انا ابحث عن الصيد...فساعدوني
 

السلام عليكم:

اخواني/اخواتي:

نحن في شهر جون......الشهر السادس الميلادي........فنهايه الربع الثاني على على الابواب. طيب ياهوب وش السالفه...وش الصيد ياخي؟

انا اقول لكم وش السالفه:

السوق من يوم بدأت الامتحانات وهو مايشّجع ونزل.........وهناك شركات اسعاها جيده ومواتيه للشراء......والربع الثاني قريب........يعني انا اتوقع ارتفاع في بحر الاسابيع الجايه.........ولهذا انا ابحث عن الصيد هذه الايام......وش رايكم:)

ايش اصيد؟ والله اخاف انصااااد:) ولكن الارزاق بيد الله سبحانه.
لا اخفيكم هناك شركات في راسي وراح اقول لكم عليها في وقتها واخذ رايكم فيها....منها الاسمنت السعودي...ولكن انا احب اسمع رايكم الاول ودمتم:)

اخي هوب

والله ما ادري وش اقولك السوق نايم في سبات عميق ولا تقدر ترشح اي شي

لكن توقعي ان الكهرب فيه حركه جيده خلال الأسبوع القادم .. والله اعلم

شوف

عندك ...فى اسهم العوائد ...الاسمنتات ...ماعدا تبوك ؟؟؟...العربيه ..واليمامه اذا كانت فلوسك واجد ...وايضا..الغاز حليو والعقارية لاباس


اسهم المضاربات /التعمير / والمواشى/

هذى الاسهم اللى فى بالى حاليا ...وترى ماهو نهاية الكلام ....هذى افكار سريعه ..فقط

الاخ hope
 

السلام عليكم ورحمة الله وبركاته وبعد

نعم السوق فيه فتور والحركة ريال أو اقل لكن اقول لك رأيي
المبرد اطلب34 واعرض 35
التعميراطلب 41.5 واعرض42
المواشي اطلب16.75 واعرض17
تهامة اطلب 53 واعرض54.5
هذا ما اراه والله اعلم يحتمل الصواب ويحتمل غير ذلك وهذه ليست دعوة للبيع او الشراء

ياهــــــــــــــــــــوب

مافيه غير سمنت الســــــــــــــــــــــــعـــــــــــــــــودي

بس يمكــــــــــــن الانتظــــــــار شويه تتضح الروئية



وسلامك والاخوان

السلام عليكم
رأيي الإسمنت السعودي
والله أعلم

اخوي هوب هلا بك والله

التعمير والمواشى هما المتاهبان للانطلاق ولكن يحتاجا وقت وخبر يزلزلهما

الكهرباء اعتقد ان نتائج الربع الاول ( خسائر بحدود 200 مليون ) سوف تؤثر على سعر السهم رغم اسهم المنحه عند نشرها

اسمنت ينبع ان صدقت اشاعته المتداوله سوف يرتفع

الاسمنت السعودى نتائج النصف الاول رائعه وسوف ان شاء الله تؤثر على سعره ايجابيا

وكل هذا توقعات وباذن الواحد الاحد وانت خير من يفتى في السوق يا عزيزنا هوب 000

اخوي الغالى هوب نوررررت بالمشاركه ...
السوق بعد فترة نزول انشاءالله هذا الاسبوع ارتفاع
على العموم اشوف المضاربه على الكهرباء والاستفاده
من الفرقات السعريه راح تكون جيده ... وخاصه هذا الاسبوع ..

وفق الله الجميع ..

اللى صار كالاتي
 

السلام عليكم:

مشكورين جميعأ على المشاركه........والله يجزيكم خير.

اما اللي صار معاي ومع الصيد فيمكن اختصاره كالاتي:

"حفظنا الفشق.........وخبينا البندق"

الى اشعااااار اخر:)

خيار ما سويت بس لا تطول وزهب ام خمس لان القميري واجد بس ما ركد ولا وقع على الطلاح الى هالحين وجرابك امله فشق ابو غزال مقاس 6 ...................