هل أستطيع استثمار مبلغ 500 ريال فقط ؟؟

[المقدام]

تجيب لك 5 أسهم في المواشي ... مع العمولة ... !

[وتد67]

انا اقول استثمر في سابك او الراجحي وعسى الله يرزقك من فضله

[shelagi]

حبيبي ابوحسن 2008 انت جاي قبل سنتك بثلاث سنوات المفروض 2004 ...ههههههههه
تقدر ياعزيزي تستثمر الخمسمية ريال مثل ماقال الاخ في اكتتاب البلاد وليس التعاونيه لانك تدور الحلال ...
ولما تبيع الاسهم حق البلاد انشاء الله بيصيروا 5000 ريال وتقدر تدخل فيهم وتطقطق بس انصحك بهالفتره انك تستغل الوقت وتفتح محفظه من بنكك وتقراء في هالمنتدى وتشوف وتتعلم طرق الاستثمار .
اتمنى لك النجاح بمشوارك والله يرزقك من وافر الحلال .

[الغالية]

ليه تحقرون اهميه الخمس مئة او الالف؟؟!!!!!!!!!!!
اعزم وتوكل على الله .....صح انها قليلة ولكن مع الارادة والعمل الخالص لوجة الله والرغبة بالمكسب الحلال فبيبارك لك الله فيها ....
بذكر لك مثل بسيط صار معي :
واحده عرضت علي تدخل بمحفظتي حوالي 2000ريال فقط وكنت خايفة لا اخسر لانها كل ما تملك وحالتها لله وافقت .....
دخلتها معاي ب3 عمليات بيع وخلال اسبوع كسبت حوالي 98 ريال وانا مشهوره بالتعليقات فسبحان الله استفدت وهي استفادت ومن معزتها ما حسبت عليها عمولة ولا يحزنون
واكتتبت بالاتصالات الاماراتية وزادت على 98 ريالين وصارت بسهمين وتنتظر التداول وتبيع بسعر بحوالي 250 او 300
فلو باعت بالمبلغ السابق بيعتبر بالنسبة لها مكسب مابعده مكسب على قولتهم (مد رجلك على قد لحافك)
واهم شيء الرغبة بالكسب والعمل
وموفق

[عبدالله العلي]

المشاركة الأصلية كتبت بواسطة عين العقل

وعليكم السلام هلا ابو حسن
الله يرزقنا وياك الرزق الحلال

ابو حسن فلوسك ماتسوي شي بصراحه
لكن فيه طريقه حلوه تصلح لك اتوقع
شف وانا اخوك
اذا معك الف ريال حطها في شركه بس يكون سعرها رخيص
وكل ماطلع راتبك خذ منه اللي تبي توفره وحط في هالشركه
واقعد على هالحال مده
راح تلقى نفسك وقتها عندك اسهم لا بأس بعددها
وقتها تقدر تشتغل مثل العالم
يعني شف لك مثل الكهرب وجمع فيها
لو فرضنا انك كل شهر بتحط 500 ريال إلى ألف ريال ومتوسط 700
لو ثبت السعر يعني كل شهر 5 اسهم
5 اسهم ×40 شهر = 200 سهم

هذا اللي اقدر اقوله لك والله يوفقك يا كريم
بس لا تنسى الله يجزاك خير تطلع 3% من ربح السهم بدون نية التصدق بل لنية التطهير
وعندك الجماعي والتعمير

من أجمل المداخلات اللتي قرائت ،، ويكفي إن هذا الرد يبعث في نفس السائل الإقدام والدخول في هذه العالم ( عالم الأسهم ) يكفي من هذا الرد عدم التحطيم ،، فيكفي من هذا الرد إفادة بإنه ليس هناك شي صعب أبداً

ولكن يا أخي عين العقل ، ، إن كان أبو حسن2008 وكل شهر راح يشتري بـ 500 إلى 700 ريال أو حتى 1000 ريال
في سهم هو يحدده وأكيد رايح يشوف السهم من الــ 150 وأنت نازل ،، هل سوف يكفيه هذا المبلغ في شراء ذلك السهم في حالة صعوده لما بعد الـ 150 ليصل الـ 180 مثلاُ ،، أعتقد غنه كل شهر سيزيد لما ستقطعه من راتبه لشراء أسهم شهرياً

ولا وش رايك ،،،، وبعد إذنك سأنقل الموضوع كونه أعجبني السائل وأعجبني ردك كثيراً

[moeed]

اكتتب فيها افضل لك في بنك البلاد
مثل اتحاد الاتصالات

ممكن تحصل على 5 أسهم الى 6 اسهم والله اعلم
بعدين بيعها بعد شهر الى شهرين
تحصل على خير ان شاء الله

لان مبلغك بسيط ... وممكن يروح في عمولات أو اي نزول لا سمح الله

وبالتوفيق

[majodi]

ممكن ليش لا الله الله بالإكتتابات بتقولي وشلون قبل ما اقولك وشلون لا بد انك تعرف إن الأسهم ليش بالسعر ولكن كمية الأسهم هي الي تفيدك ولكن الطريقة هي


مثال :

لو لحقت على إكتتاب إتحاد الإتصالات وشريت مثلا بسمك وأسم اثنين أو ثلاثة معك لو قلنا مثلأ ثلاثة 3أشخاص*4أربعة أسهم الي هم وزعوها = 12 إجمالي الأسهم المملوكة لك *50سعر السعم عند الإكتتاب فيه راح تكلفك الأسهم بالحالة هذي تقريبا ( 600 ريال )


بعد بداية التداول كم ممكن يوصل سعر السهم ممكن يوصل 300 أو أقل لو قلنا إنها 300 ريال * عدد الأسهم الي عندك = الإجمالي بمدة بسيطة 3600 ريال وانت جالس بالبيت والله يرزق الجميع الله الله بذي الحركة الين ما يكون عندك راس مال واذا جاك راس المال العب العبة مع الناس والله يرزقك ان شاء الله ويرزق الجميع ياااااااااااااارب

[zeecas]

الأخ الغالي أبو حسن. سؤالك جا في وقت طيب ولمصلحتك. بس خذها مني خطوة خطوة و إن شاء الرازق الكريم الـ 500 أو الـ 1000 توفي.

1- أدخل بمبلغ 500 ريال في إكتتاب التعاونية الجاي وبعدها بالفائض (200) ريال ولو ممكن زد عليها شوي في بنك البلاد. من هذي الإكتتابين تطلعلك بإذن الله بمبلغ من 3000 إلى 4000.

2- من هذا الوقت إلى وقت تبيع هذي الأسهم تكون عملتلك 3000 ثانية من راتب أو تسبب أو عطية. خذها كلها (7500)ريال وخليها في صندوق للأسهم السعودية وأنساها قد ما تقدر.

3- ممكن كمان تدخل أنت وواحد من أخوياك في صندوق واحد باسم واحد فيكم لأن على علمي أن أقل مبلغ للإشتراك في صندوق استثماري هو 7500 ريال.

أهم شي... أنساها قد ما تقدر ولا تتابعها لأنك ممكن تضعف لو نزلت قيمتها وتسحبها ويصير ركبت عليك خسارة لكن من خبرتي أقول ان مهما نزلت بترجع تعوض مع الوقت وبتزيد.

والله يوفقك لما فيه خير... وأهم شي لو كسبت فيها .. لا تنسى تشكر ربك وتطلع منها الي تجود بيه نفسك.

الله كريم.

أخوك زياد

[ابواسد]

وش هالتفاعل ماشاءالله

[المراقب]

عزيزي ابو حسن .... راح اعطيك طريقة ولا تنساني من الدعاء وانا اخوك ...

افضل طريقة لااستثمار هالمبلغ انك تشترك في الصناديق الاستثمارية بطريقة الاستقطاع الشهري ... مثل صندوق الاهلى للاسهم السعودية ... المطلوب فقط 500 ريال كل شهر تخصم من الحساب وتودع في حساب الصندوق ... وكل شهر تزيد نفس المبلغ وتحصل على وحدات على حسب المبلغ اللى تضيفه ... ولا تنسى ان ارباح الصناديق الاستثمارية بالاسهم السعودية وصلت 80 % منذ بداية السنة ...

وشكرا