عدنا من جديد .. وعندي لكم كم سؤال ..؟؟ ومحتاج لرأيكم

[صمت الوداع]

المشاركة الأصلية كتبت بواسطة الهـــــارف

خل السوق على جنب هاليومين يابعدي

وبالنسبه لعودتك لنا واشتياقك لنا يعلم الله انه من دواعي فخرنا وسرورنا

ونبي نأجرك هالاستراحة تسكن فيها معنا لحد مايتحسن السوق وتشتري لك بيت قريب ان شاء الله بنفس الحي هههه

ياهلابك وغلا نوووووورت والعود الحمد

أهلا بالغالي أخي الهارف .
الغالي أصله غالي والزين يفرض نفسه .

هههههه انبسطت أنا يوم شفت كلمة " بعدي "
الله يا في ناس هنا محرومين من هالكلمه ... وأكيد بينقهرون لا شافوا هالكلمه وهي ما انقالت لهم ههههه أمزح


أما الاستراحة فهي عامره بوجودكم .. ويكفي الإحساس والشعور المتبادل بيننا .
وعسى الله يديم السعادة والخير والحب والمودة على الجميع .

كم أسعدني مرورك الرااااائع أخي الفاضل الهارف .
دمت بود .

[السيل الهادر]

الحمد لله على السلامه اخوي صمت الوداع

وعوداااا حميداااا


اما بالنسبة للسوق يقولون فيه ورم الله يكفينا شره ممتد من القمة الى القاع .
وابشرك انهم لقوا جراحاً جيد وصلحوا له عملية استئصال للورم .
والاااااان يبون يتعاقدون مع استشاري تجميل يبي له شوية تحسينات بعد العملية .
وان شاء الله ماراح يطول ويطلع من العناية المركزة .

وخلوكم على استعداد ناوين نسوي له حفلة ان شاء الله قريباً .

وسلامتك يالغالي .

[نجدية]

صمت انت توحي جعلي ماابتسيك
ترى هالسوق لو يحورفون فيه اطباء عالميين مانفع فيه الشين شين لو قعد من منامه والزين زين لو لبس بلوزه وتنوره <<< لاتقولين امثال يرحم امتس>>> ان شاء الله
اصبروانا خالتك واذا دبج على سنع وصار يحك بالأرض واسعارسابك والراجحي تقل اسعار كتكات وببس اقحش واكتب بوصيتك بعد عمرن طويل يورثونه احفادك والا عيلانك لاتخليلهم الا الضعوي لانه مهوب مرتفع الا على وقت احفادك طال عمرك ... انت توحي ؟؟ قل ان شاء الله

والا قولتك مشتاق ياجعلها تشتاق لك العويفيه ولاتفارقك ابدن آآبديوون لاتخلينا هماااااااا

[صمت الوداع]

المشاركة الأصلية كتبت بواسطة السيل الهادر

الحمد لله على السلامه اخوي صمت الوداع

وعوداااا حميداااا


اما بالنسبة للسوق يقولون فيه ورم الله يكفينا شره ممتد من القمة الى القاع .
وابشرك انهم لقوا جراحاً جيد وصلحوا له عملية استئصال للورم .
والاااااان يبون يتعاقدون مع استشاري تجميل يبي له شوية تحسينات بعد العملية .
وان شاء الله ماراح يطول ويطلع من العناية المركزة .

وخلوكم على استعداد ناوين نسوي له حفلة ان شاء الله قريباً .

وسلامتك يالغالي .

أهلا بالغالي أخوي السيل الهادر .

الله يسلمك من كل شر يالغالي .

بالنسبة للسوق أهو بان كل الكلام .. واليوم شفنا نزول مريع 157 نقطة والمؤشر 4384
عسى الله يجبر بخواطرنا وبخواطركم .. والآن البقاء للأقوى

نسأل الله أن لايرينا مكروه في بدن وأن يلبسنا ثوب الصحة والعافية .
وألا الفلوس رايحه وموليه بعد .

أسعدني مرورك الجميل .. لا خلا ولا عدم .
دمت بود .

[صمت الوداع]

المشاركة الأصلية كتبت بواسطة نجدية

صمت انت توحي جعلي ماابتسيك
ترى هالسوق لو يحورفون فيه اطباء عالميين مانفع فيه الشين شين لو قعد من منامه والزين زين لو لبس بلوزه وتنوره <<< لاتقولين امثال يرحم امتس>>> ان شاء الله
اصبروانا خالتك واذا دبج على سنع وصار يحك بالأرض واسعارسابك والراجحي تقل اسعار كتكات وببس اقحش واكتب بوصيتك بعد عمرن طويل يورثونه احفادك والا عيلانك لاتخليلهم الا الضعوي لانه مهوب مرتفع الا على وقت احفادك طال عمرك ... انت توحي ؟؟ قل ان شاء الله

والا قولتك مشتاق ياجعلها تشتاق لك العويفيه ولاتفارقك ابدن آآبديوون لاتخلينا هماااااااا

هلا بالغاليه خالتي نجديه .. لا زلت حيٌ أرزق ولله الحمد .
جعل ربي يخليك لكل عين ترجيك .. ولا يوريك مكروه ولا تفقدين عزيز وغالي .

ياوخيتي هلحين خلاص ما عاد نبي طاري السوق .. ما دام أعز الناس أجتمعوا بموضوع واحد وشفناهم بعد طول غياب .. ويكفي حضورك وحضور أخواني وأخواتي الأفاضل في هذا الموضوع والذي عزز شعوري بمعاني الأخوة والترابط ما بين الأعضاء .. وهذا عشمي في الجميع أن نبقى متواصلين وأن لا تجمعنا الأسهم فقط والمصالح تنتهي مع مرور الوقت ولا يبقى إلا الصداقة والأخوة .

وصاتك لي أباخذها بعين الاعتبار .. ولربما رب ضارة نافعة .
ربما في الأمس خسرت أحد الأسهم .. لكن هذا اليوم وفي الغد سأكسب الكثير من الأصدقاء هنا .

دمتي بود وبخير .