سـلوكيـات المحــلل البــارع مابين العبقـــرية وقـــــراءة الطالــع !

[تاجر شنطة]

بارك الله فيكم وأشكر كل من شارك أو قرأ الموضوه .

تحياتي

[تاجر شنطة]

سأورد عليكم يا أحبائي قصة لاتبدو بعيدة عما يحدث في سوقنا ، ومن خلال القراءة ستدركون وجه الشبه بين أحداث القصة وأحداث السوق وكل لبيب بالإشارة يفهم وكل عام وأنتم بخير .


تقول القصة :

فيه ولد طفران (ماعنده ولا ريال) راح لابوه وقال له : اعطني 15 ريال ,, ودي اشتري لي كورة .
قال الاب : أقول إنقلع عني تراها واصلة معي ( راس نخرتي ) .
قال الولد : تكفى يابوي,, بس 15 ريال والا اقول لك خلها عشرة ريال
قال الاب : ماعندي فلوس ... إذا تبي فلوس رح بع الديك حقك المريض اللي في الحوش .
قال الولد : بس هذا مريض وما فيه أحد بيشتريه !
قال الاب : ماعلي منك دبر نفسك .
المهم الولد استسلم للأمر الواقع واخذ الديك وعزم يروح يبيعه في الحارة ، وأول واحد قابله في وجهه كان أبوه فقال له الولد: تشتري الديك ؟
قال الاب : اقول بتنقلع عني ولا أقوم اتوطا في بطنك ؟
قال الولد : خلاص خلاص لاتنفخ .
طلع الولد من البيت ومعه الديك في محاولة يائسة إن الديك ينباع .
عرض الديك على أهل الحارة كلهم ولا واحد فيهم قبل إنه يشتري الديك قال الولد : أممممممممم, والله مالي إلا فلانة ,, عقلها خفيف وأكيد باقدر ألعب عليها بسهولة وابيع عليها الديك .
الحرمة هذي متزوجه بس للاسف كانت تلعب بذيلها من ورا زوجها ، وراح لها الولد على شان يبيع عليها الديك .
قال لها الولد : تشترين الديك تكفين ؟
قالت الحرمة : هلا والله .. تعال قرب أشرب عصير وارتاح .
قال الولد : اقول ماني فاضي لك .. خذي مني الديك وخليني اروح .
قالت الحرمة : تروح وين ياولد !! انا ماصدقت إني شفت رجال عندي في البيت .
قال الولد : ومن هو اللي قال لك إني رجال ؟ يالله اشتري مني الديك وخليني أنقلع .
وبعد شوي الا الباب يدق ، وعندها خافت الحرمة وقالت للولد: تعال إندس ( تخبأ ) هنا في الدولاب لايشوفك زوجي ثم نروح فيها .
حطت الولد في الدولاب وراحت فتحت الباب إلا وطلع لها صديقها اللي تخون زوجها معاه .
قالت الحرمة : هلا والله بعمري وحياتي .
قال الرجال : يا هلا فيك ياعمري... وما أمداه الرجال يكمل كلمته إلا والباب يدق
قالت الحرمة : ياويلي ويلاه...هذا شكله زوجي ... تعال وادخل في الدولاب ، دخل الرجال في الدولاب وفجأة وفي عز الظلام سمع صوت يكلمه داخل الدولاب ويقول له : تشتري الديك ؟
قال الرجال: اصصص ... ارخ صوتك الله يرحم والديك لاتفضحنا .
قال الولد : أقول تشتري الديك ؟
قال الرجال : ياخوي خلاص باشتري الديك بس قصر حسك تكفى .
قال الولد : طيب يالله اشتري .
قال الرجال : بكم تبيعه ؟
قال الولد : بـ100 ريال .
قال الرجال : ايش ايش !! هذا الديك المنتف المريض بـ 100ريال ؟
قال الولد : بتشتريه وإلا ارفع صوتي؟
قال الرجال : لا لا لا خلاص ... باشتريه وأمري لله .
جلسوا خمس دقائق قال الولد للرجال : وش رايك تبيع الديك ؟
قال الرجال : توك بايعه على يابن الحلال !!
قال الولد : تبيعه علي ولا ارفع صوتي ؟
قال الرجال : لا لا خلاص ... ابيعه وأمري لله ... بكم تشتريه ؟
قال الولد : اشتريه بريال .
قال الرجال : أيش!! بريال!!!! انا مشتريه منك بـ 100 وانت تشتريه مني بريال ؟
قال الولد : تبيعه علي ولا ارفع صوتي ؟
قال الرجال : لا لا خلاص ... ابيعه وأمري لله .
جلسوا خمس دقائق قال الولد : تشتري الديك ؟
قال الرجال : يا ابن الحلال توني مشتريه منك !
قال الولد : بتشتريه والا ارفع صوتي ؟
قال الرجال : لا لا لا خلاص ... باشتريه وأمري لله ... بكم تبيعه ؟
قال الولد : بـ200 ريال .
قال الرجال : الله يمحط بك ان شا الله ... توني مشتريه منك بـ 100 ريال !
قال الولد : بتشتريه ولا ارفع صوتي ؟
قال الرجال : لا لا خلاص ... اشتريه وأمري لله .
جلسوا خمس دقايق قال الولد : تبيع الديك ؟
قال الرجال : انا لله وإنا إليه راجعون... بكم بتشتريه ؟
قال الولد : بريال .
قال الرجال : وش تبغيني أقول!! تبغيني أبكي والا أشقق ثيابي... يالله خذ الديك وببلاش
وبعد ما اخذ الولد الديك بشوي الا والحرمة فاتحة عليهم الدولاب وقالت لهم : هيا بسرعة اشردوا مادام إن زوجي في الحمام.. بس واحد ورا الثاني وبشويش على شان لايحس فيكم زوجي وتصير كارثة .
طلع الرجال بسرعة ولحقه الولد بعد 5 دقائق .
المهم...قام الولد يتمشى في الشارع وهو مستانس لأنه صار معاه فلوس .. وبعدها راح للبيت ويوم دخل البيت شاف ابوه قدامه .
راح لابوه وقال له : تشتري الديك ؟
الأب وقتها طالع في الولد والشرار يتطاير من عيونه وقال له : مايكفيك يابن ( الـ...) الــ 300 ريال اللي لطشتها مني في الدولاب ؟! انقلع الله يقلعك .

[الدكتور/خالد]

شكرا لك

اخي الكريم