تعني بها يعني أكثر من نصف الشعب عندهم مليون ونصف يشترون فلل جاهزة أو عندهم ست مئة ألف ريال يشترون أرض فضاء
والجزء الثاني راتب يستطيع به شراء أي سلعة اللي يقرأ لك الآن يفكر أقل راتب للموظف السعودي هو 15 - 20 ألف ريال ألا تدري أن متوسط راتب السعوديين 4 - 6 آلاف ريال

صدقني ينزل العقار لكن إذا عندك شئ حاول تتخلص منه الآن قبل أن تعض أصابع الندم

[أبو يعرب]

الخبر الاهم والقاسي والذي جعل العقاريين الان يبادرون لبيع المخططات هو اقرار الزكاة الذي طال انتظاره فالامير نايف بن عبدالعزيز اجتمع بالسابق مع امراء المناطق لنقاش موضوع الاسكان والمشاكل المرتبطة فيه ومن اناس قريبين من اصحاب القرار بمكتب ولي العهد الجديد فالاسكان هو همه القادم وتوفير السكن الملائم هو ماسيعمل عليه خلال الفترة القادمة ولن يكون هناك اي شي يعيق موضوع الزكاة للاراضي بحول الله تعالى
بصريح العبارة الدولة ناوية العقار ومعالجة أزمة السكن لدى المواطن السعودي لأنها أصبحت الهم لدى جميع المواطنين وبالتالي هذا ينعكس على أمن واستقرار الدولة في ظل قيام بعض الثورات في المنطقة نتيجة الأزمات الاقتصادية في تلك البلدان والسياسيين ليسوا بسذاج حتى تفوتهم هذه النقطة بالدرجة الأولى لضمان أمنهم وسلامتهم أولا واستقرار شعوبهم ثانيا
ربما انك ستسمع كلمة كان ذكرها العقاري ابن سعيدان عندما تكلم عن فرض الرسوم على الاراضي البيضاء ان الخوف هو ان يكون القرار على فرض رسوم على الاراضي البيضاء يسري من تاريخ شراء الارض او من سنوات سابقة وليس من تاريخ اليوم يعني بتدفع عن كل سنه تمر وارضك باسمك
يعني لما يجي يبيع باسعار اليوم لازم يضيف لها الزكاة يعني زياادة على سعرها المرتفع بيسدد زكاتها سنوياً

[سهم هم]

المشاركة الأصلية كتبت بواسطة سعود2002

الشعب يريد اسقاط العقــــــــــــــــار

ههههههه

ضحكتني الصراحه

[ab-faisal]

لم ولن ينحرابداً لماذا؟ لان اغلبية شعب المملكة دائما مايحب الزحمة يحب الهدوء فلذلك تجد الاغلب عندما يكون في مقر سكنه 10 سنوات يحاول يغير الى مناطق ابعد واهدأ.
طيب ماذنب من اشتروا هل يبيعون بخسارة ! والصراحة كل واحد يدور على ارض قد فلوسه

[مرحبا 1000]

اتوقع والله أعلم أن الهبوط سيحدث لا محالة طبعاً يمشيئة الله

[عابر الأوطان]

المشاركة الأصلية كتبت بواسطة مرحبا 1000

اتوقع والله أعلم أن الهبوط سيحدث لا محالة طبعاً يمشيئة الله

من غير ماتتوقع ياطويل العمر..الاسعار الحالية هي اسعار ((مكائن سنجر)) ولايعقل أن سعر المتر بصحراء جرداء لايوجد فيها حتى الماء أغلى وباضعاف من سعر المتر بلندن وباريس وهانوفر وعواصم أغنى بلاد أوربا !!
بقي شيء واحد أنها حتى الآن لم ترشح لأن تكون من عجائب الدنيا ..

ولكن متى يحدث الهبوط ؟ ذلك علمه عند الله وحده .. ولكن الشي المؤكد أنه مع أول هزة سياسية (كضربة لإيران مثلاً ) سيهرب الجمع ويولون الدبر ..ستنقلب الموازين رأساً على عقب وستكون الاسعار الحالية من الذكريات وقصص الخيال التي يقصها الآجداد للأجيال .

[خالد عبدالرحمن2]

والله ماندري راح ينزل او يبقي علي حاله اخاف تكون حركه من الهوامير زي حركة الاسهم تطبيل ويروح الاخ المسكين يبيع فلة بعدين ترتفع مره ثانيه

[ابو عبد الرحمن2]

ابشركم ألي يبغى العقار ينزل بأسعار قريبه من اسعار زمان أنا عندي الحل وسوف تنزل مباشرة وتحت رغبتك.
انزل وأحسب معي التوفير:

1- نزل من متطلباتك وينزل العقار: بعد بحث ودراسة في العقار والفلل وجدت أن المتطلبات هي التي لها الدور الأكبر في ارتفاع الاسعار أكثر من التضخم، وما وصل اسعار الفلل لهذه الاسعار إلا لانها مبنية حسب مواصفات الزبائن، ولو رجعنا للفلل القديمة وطريقة بنيانها عرفنا ليش أسعار الفلل متضخم.
2- بدل ما ندور أراضي كبيره مساحاتها 500 متر و600 متر وأعلى نرجع لمساحات أول 250 متر إلى 350 متر أو 400 متر بالكثير (وهنا توفير أكثر من نصف تكلفة المنزل). وإذا ما تقدر على سعر المتر 1300 في الشمال رح لجنوب الرياض أو لبن القطعه بحدود 200.000 مهوب لازم تكشخ في الشمال وانت ما عندك قيمة الارض وتقول العقار غالي وتدعي على العقار مثل ألي يبي بانوراما وما معه قيمتها، ممكن تشتري أكسنت ب40000
3- ابن الفله بنفسك وبشكل بسيط وبدون الحاجه لشراء الجاهز تجد نفسك وفرت قيمة أتعاب التاجر العقاري واتعاب التسويق والتي أتوقع ما تقل عن 200 ألف وأتوقع أكثر.
4- حاول تبني بدون ما تاخذ قرض أو على الاقل تجنب القرض العقاري لأنه مكلف جدا وأرباحة توصل لضعف المبلغ، وأبن على مهلك (هنا وفرت نصف القيمة) وممكن تتعاون مع أخوانك أو أقاربك وتتسلف مبلغ معقول وتلتزم بالسداد وتوقف مصاريف زايده مثل سفر وخرابيط مالها داعي. او ممكن تشتري أرض أنت وأحد أخوانك وتتقاسمون الفله كل واحد دور مثلا أو دبلكس.
5- ماله داعي تحط الآتي:
- بدل الرخام (سعر المتر 100 ريال) -- > سيراميك متوسط الجوده 20 ريال للمتر.
-بدل بويات أشكال فلفت وتعتيق وجبس وورق جدران مترها بحدون 20 - بويه سادة ابيض او بيج رول وانت ماشي متره ما يتجاوز 5 ريال وحطه مطفي ارخص بعد.
- بدل تأسيس مكيف مركزي أو سبليت - حط شباك.
- بدل ما تحط جبس وحركات لا تحط شي.
- بدل الثريات حط لمبات قلاويز (سلك وحق تركيب اللمبه) زي شغل أول.
- بيبات سادة بدون نحاس وحركات ولا حطها صاج، ولا تحط باب كهرب.
- ماله داعي مسبح وخساير.
- دورة مياه عادية وغساله ام 50 ريال. وبلاط متواضع.
- عراوي بيبان أم 15 أو 20 ريال وماله داعي تشتري أم 120 ريال.
-مطبغ عادي أبو خمس آالاف وماله داعي تشتري ابو 20 ألف ريال.
- وواجهات عادية وماله داعي حجر المتر 100 ريال أو بروفايل متره 25 ريال.
وغيرها كثير من التبذير ألي ماله داعي، يعني كلنا نبي نزخرف بيوتنا ونبيها آخر طراز ورخيصه ما يجي يا شباب فتحو عيونكم، ما فيه أحد راح يشتغل لك ببلاش، وبكذا الفله راح يكون سعرها من 500 الف إلى 800 الف وش تبون أرخص من كذا بس طبق ألي فوق.
سقوط العقار يعني نقص في هذه الميزات والرجوع إلى المزايا التقليديه والعمليه بدون فن وابداع، ولا يمكن أن ترى الفله رخيصه وجميله وكبيره (قد تنزل قليلا لكن إذا نزلت لنصف القيمة أعرف انها رجعت تقليديه زي أول).
أنت اتخذ قرار من الحين ونزل عقارك بنفسك ولا تحتري احد، والله ما راح احد يعطيك فله بانيها باحسن شي بارده مبرده، إلا إذا ما شراها أحد وقدمت مرره وراحت ميزاتها.
الناس في هالزمن تغيروا ومع النعمة نسو الماضي، نسو أيام الامور السمحه نسو البساطة، نسو كيف الناس كانت تلبس ، وكيف تسافر، الحين كلنا صرنا نسابق التجار على الكشخة والبذخ والسفر واللبس وآخر الاجهزة والارقام المميزة وكل هاذي الامور وبالدين والاقساط.
للأسف ما صرنا نطبق مثل مد رجليك على قدر لحافك. الحين اللحاف بعيد ورجلينا واصله الجيران وما عاد فيه لحاف يغطيها.
الحل في القناعه كنز لا يفني، أقنع بما عند ولا تحسد احد ولا تتمنى أن يخسر فلان وفلان عشان أنت تكسب كيف تبي ربي يوفقك وانت حاسد.

[عابر الأوطان]

للأسف ما صرنا نطبق مثل مد رجليك على قدر لحافك. الحين اللحاف بعيد ورجلينا واصله الجيران وما عاد فيه لحاف يغطيها.
الحل في القناعه كنز لا يفني، أقنع بما عند ولا تحسد احد ولا تتمنى أن يخسر فلان وفلان عشان أنت تكسب كيف تبي ربي يوفقك وانت حاسد.

هههههههههه
والله انك صادق ذبحنا التقليد والمحاكاة.تمشي بالشارع تشوف السيارات جديدة وآخر الموديلات والانواع وهي كلها اقساط من ابو جميل ، أما الأراضي دولتنا قارة ماشاء الله وش اللي يحشرنا في 200م ؟ ترى ماعندنا ملاهي ولاحدائق ولامتنزهات ولاحتى نقدر نطلع من الزحمة وين تبغا البزران يلعبون ؟وين تبغا متنفس للعائلة ؟ على الأقل يكشتون بالحوش .

[الاسرار العجيبه]

التجار باعوا اكثر عقاراتهم لانهم اذكياء ويعرفون ان الاسعار

هذي فرصه للبيع واتجهوا لسوق الاسهم اليوم بس 30 سهم على النسبه فوق

غير الاسهم اللي ارتفاعاتها 6و7% يعني من اللي رافع الاسهم صغار المتداولين ولها شهر الاسهم وهي ارتفاعات او اكثر من بعد رمضان

نصيحه الحقوا عليهم لانهم اذا تضخم اي شي تخلصوا منه مثل العقار الان

ومثل الاسهم عام 2006 ورجعوا لها الحين والله اعلم