مخطط الخير شمال الرياض العام القطعة بسعر 80 الف والحين بسعر 200 الف

[إكس هامور]

المشاركة الأصلية كتبت بواسطة المحامي1

يا اخي اذا وصل سعر المتر 1000 ريال من الذي سيشري؟؟؟؟؟؟؟؟؟؟؟؟؟

جميع ماتشاهدة من ارتفاع سببة ان اغلب الشعب اصبح يتاجر بالعقار يشري ارض ويجمدها وبعض التجار يشري 100 قطعة ويجمدها واصبح العرض قليل جدا والطلب كبير وهذا سر ارتفاع العقار .

ولكن ياعزيزي الارتفاع الجنوني هذا ليس في صالح العقار لانة لن يجد من يشرية بهذة الاسعار وسيصبح هناك كساد في العقار مما يرحع سلبا على العقار وتوجة السيولة لقطاع اخر اعتقد انة سيكون قطاع الاسهم لان الذهب في مناطق مرتفعة والاسهم الاستثمارية اصبحت افضل من الاستثمار في العقار .

هذا والله اعلم.

قالوها الشيبان "العقار يمرض ولايموت"
والراجحي نفسه حينما طلب منه أن ينصح في مجال الإستثمار قال بالحرف الواحد " عليك بتجارة العجاز" وهو يقصد العقار....أما قولك أن الناس سوف تتجه للأسهم فهذا حلم مجنون، الناس ياحبيبي أصابتها الكوارث من الأسهم ولايفكر أحد بالأستثمار فيها أبدا.
ومن يحلم أن العقار سيصيبه مااصاب الأسهم فهو واهم، وذلك ان أهل العقار ليسوا مرجج مثل حقين الأسهم، إذا نزل سعر العقار مسكوا اراضيهم، ولايمكن أن يبعوا إلا بمكسب مجزي.

[مغلي]

من جد حرام الاسعار هذي بالرياض
لو عندنا نهر واراضي خصبه كان معقوله شوي
بس صحراء وجفاف وعايشين على الله ثم ماصوره من الشرقيه ماء حلو ...والاسعار المعقول ب 1200 ريال
لو انكسرت ماسورة الماء ... نبيع المتر بجوار الفيصليه ب ريال بس

يازين النيل ياليت عندنا مثله كم واحد

[mutaiam]

المشاركة الأصلية كتبت بواسطة إكس هامور

قالوها الشيبان "العقار يمرض ولايموت"
والراجحي نفسه حينما طلب منه أن ينصح في مجال الإستثمار قال بالحرف الواحد " عليك بتجارة العجاز" وهو يقصد العقار....أما قولك أن الناس سوف تتجه للأسهم فهذا حلم مجنون، الناس ياحبيبي أصابتها الكوارث من الأسهم ولايفكر أحد بالأستثمار فيها أبدا.
ومن يحلم أن العقار سيصيبه مااصاب الأسهم فهو واهم، وذلك ان أهل العقار ليسوا مرجج مثل حقين الأسهم، إذا نزل سعر العقار مسكوا اراضيهم، ولايمكن أن يبعوا إلا بمكسب مجزي.

طيب اسال الراجحي وش سبب غناته بعد الله
عقار والا اسهم
الراجحي ثروته كلها بالاسهم وبنك الراجحي لوحده فيه اغلب ثروته غير باقي الشركات الاخرى

العقار يصيبه مايصيب اي سلعه تصل لاسعار فلكيه
واسال الشيبان اللي تقول كم كانت قوة النزول االي اصاب العقار بعد طفرة 1401-1403
امتار منفوحه وصلت 1500 ريال
ونزلت الى 600 ريال
والان ومع كل هالطفره وصلت الى الف ريال
يعني لازال من اشترى في ايام الطفره خسران الى الان فيها

[تيار هواء]

المشاركة الأصلية كتبت بواسطة المحامي1

ياخوان والله شي مذهل ويبدو ان العقار يرتفع نسب ولايفك بعد زرت مخطط الخير الاسبوع الماضي وكان برفتي شخص عقاري .
تصورو ياخوان كان سعر العقار العام 80 للقطعة السنة ذي 200 الف ولافية كهرب ولا ماء ولا اسفلت بل والله انها صحاري ينبت فيها الفقع والعشب وتسكنها الضبان والرياض عنك يبيلك سفر علشان توصلها يعني الرياض حوالي 60 كيلو .

المشكلة ياخوان ان صاحبي يسوم بسعر 200 الف ولما يكلم المكتب صاحب القطعة يرفض البيع مع انة كان حدا بهذا السعر والادها من ذلك مافية عروض تجي المكتب تحصل عندة ثلاث او اربع قطع معروضة للبيع مع ان عدد القطع بعشرات الالاف .
سئلنا اصحاب المكاتب قالو ان حقين العقار حولو علينا لان الرياض المتر في بعض المواقع وصل 2500 والاغلبية وصلت 1500 للمتر .

بصراحة علامات استفهام كبيرة جدا ؟؟؟؟
والي متى وهذا الارتفاع يستمر ؟؟

عاد بالله ذا الارتفاعات غير المنطقية ماتذكرنا بارتفاع سوق الاسهم قبل (الخبطة) والانهيار الكبير
الايام القادمة ستجيب عن هذا
تحياتي

[اعور]

لو خيروني بين الخيراو المهدية سوف اختار المهدية

[إكس هامور]

المشاركة الأصلية كتبت بواسطة تيار هواء

عاد بالله ذا الارتفاعات غير المنطقية ماتذكرنا بارتفاع سوق الاسهم قبل (الخبطة) والانهيار الكبير
الايام القادمة ستجيب عن هذا
تحياتي

الأسهم شي، والعقار شيء مختلف تماما، ولا تحلم أن يصيب العقار مااصاب الأسهم....العقار بأيدي رجال وليس له شاشة يتلاعب بها.

[تيار هواء]

المشاركة الأصلية كتبت بواسطة إكس هامور

الأسهم شي، والعقار شيء مختلف تماما، ولا تحلم أن يصيب العقار مااصاب الأسهم....العقار بأيدي رجال وليس له شاشة يتلاعب بها.

اتمنى ..... بس ماكنت تتوقع انه حلم صار حقيقة واقعة بامريكا
ماكان يسوى بـــ مليون دولار الحين تشتريه بـــ 200 الف دولار
بيوت واراضي وشقق وزين ان لقيت شراي

تحياتي