مواقف محرجــــــــــــــــــــــــــــة

[zahi123]

المشاركة الأصلية كتبت بواسطة وحيد الجزيرة

مره من المرات كنت نازل من سياراتي الى احد المخابز وقد لمحت في السيارة التي بجنبي طفل صغير واقف على مرتبة الراكب ... كان الوقت ليلاً والاضاءة خافته بالاضافي الى شوفي اللي ما يساعد احياناً ... اخذت مداعبه الطفل من وراء القزاز ... وكنت اقوم بخراج لساني والتأشر بيدي ومن هالحركات وهز رأسي لانني احب الاطفال ومداعبتهم ... المهم مالكم في الطويلة اكتشفت فيما بعد ان الطفل يجلس في حظن امه المتغطية بالبشت الاسود وكنت اظن ان الطفل يجلس لحاله ... وشعرت بعدها بحرج شديدي للغاية

تخيل عاد ياوحيد الجزيرة لو فتحت القزاز وقالت ( الحمد لله.. يامثبت العقول..الله يشافيك يابن الحلال)

[صمت الوداع]

المشاركة الأصلية كتبت بواسطة نجدية

اقول صمت الوداع الله بعد يااسمك يوجع القلب لو تغيره اقترح عليك تسميه فرحة وداع يعني انك مفارقن واحد عله <<<< وش دخلتس وش يدرتس عن خلجات صدره >>> اقترح على أخي بالاسلام

على يدك يا " حقه " نج نج ههههه

التغيير زين .

[دانة الاسهم]

المشاركة الأصلية كتبت بواسطة zahi123

مرة إنقلبت سيارة هايلكس قدامي يعني أشوفهم بيني وبينهم يمكن 10 سيارات المهم ثار الغبار وكنت من أول الموقفين والسيارة مقلوبة على التندى ..المهم اللي فيها سالمين مافيهم الحمدلله كسور ولا دماء وجيت أبساعد الأدنى منهم وكان جالس جلوس شبة متربع قلت الحمد لله على السلامة هات يدك أساعدك تعال ..يقول لي هذا منهو ؟ يأشر على خويه ..أنا سكت قال حنا منين جايين ؟؟؟عرفت إن الرجال منجفي دماغه......

[grade="00008B FF6347 008000 4B0082"]ههههههههههههههههههههههههه

ضحكتني وانا ما ابي اضحك

والله مت من الضحك واختلط ضحك ودمووووع

جلست اتخيل الموقف والله يموت من الضحك [/grade]

[ابوخمايل]

خطب احد الأشخاص أخت صديقــه وأراد من صديقه أن يمكنه من رؤيتها - دون أن تشعر الفتاة - وقام الأخ وضبط الموقف حيث اشترى بعض الأغراض وأدخل السيارة في الفناء الداخلي للمنزل ونادى أخــته لحمل الأغراض من السيارة - والخاطب يبصبص من شباك المجلس - وجاءت البنت وحملت كرتون البيبسي وقامت تركض و تدوربالكرتون و( تفحط ) كأنها تقود سيارة !!!!!! ولم تعلم البنت الأ في ليلة الزواج حين اخبرها الزوج فما كان منها إلا أن بكت من شدة الخجل ،،،،

[zahi123]

المشاركة الأصلية كتبت بواسطة دانة الاسهم

[grade="00008B FF6347 008000 4B0082"]ههههههههههههههههههههههههه

ضحكتني وانا ما ابي اضحك

والله مت من الضحك واختلط ضحك ودمووووع

جلست اتخيل الموقف والله يموت من الضحك [/grade]

يجعل أيامك كلها سعادة ..وأنا والله بغيت أكرها ضحك في نفس الموقف بس خفت من الرجال يقلبها مهاوشة وأنا مشخص وثيابي نظيفة:):):)

[دافور.نت]

دام دانة الأسهم ضحكت اجل بقولكم سالفة صدق ولا سبكيم ..المهم خذوهاااا

يوم وانا اتمشى بسيارتي الكزس الكوبية الحوض الا اسمع صوت فرامل >>على بالي واحد بيصدمني الا شخصين اطلعوا من البيت اللي حذا منتظر الزيدي >> كح كح اااااااااااقصد احذ الشارع العام اثاريهم متعودين على الحوداث اااااشووي الا الموتر يرقا اللمبة والرصيف ..

طبعاً هم لحقوا علية اول ماصدم اللمبة .. او عمود الإنارة كما يحلووو للبعض

المهم صفطت بالاكورد الحوض جنبهم ..ورحت للكامري اللي صدم ..والأثنين متعودين ماشاء الله وجاهزين تقول الهلال الأحمر يوم قربت عند السيارة الا ريحتها فايحة مدري وشو.. بس مشروب محرم شرعاً ..

وحنا نطلع الرجال وهو مندعس داخل السيارةوالسيارة مكسرة شكلة يكسر الخاطر اسمعة يسب و يقول الله يلعن ام هاللمبة مدري من وين طلعت لي >> قسم بالله على بالي يقصد لمبة داخل السيارة ومانعتة يطلع .. رحت اسولف على الشباب واقولهم صار وصار وفية ريحة ماهيب طيبة ويوم جينا نطلعة قال الله يلعن ام هاللمبة مدري من وين اطلعت لي وشكلة يكسر الخاطر وتعبان ..والعالم تضحك ..وانا استغرب مافيهم رحمة هذول..!

قالو لي ياغبي هذا سكران ويسب اللمبة اللي صدمها و يقول مايدري من وين طلعت لة خخخخخخخخ

حسيت اني اذكاء انسان يوم فهمت السالفة خخخخخخخخخخخخخخ

[الهـــــارف]

المشاركة الأصلية كتبت بواسطة ابوخمايل

خطب احد الأشخاص أخت صديقــه وأراد من صديقه أن يمكنه من رؤيتها - دون أن تشعر الفتاة - وقام الأخ وضبط الموقف حيث اشترى بعض الأغراض وأدخل السيارة في الفناء الداخلي للمنزل ونادى أخــته لحمل الأغراض من السيارة - والخاطب يبصبص من شباك المجلس - وجاءت البنت وحملت كرتون البيبسي وقامت تركض و تدوربالكرتون و( تفحط ) كأنها تقود سيارة !!!!!! ولم تعلم البنت الأ في ليلة الزواج حين اخبرها الزوج فما كان منها إلا أن بكت من شدة الخجل ،،،،

يازين وجهها وهي تفحط بالكرتون هههههه لا وخوها كاشخ بخته !!! زين ماهرب العريس وقال يبي يزوجني مهبوله ههههه

من جد قمة الأحراااااج

عاد بقول لكم موقف بس لاحد يطلع ويقول ارنب كبيره اوصغيره خلاص انتهينا من الأرانب والبعارين سبقني عليها بعض الناس


مره من المرات كنت مسافر مع واحد من اصحابي للجنوب ونزلنا عند محل وكان فيه سيارة من نوع جي ام سي والقزاز مغيم ويجي صاحبي بجنب الباب ويقعد ينسف غترته ويشخص يشوف نفسه بالقزاز المغيم يوم خلص وصاحب السيارة ينزل القزاز قال خلصت والا باقي ويطيح وجه صاحبي

بس ماخليته اخذت وجهه يوم طاح وقلت خذ وجهك ولاعمرك تعودها ياغبي ( المشكله السيارة كانت شغاله )يعني فيه احد بس صاحبنا مافكر

[الــــذيــب]

اشوفهن كثرن


وهذولاء اثنين جايين بالطريق خخخخخ

[نجدية]

ابو مشعل اعتق اخوانك المؤرنبين واخواتك المؤرنبات لوجه الله كل ماشفنا مشاركتك بهالموضوع قلنا غععووووووووووغغغااااا
اما أرنب معنا والا قل انتم صااادزين و خلنا نترزق الله <<< وش تترزقين فاتحتن مبسط بعتيقه الأخت

[دافور.نت]

مرة فية موقف محرج

مكتوب علية محجوز

للسان مطلع وووووجهة