عبر عن حالتك النفسيه بأبيات شعر

[علي المزيني]

عشاقي كثار لكن أنت معجبني
وش يعني إن كان كلن يبدي إعجابه

ماغير حبك مدوخني ومتعبني
أضيع في سيرته وأموت وأحيابه

[د.مـعـتـصـم]

موضوع جميل

شكرا جزيلا لك ..

[علي المزيني]

[ALIGN=CENTER][TABLE="width:70%;background-color:sandybrown;"][CELL="filter:;"][ALIGN=center][ALIGN=CENTER][TABLE="width:70%;background-color:deeppink;"][CELL="filter:;"][ALIGN=center]


ان شكيـتي ... صـرت انـا و المـوت دونـك ...!
لـو فديـت العـمـر لك ،‘تـسـتاهليـنـه ،

هي حـلاة الحـب كـله فـي | جـنـونـك |
أو جـنـون الحـب ... انـتـي ’’ تـمـلكـيـنـه ،، ؟؟

يشـهـد اللـه انـي ما احـيـا بـ / دونـك ،
ذا شـعـوري لك ليـتـك[ تـفـهـمـيـنـه ] .... ![/ALIGN][/CELL][/TABLE][/ALIGN][/ALIGN][/CELL][/TABLE][/ALIGN]

[الماجده 1]

(آلصمت).... له عندي معزّه ومقدار
في زحمة الأفواه .. يا مزين الصمت!!

لا صار.. بعض البوح عند البشر عار
لو يشتعل جوفي.. حشى ما تكلّمت!!

تعبت من قولة علامك)و وش صار ؟
وان طحت ما ألقى سوى كلمة(سلمت)

واعذار... أخلقها ..ولو مالي أعذار
مشّيتها مره .. ومرات ما رمت..!!

كذبة صباح الخير/ يا صبح.. الأنوار
عذري.... ليا عدّت ليالي ولانمت؟!

اسهر طوال الليل.. وضْيوفي أفكار
واقول لاْصحابي : نعم توّني قمت..!!

ما عاد فيني..... ألفت عْيون واْنظار
يكفي ....بأني من زماني تعلّمت!!

ان الصدر بيتــ ٍ.. وسكّانه اسرار
نيّام .. بس يصحون لامن تألمت..!!

يصحون.... ويناظرهم الجار والمار
وش عاد ينفع سترهم لو تكتّمت..؟!

آقدّم أقدامي ...على درب الاصرار
أمشي ...ولكن للأسف ما تقدّمت!!

النار قدامي .. ومن خلفي.... النار
والعمر يمضي بي...وأنا ماتولمت..!!

إليــن ذاكـ الحلم ...في لحظة نهار
وأنا مع.. لحظة .. سقوطه تحطمت..!!

حتى جروحي كثار وتناهيدي كثار
لكن على كثر المواجع تبسمت..!!

ثم ألتزمت الصمت وأعزومي كبار
ولو يشتعل جوفي حشى ماتكلمت..!!

[تروق وتحلي]

ياسحاب .!.!

يا سحاب على العارض نشا
هيّض القلب سيله والمزون

ذكر القلب ملهوف الحشا
يوم كنا تحت ذيك الغصون

ذكره من عن دروبي مشا
وحرك بخافقي كل الشجون

غالي غيره بقلبي حشا
هو حبي ولا غيره يمون

يا سحاب على العارض نشا
برقك يشدني لذيك العيون

صاحب ما يصدق من وشا
ولا عطا الحب قلبه ما يخون

الشعر منه بالحيل انتشى
والقوافي تغني يا فتون

إهداء منى لك يا المزينى ويقولون جوكم أليوم وبكره مثل ما قال سعد الخريجي .. وتستاهلون الخير يا الغالي .. تحياتى

[علي المزيني]

بابيع مايغلى على الكــون واشــــريك
واســوق لى جتــني علومـــك بشاير

وازعـــل جميــــع النـــاس بالحـــــيل وارضيك
واصــــبر ولـــــودارت على الـــدواير


أخوي الغالي تروق وتحلي سلمت على الهدية وهذا يدل على طيبك وطيب اصلك وكرم اخلاقك حقيقة اثلجت صدري والف شكر على مرورك وردك الكريم ربي لايحرمني منك

[الماجده 1]

ماهوب كفو الوقت حبك يمحّيه
ياللي تخاف صروف الايام تمحاه



ارتاح دام ان المواصل يقويه
انت . انت وانا . انا وقلبي هو إياه


حتى ولو بتغيب ذكراك تكفيه
ياواحدٍ تكفي عن الناس ذكراه


حُبك على رملة خفوقي مواطيه
ورياح عذلي عَنك ماتمسح خطاه


واللي يعذل القلب عن درب غاليه
( يالله عسى اللي يبلا المواليف يبلاه )


اخفيه يابلفيت والحال يبديه
ادناة واحد ينظر الحال يقراه


اخفيه فيه ومعتنيٍ به وحاميه
عن كل عينٍ ودها تنزل حماه


قلبٍ يحبك والهوى الذرب ماليِه
كانك مكذبني بعينك تحلاه


شرط . ان تشوفك فيه منت بحواليه
ويمكن تشوف ديار واماكن رعاه



وشوف به تمثال والوقت هاريه
وبتشوف زرعٍ ميتٍ واقفٍ ماه



وبتشوف جرحٍ فيه سكين راعيه
راح ونسى السكين والجرح ينخاه


وبتشوف حصنٍ عجّ الاقدار سافيّه
وبتشوف باقي بيت . راعيه خلاه


لاتنزعج . هذا خفوقي وباقيه
ولاتضايق من تصّدع زواياه



قَد زلزله فرقا وهزة عراويه
والله ستر والحظ عانه وعافاه


كانه صلح لك واعجبك . زيد تبينه
ابنه وجهزّ للمقابيل مبناه

[علي المزيني]

[IMG][/IMG]


سجلت في قلبي دخولك على طول
..... وغنت جروح القلب فيكم نشيده


وكلمة مرورك جابها منك مرسول
.... وبدلتها وارسلت كلمه جديده



واصبح ملفك داخل القلب معزول
... وحفظت به من دم قلبي قصيده

وسويت لك تحرير عن كل مجهول
... متوسط ٍ بين الخفوق وّريده


وقدمت لك عرض ٍ من القلب منقول
... لأجل أثبت انك بالضماير وحيده


وبمفضلة قلبي عن الغير محمول
... ما اضفت غيرك يالفتاه الفريده



وللخلف لو ترجع ترى الخلف مقفول
... رح للأمـام وفك صفحه جديده


واكتب على العنوان للغير مشغول
.... حنـّا سكنـّا وارسلي في بريده



وأن كان ودك تترك القلب مشغول
... سجل خروج وشب فيني وقيده



وان شفتني هالك على الدرب لا حول
... أضغط على ايقاف وأقرا القصيده


وأضغط على تحديث وتشوف مدلول
... وكل الكلام اللي قريته تعيده

[علي المزيني]

أشتقت لك كثر الثرى يوم يشتاق
للوابل الطيب يبلل عروقه


او عد مايبدي سنا الشمس باشراق
او عد ماينبض بصدري خفوقه


عطفك ولطفك ثم زينك والاخلاق
خلا فؤادي تحرقه نار شوقه


لاجلك خلق ربي شعوري والاشواق
ولافيه حب..الا وحبك يفوقه


يامن كتبت الشعر في بيض الاوراق
لاجله وشعري مايوفي حقوقه


لاجلك سهرت الليل لا وقت الاشراق
ودمعي كما مزنن تكاشف بروقه


مشتاق لك بالحيل والله مشتاق
وعيني على شوفك حبيبي شفوقه


عسى الليالي تجمع اثنين عشاق
وطعم السعاده في لقانا نذوقه

[الماجده 1]

[أعظم ( وجع ) بآلحب لا صرت تشتاق

لـ اللي تحب ولا أنت قـادر تشوفه !:|

يكويـكـ "جمـرٍ" داخـل القلب حرّاق

زود ٍعلــى نــاره تهـدّكـ طيوفه !

لا مـرّ بعيـونكـ كمـا نـوض برّاق

مـالكـ مجــال إلاّ تســاير ظروفه ..

ياصاحبـي لـو بينـي وبينـكـ آفاق ..

نفسي معـكـ في كـل حالـه شغوفه ..

ما كنت "قبلكـ" خلف الإحساس أنساق ..

وإن شفت درب الحب أسكت وأطوفه ..

الين جـاني منعطـف سيل الأشواق ..

بأمر الغرام اللـي سطت بي سيوفه ..

قاومت لكـن ! خافـي الحب ماطاق ..

صابه صمـود ٍ زلـزل أجزاء خوفه ..

بغيـت أردّه بـس حسيـت بإخفاق ..!!

في لحظـة ٍ"مـد" لـ كفوفكـ كفوفه ..

جا لكـ ولا كنت أحسـب الحب دفاق ..

لين أغرق الخـافق وسال بـ نزوفه ..

أثْــر المحبـة نبضهـا دوم سرّاق ..

دمي وهـو دمـي بجسمـي تحوفه ..!!

حاولت أداري حـب قلبـي بالأوراق ..

وأثْر الورق ماهـي أمينـة حروفه ..

سـلّ المشاعر من متاهات الأعماق ..

وأصبح يفسـرّ كل وضـع بوصوفه ..

يكتب تقاريـر الغـلا وقت الإشراق ..~

وعند المسـا يعطيـكـ باقي كشوفه ..♥