على طاري السن توب منول (صور وتعليق) - الصفحة 3

نجدية · 13-10-2008, 07:09 AM

مصدر معلومات كلن يحتسي عن نفسه وشو عجوزه عشان طاح كمن ضرس والا طلع كمن شعرتن شايبه والا انحنى الظهر شوي والا جانا السكر والروماتيز والطواعين اللي تشيل العدو قلتوو عجوز هذي صباح عجزتن فانيه من قوم نوح وهذي هي تنقز تسنها حصان بليس محدن قالها عجوز بس يقولون الشحروره الا على طاري الشحروره وش معناتها يعني الدلوعه <<< ترقع

ايه نسيت اقولك تراني حاطتن هالموضوع نحيي تراثكم يالاولين عاد يقولون القواله انهم شايفينك مع صلاح الدين يومه يفتح السند <<< يازينتس ساكته مهوب صلاح الدين عبدالرحمن الداخل <<<< راسبه برضو في التاريح <<< محو الأميه شكلها

نجدية · 13-10-2008, 07:17 AM

ابوركون يالله لاتخلي عيني من الدرعيه واهلها
رواعين فزعات من يومهم شقرديه

دافور نت لو اني ابغيره ياابا الكحه تسان سميته ممنوع دخول الدوافير همن لاتكحكح علينا تعدينا هي العالم ناقصه خساير وصخونه

دانه ماعليتس السكراب دواه عندي على قولة عباس ابراهيم والله لاوريك شئ مابعد شفته

على طاري الصخونه يقولون القواله <<< ياكثر هرجهم لتس الظاهر مافي هالديره الا انتي يحتسون عليتس
المهم يقولون اذا احد بالبيت جته الانفلونزا بخرو البيت بقطعة مره وخلاص باذن الله ماينعدي احد والله اعلم ولاتحطون بذمتي شئ هذولا القواله

نجدية · 13-10-2008, 07:47 AM

اهتمااام لك الله ياشيخ مقطع ولا كول المقططعات بصرراحه شئ اجل ذي برامج بعذرهم منول الكبار يتابعون افلام كرتون اثرها ازين شئ يعرض لهم كله كوم وهالمذيع اللي ينتع كن البواجي عنده رايحتن فيها مدري هالرجال وش يحس فيه يومه يطلع مذيع ياحليلهم بس الاولين مايخالفون يوظفون اي واحد بأي حته ساحبين ع التخصصات الله يخلف علينا دحينه

اشراقه ياالله الجنه ياحبي لتس عاد بقولتس شئ قبل ارد على حتسيتس شئ يقرقع بقلبي مبطي وفرصه الحين عشانا لحالنا <<< بالحيل لحالكم
بقولتس يوخيتي ياليتس كل دايما تهجين المتابعه انتي ...مدري يختي احس باحساس غير اذا صرتي انتي تسني اطير وانا اقراء ولايقولون اني عنصريه عشانتس بنت لااااااا لانه حتى انا اذا افتتحت المتابعه مااحس بنفس الشعور اذا صرت انا احس بالمسؤوليه ومغير ارحب واقلط واصب وذا تغدى وذا ماعجبه وذا خسر وذا ربح مااصدق يصقع التويجري الجرس اروح اتروش وارقد لين باتسر الصبح من الارهاق <<< لايكثر ما افتتحتي المتابعه الا مرتن وحده
عاد اقولتس انتي تزبرقين وترتبين وورود وسناعه اذا جاء الواحد يكتب يحس بانتعاش وريحة ورد وبخور<<<< ياكثر هرجتس هاتي الزبده وردي ع البنت
ايه صح مارديت عليتس
مسيتس بالخير
>>> يابنت الناس مهوب ردي سلمي ردي على مشاركتها
اهاااا
تدرين اني من شفته وجايين المذكور في ردتس على بالي وجهزت التعليق بس سامعتن من القواله (الظاهر اني انا القواله على كثر مايقولون لي)انهم يزقطون اللي يحتسون في ذاك وذاك وانا وحدتن احب الحريه <<< ماكنتس حاشتن في الكنج بموضوع دانه

اما الشيخه سندريلا تصدقين توني ادري ان ذا المشنقله هي ماعرفتها متغيرتن اشباهها <<< والا تعرفين اشباهها

نجدية · 13-10-2008, 08:07 AM

المزيني يالله لاتخلي عيني
بس ياخي هالشخص اللي بالتكان يبيع برندا وببس تسني اعرفه هالاشباه مارتن علي مدري وين
لكن شكله مسفهل بهالصوره الاولين يقدرون التصوير

wolfe · 13-10-2008, 08:17 AM

اقتباس:

المشاركة الأصلية كتبت بواسطة نجدية

رح لمسجد الخير بالعقيق في ذياك خباز حوله يسوي خبيزات ابو يمن يحبها قلبك[/B]

[B[/B]

تسلمين.. نصف ساعة وانا عنده ان شاء الله . بس باقي البرندا <<< وش هالحقنه

نجدية · 13-10-2008, 08:20 AM

اقتباس:

المشاركة الأصلية كتبت بواسطة wolfe

تسلمين.. نصف ساعة وانا عنده ان شاء الله . بس باقي البرندا <<< وش هالحقنه

البرندا لاتشتريها الا من دكان في شارع عسير عند سوق الزل <<<< تسمع بالوصف

صدز عاد لاتشرب معها الا مارلبورو <<< افااا خقت >>> قصدي ميرندا قوارير اللي تتعبى ياسلااااااام <<<< راحت توصي على طلبيه

نجدية · 14-10-2008, 12:18 AM

بوصووو بئولكم أأأيه قايبالكم النهارده حاقه حلوه <<<< وش عندها طنط كريمه مختار

مالكم بالهرج اللي ماله داعي

هذي سالفة حمار بليس وانتم بكرامه اللي تتغطى عنه الحريم
عند اهل بريده منول ولايجون اهل بريده يقولون فيتس مالافيتس وجعل البلش يغطيتس لااااااااا هذي السالفه على ذمة جريده ابلط لكم الدليل تحت

وهذي السالفه من طئطئ لسلاموعليكو

تناقلت مواقع الانترنت مؤخراً صورة ضوئية لرخصة السماح بقيادة الدراجة الهوائية "السيكل" قبل خمسين عاماً في مدينة بريدة والتي عرضها أ المواطنين في متحفه الشخصي، حسب ما تناقلته مؤخراً أحد مواقع الانترنت.

وتشير صورة الوثيقة إلى ان الرخصة كانت في ذلك الوقت تصدر من هيئة الأمر بالمعروف في مدينة بريدة نظراً للرفض الاجتماعي للدراجة الهوائية في ذلك الوقت وفق شروط منها شهادة شهود وكتاب عدل وعمدة الحي وكبير قبيلة صاحب الدراجة الهوائية، وكان نص التصريح المشروط كالتالي:
"صدر السماح ل(اسم صاحب السيكل) باستعمال السيكل للضرورة إلى ذلك من بيته إلى الدكان (...) وما عدا ذلك فلا يكون له رخصة إلا بشغل لوالده.. بشروط أن لا يخرج عليه بالليل ولا خلف البلاد ولا يردف عليه ولا يؤجره ولا يدخل عليه وسط الأسواق.
الجدير بالذكر انه خلال هذه الفترة كان يؤخذ تعهد على قائد السيكل أن لا يحمل الطيبات فيه مثل الخبز والحنطة والشعير لأنه كما يطلقون عليه "حمار إبليس" وكانت النساء يتغطين عن السيكل والرجال يتعوذون من الشيطان الرجيم كلما مرّ من أمامهم سيكل في الطريق وكان صاحب السيكل يعامل معاملة "الداشر الذي يشرب التتن" ولا يخالطه إلا من يطلق عليهم "دشير القوم" حتى أن قولاً لاحق قائد الدراجة الهوائية في ذلك الوقت وهو "شرابة التتن ركابة السياكل مطردة الدجاج"!

والدليل مهوب أأألوووولووو لاءءءءءء الدليل هالصوره
وتشهد على صدق قولي دقات قلبي الجديده <<< افااا خذها الطرب
قصدي تشهد على كلامي جريدة الرياض التسذوب دائما بس عن قولتن ماعندنا جرايد

تبون الصدز ماش منول الناس عفويين اكثر من اللازم حتى انهم حرموو الكبك والتلفزيون والرادو ومدارس البنات اجتهاد جعلهم في جنات النعيم بس السيكل حمار بليس ايه بس يتغطون عنه الحريم مدري احسها شوي قويه

اااااايه ياصحيفة الرياض مازد تسذبتي الا هالمره متعودين على تسذوباتس

نجدية · 14-10-2008, 10:09 PM

وقاعدتن اكتب لكم ادله وشواهد ومتعبتن عميري وانا مصيخينه وتاليتها مالقيت منكم الا الضعوي ولا رد ياكافي الشر ولا مناقشه للموضوع يسفاب وقتي ومصيبعاتي اللي قاعتن ترعص في هالبليه على قولة جدتي تقول لنا كانكم لين قعدتو عندي منتمب مسولفين مغير بتقبصون في هالبليه اليبتون لاتقعدون

معاني المفردات
البليه = الاب توب لانها تشك انه حرام يوم ناقشتها وشرحته لها قالت ايه عمل شيطان يخليكم تعرفون وش الناس يسوون يعني تتجسسون ماطاعت تفهم الله يرضى عليها
يعني صار عندنا
حمار بليس= السيكل
عمل الشيطان= الاب توب او بمسمى جدتي اليبتون
ماعلينا
عاد اقولكم وراكم مافتحتو النقاش عن السيكل وغطاة الحريم منول عنه ؟؟؟
بس
هذا مالدينا <<< متشرهه الخاله

ehtmam · 14-10-2008, 10:22 PM

اقتباس:

المشاركة الأصلية كتبت بواسطة نجدية

وقاعدتن اكتب لكم ادله وشواهد ومتعبتن عميري وانا مصيخينه وتاليتها مالقيت منكم الا الضعوي ولا رد ياكافي الشر ولا مناقشه للموضوع يسفاب وقتي ومصيبعاتي اللي قاعتن ترعص في هالبليه على قولة جدتي تقول لنا كانكم لين قعدتو عندي منتمب مسولفين مغير بتقبصون في هالبليه اليبتون لاتقعدون

معاني المفردات
البليه = الاب توب لانها تشك انه حرام يوم ناقشتها وشرحته لها قالت ايه عمل شيطان يخليكم تعرفون وش الناس يسوون يعني تتجسسون ماطاعت تفهم الله يرضى عليها
يعني صار عندنا
حمار بليس= السيكل
عمل الشيطان= الاب توب او بمسمى جدتي اليبتون
ماعلينا
عاد اقولكم وراكم مافتحتو النقاش عن السيكل وغطاة الحريم منول عنه ؟؟؟
بس
هذا مالدينا <<< متشرهه الخاله

ههههههههههه
الحين الموضوع عن سنتوب وفش فاش وش جاب سيرة رخصة سيكل خخخخخخخخ

نجدية · 14-10-2008, 10:35 PM

اقتباس:

المشاركة الأصلية كتبت بواسطة ehtmam

ههههههههههه
الحين الموضوع عن سنتوب وفش فاش وش جاب سيرة رخصة سيكل خخخخخخخخ

هذا الموضوع تراثي شامل كلش فيه عن منول والاولين من قشهم فعايلهم سناعتهم دلاختهم كرمهم طمعهم اي شئ يجي ببالك اسدحه هون ولايردك الاكيبوردك ومابعنا بالكوم الا اليوم

همن عاد قاعده مايبي لها كلام اي موضوع انا اكتبه مدري وراه بقدرة قادر يتحول لخن بط ويلف يمين ويسار لين يضيع ومعاد ينعرف له راس من رجلين وتصير المواضيع فيه تدربى تسنها عشر جحات في ونيت ويمشي بمطبات وهااات لشوف
مدري وراه ياوخيي هل هو من المشاركين يبون يخربون مواضيعي <<< مهوب انتي اللي تخربين بهذرتس
والا ان العذروب فيني اني راعية خرطي واجد واحوس مواضيعي بنفسي واغنية ابو بكر فيني اللي يقول انا سبب نفسي بنفسي جبت مصبعي صوب عيني
المهم انها قضية ضايعه

معاني المفردات لغير النجديين

جحات = بطيخات
خن بط = رمز للشئ اللي خرابيط ماله معنى
هون= فيذاا<<< اجل هون نجديه<<< ايه اووص وش يدريهم خل نحسن اللهجه

13-10-2008, 07:09 AM	#21
نجدية كاتبة مميزة تاريخ التسجيل: Mar 2005 المشاركات: 17,076	مصدر معلومات كلن يحتسي عن نفسه وشو عجوزه عشان طاح كمن ضرس والا طلع كمن شعرتن شايبه والا انحنى الظهر شوي والا جانا السكر والروماتيز والطواعين اللي تشيل العدو قلتوو عجوز هذي صباح عجزتن فانيه من قوم نوح وهذي هي تنقز تسنها حصان بليس محدن قالها عجوز بس يقولون الشحروره الا على طاري الشحروره وش معناتها يعني الدلوعه <<< ترقع ايه نسيت اقولك تراني حاطتن هالموضوع نحيي تراثكم يالاولين عاد يقولون القواله انهم شايفينك مع صلاح الدين يومه يفتح السند <<< يازينتس ساكته مهوب صلاح الدين عبدالرحمن الداخل <<<< راسبه برضو في التاريح <<< محو الأميه شكلها

13-10-2008, 07:17 AM	#22
نجدية كاتبة مميزة تاريخ التسجيل: Mar 2005 المشاركات: 17,076	ابوركون يالله لاتخلي عيني من الدرعيه واهلها رواعين فزعات من يومهم شقرديه دافور نت لو اني ابغيره ياابا الكحه تسان سميته ممنوع دخول الدوافير همن لاتكحكح علينا تعدينا هي العالم ناقصه خساير وصخونه دانه ماعليتس السكراب دواه عندي على قولة عباس ابراهيم والله لاوريك شئ مابعد شفته على طاري الصخونه يقولون القواله <<< ياكثر هرجهم لتس الظاهر مافي هالديره الا انتي يحتسون عليتس المهم يقولون اذا احد بالبيت جته الانفلونزا بخرو البيت بقطعة مره وخلاص باذن الله ماينعدي احد والله اعلم ولاتحطون بذمتي شئ هذولا القواله

13-10-2008, 07:47 AM	#23
نجدية كاتبة مميزة تاريخ التسجيل: Mar 2005 المشاركات: 17,076	اهتمااام لك الله ياشيخ مقطع ولا كول المقططعات بصرراحه شئ اجل ذي برامج بعذرهم منول الكبار يتابعون افلام كرتون اثرها ازين شئ يعرض لهم كله كوم وهالمذيع اللي ينتع كن البواجي عنده رايحتن فيها مدري هالرجال وش يحس فيه يومه يطلع مذيع ياحليلهم بس الاولين مايخالفون يوظفون اي واحد بأي حته ساحبين ع التخصصات الله يخلف علينا دحينه اشراقه ياالله الجنه ياحبي لتس عاد بقولتس شئ قبل ارد على حتسيتس شئ يقرقع بقلبي مبطي وفرصه الحين عشانا لحالنا <<< بالحيل لحالكم بقولتس يوخيتي ياليتس كل دايما تهجين المتابعه انتي ...مدري يختي احس باحساس غير اذا صرتي انتي تسني اطير وانا اقراء ولايقولون اني عنصريه عشانتس بنت لااااااا لانه حتى انا اذا افتتحت المتابعه مااحس بنفس الشعور اذا صرت انا احس بالمسؤوليه ومغير ارحب واقلط واصب وذا تغدى وذا ماعجبه وذا خسر وذا ربح مااصدق يصقع التويجري الجرس اروح اتروش وارقد لين باتسر الصبح من الارهاق <<< لايكثر ما افتتحتي المتابعه الا مرتن وحده عاد اقولتس انتي تزبرقين وترتبين وورود وسناعه اذا جاء الواحد يكتب يحس بانتعاش وريحة ورد وبخور<<<< ياكثر هرجتس هاتي الزبده وردي ع البنت ايه صح مارديت عليتس مسيتس بالخير >>> يابنت الناس مهوب ردي سلمي ردي على مشاركتها اهاااا تدرين اني من شفته وجايين المذكور في ردتس على بالي وجهزت التعليق بس سامعتن من القواله (الظاهر اني انا القواله على كثر مايقولون لي)انهم يزقطون اللي يحتسون في ذاك وذاك وانا وحدتن احب الحريه <<< ماكنتس حاشتن في الكنج بموضوع دانه اما الشيخه سندريلا تصدقين توني ادري ان ذا المشنقله هي ماعرفتها متغيرتن اشباهها <<< والا تعرفين اشباهها

13-10-2008, 08:07 AM	#24
نجدية كاتبة مميزة تاريخ التسجيل: Mar 2005 المشاركات: 17,076	المزيني يالله لاتخلي عيني بس ياخي هالشخص اللي بالتكان يبيع برندا وببس تسني اعرفه هالاشباه مارتن علي مدري وين لكن شكله مسفهل بهالصوره الاولين يقدرون التصوير

14-10-2008, 12:18 AM	#27
نجدية كاتبة مميزة تاريخ التسجيل: Mar 2005 المشاركات: 17,076	بوصووو بئولكم أأأيه قايبالكم النهارده حاقه حلوه <<<< وش عندها طنط كريمه مختار مالكم بالهرج اللي ماله داعي هذي سالفة حمار بليس وانتم بكرامه اللي تتغطى عنه الحريم عند اهل بريده منول ولايجون اهل بريده يقولون فيتس مالافيتس وجعل البلش يغطيتس لااااااااا هذي السالفه على ذمة جريده ابلط لكم الدليل تحت وهذي السالفه من طئطئ لسلاموعليكو تناقلت مواقع الانترنت مؤخراً صورة ضوئية لرخصة السماح بقيادة الدراجة الهوائية "السيكل" قبل خمسين عاماً في مدينة بريدة والتي عرضها أ المواطنين في متحفه الشخصي، حسب ما تناقلته مؤخراً أحد مواقع الانترنت. وتشير صورة الوثيقة إلى ان الرخصة كانت في ذلك الوقت تصدر من هيئة الأمر بالمعروف في مدينة بريدة نظراً للرفض الاجتماعي للدراجة الهوائية في ذلك الوقت وفق شروط منها شهادة شهود وكتاب عدل وعمدة الحي وكبير قبيلة صاحب الدراجة الهوائية، وكان نص التصريح المشروط كالتالي: "صدر السماح ل(اسم صاحب السيكل) باستعمال السيكل للضرورة إلى ذلك من بيته إلى الدكان (...) وما عدا ذلك فلا يكون له رخصة إلا بشغل لوالده.. بشروط أن لا يخرج عليه بالليل ولا خلف البلاد ولا يردف عليه ولا يؤجره ولا يدخل عليه وسط الأسواق. الجدير بالذكر انه خلال هذه الفترة كان يؤخذ تعهد على قائد السيكل أن لا يحمل الطيبات فيه مثل الخبز والحنطة والشعير لأنه كما يطلقون عليه "حمار إبليس" وكانت النساء يتغطين عن السيكل والرجال يتعوذون من الشيطان الرجيم كلما مرّ من أمامهم سيكل في الطريق وكان صاحب السيكل يعامل معاملة "الداشر الذي يشرب التتن" ولا يخالطه إلا من يطلق عليهم "دشير القوم" حتى أن قولاً لاحق قائد الدراجة الهوائية في ذلك الوقت وهو "شرابة التتن ركابة السياكل مطردة الدجاج"! والدليل مهوب أأألوووولووو لاءءءءءء الدليل هالصوره وتشهد على صدق قولي دقات قلبي الجديده <<< افااا خذها الطرب قصدي تشهد على كلامي جريدة الرياض التسذوب دائما بس عن قولتن ماعندنا جرايد تبون الصدز ماش منول الناس عفويين اكثر من اللازم حتى انهم حرموو الكبك والتلفزيون والرادو ومدارس البنات اجتهاد جعلهم في جنات النعيم بس السيكل حمار بليس ايه بس يتغطون عنه الحريم مدري احسها شوي قويه اااااايه ياصحيفة الرياض مازد تسذبتي الا هالمره متعودين على تسذوباتس

14-10-2008, 10:09 PM	#28
نجدية كاتبة مميزة تاريخ التسجيل: Mar 2005 المشاركات: 17,076	وقاعدتن اكتب لكم ادله وشواهد ومتعبتن عميري وانا مصيخينه وتاليتها مالقيت منكم الا الضعوي ولا رد ياكافي الشر ولا مناقشه للموضوع يسفاب وقتي ومصيبعاتي اللي قاعتن ترعص في هالبليه على قولة جدتي تقول لنا كانكم لين قعدتو عندي منتمب مسولفين مغير بتقبصون في هالبليه اليبتون لاتقعدون معاني المفردات البليه = الاب توب لانها تشك انه حرام يوم ناقشتها وشرحته لها قالت ايه عمل شيطان يخليكم تعرفون وش الناس يسوون يعني تتجسسون ماطاعت تفهم الله يرضى عليها يعني صار عندنا حمار بليس= السيكل عمل الشيطان= الاب توب او بمسمى جدتي اليبتون ماعلينا عاد اقولكم وراكم مافتحتو النقاش عن السيكل وغطاة الحريم منول عنه ؟؟؟ بس هذا مالدينا <<< متشرهه الخاله