عبر عن حالتك النفسيه بأبيات شعر

[القناص88]

لـ أقفى من أغليه منّي فـ الله يحفظه
ماهو بـ دمي و لا مالي و لا عبدي

كتاب قطع الوصل ما قدر على رفضـه
لكن لي حق أقول :آحيييه يا تسبدي

[نجدية]

ابياااااااااااات جميله ينقصها فارسة الشيخه فارسة الكلمه الشعر تنقدها

[الليالي الحزينه]

ما يموت الشوق لو قل الوصل ..

وما يهز القلب زلزال الظروف ..

وانت داري في محبتنا اصل ..

ولو يطول الصمت لا يلحقك خوف ..

والغلا بالقلب والله متصل ..

ثابت مثل الاصابع بالكفوف ..

[الليالي الحزينه]

صورتك في عيني

وفي القلب طاريك

تعال شوف بدنيتي (وش مكانك؟)

ان جيت كل دقات قلبي تحييك

وان (رحت) يكفيني بقايا حنانك

أعاهدك ما يوم ممكن (أخليك؟؟)

وماعاش من ياخذ بقلبي (مكانك)

[القناص88]

بين صدّه رفيق .. وكبرياء مهزوم
عين شحّت علي , وعين إستسمحت

بس مالله خلقني من بكاي معصوم
وادري ان الحناجر لوّ تفيض إفضحت

والله انّي على جرحي , صبور وكتوم
لكن الدموع .. إن روّحت .. روّحت

[فارسة الكلمه]

المشاركة الأصلية كتبت بواسطة نجدية

ابياااااااااااات جميله ينقصها فارسة الشيخه فارسة الكلمه الشعر تنقدها

هلا بك اختى يعنى مالقيتووو الا انا انا لي فترة المموري حقي ضارب لا اقدر انقد ولا افصح ولا شي
حتى مدري

خنبط تفتكري اختى وش حالتي



واخونا المزينى يحط اشياء مدري عنها حتى الاشعار حقتى والقصايد مدري ما اعرف نصها ولا معنها ماغير اغرف من العقل والخيال عاد خيالي واسع مشاء الله

انا فيه اشياء اعرفها صدفه واشياء اعرفها حقيقه واشياء ما احب اعرفها مريحه بالي في كل شي الحمد لله
تهقون اخوانى اخواتي حاله ولا عبط ولا ايش مافهمت نفسي


الا الشك والغيره والحيره هذي ماكنت عندى بتاتا البته واللحين صار عندي والسبه النت بس النسبه 50 % فقط

[فارسة الكلمه]

المشاركة الأصلية كتبت بواسطة القناص88

لـ أقفى من أغليه منّي فـ الله يحفظه
ماهو بـ دمي و لا مالي و لا عبدي

هذا حلووووووو جدااا وصحيح با السلامه

كتاب قطع الوصل ما قدر على رفضـه
لكن لي حق أقول :آحيييه يا تسبدي

علامك اخ القناص حزينه اشعارك
وليه اقول احيه يا تسبدي ابداااااااااااااااااااا الا مع الف سلامه
على حسب الحب والاخلاص والوفاء بس حب ايه ومن وليه اي هين ممكن اعجب واحب بس الحب في اشياء تدعمه مهو كلام بس لا اشياء ثانيه ؟ شوكورن

[فارسة الكلمه]

لو ضاقت الدنيا دهر رجواي في ربٍ كريم =ولو سكرت بيبانها في وجه عبده يكرمه

ياالله ياخالق عباده رحمتك وانت الرحيم =من جود فضلك ياكريم بحال عبدك ترحمه

لك التجي رب العباد منك الأجابة يا عظيم =صرخات ذنبي موجعه وبكاي دمع وتمتمه

أعوذبك يا خالقي همزات شيطانٍ رجيم =النفس فيني ضاعفة واذنوبي دومٍ مرزمه

أشياء خطيرة ترتبك وضلوع صدري كالهشيم =والعبرة اللي تحتدم بالعين ياهي مؤلمه

في هالزمن ضاع الوفاكيف الرفيق اصبح خصيم =لوهزعت بغصانها جرد الهقاوي واهمه

سريت بجموع الحزن والجرح فيني بالصميم = الصاحب اللي احسبه ياسعد منهو محزمه

أثر اليالي كاذبه واثر العوج مايستقيم =واثر السوالف ذاهبه واثر القلوب مسممه

ماكل برقٍ بالسما ينثر قراح الغيم غيم =هذي المبادي شاحبة ولون الطلاسم مافهمه

لا لاتوارى بخنجرك بالليل والمسرى عتيم =تبقى القلوب المعتمه بصدور اهلها معتمه

دربك وخيلك والمدى بحالك مفاهيمك تهيم =خلك وحيدٍ تنتظر ترقب صباحك بعتمه

وجهٍ قراني واكتبه هذي الفعايل ياغشيم =وقصرٍ بنيته من زمن يوم اكتمل قلت اهدمه

مشيت هاالدنيا شموخ والطيب فالي ياسقيم =وكان المراجل كايدة لا تزعم اللي تزعمه


مشاركة وجدانيه معك

[القناص88]

الشوق ملحد وبرد الوقت نصراني
والحب جاير ملك .. قلبي ولا خلى


وحتى الوفاء اعلن إسلامه علشاني
والمشكله اعلن اسلامه .. ولا صلى

[فارسة الكلمه]

تــــــــــرى من خـــــــــــــــان لأجلك يخــــــــــــونك

من اجمل ماقرات امس