ودك يجيك الطفش من سهم ، تعال شوف

[abo bander]

عندي الجماعي وللاسف كنت اتمنى اني الاقي منه ريال او اثنين زي متقول ياخوي بس اصحح معلوماتك الجماعي يلاعبنا على ربع ونص
حسبنا الله ونعم الوكيل لكن لا للبيع بخساره وانا قلبت وياه استثمار الين ربك يفرجها والله كريم

[ابن المبارك]

المشكلة أني سمعت من بعض المضاربين أن التعمير مضاربه علة ، يبهذلك على غير سنع ، وقلت في نفسي ( الحمد لله ما عندي شي في التعمير ) وكان سعر التعمير حدود 160 ، ولما نزل حدود 143 شريت فيه شوية للتجربة ، وحسببي الله عليه قام يحوس في 140 وحولها يعني حتى عمولة التداول أمكن ما يجيبها ، لكن بانتظره حتى يتجاوز - إن شاء الله - 145 وأدفه إلى غير رجعة
يووووووووووووووووووووه منه

[السهم الحر]

انا المشكله ماهو في سهم معين
المشكله فيني انا
والله العلي العضيم في الشهر الفضيل اني كل ما ادخل سهم يدحدر ليش ما ادري ولما ابيع يرتفع
حتى اني شريت في البحري قبل يومين 197.75 وكان الطلب ماهو حول السعر اعتقد 199 وكان اخوي جنبي وقال الله يستر على البحري لاتجني على ملاكه عسى الطلب ما يتنفذ

وحدثت الكارثه للبحري اني دخلت فيه والله يوم اتنفذت العمليه قام اخوي يضحك ويقول راح فيها البحري وفعلا راح فيها البحري نزل الى 192


على فكره ضحكتني كلمه اخونا ابو عبد العزيز يوم يقول
..... يعني حتى حق المنشار ما يعطيك....

[عين العقل]

للعلم ترى الهوامير انا وربعي ماعلينا عموله

يعني الربع يروح لجيبونا صافي

ولا وشوله اجل نضارب !!
لكن مهوب ذنبنا انكم منتوا زينا






اخوكم في الله في التعمير من ايام 155 وثلثين فلوسه واللي قلته فوق من حر ما اونس

لكن هين هين

[ابن المبارك]

يا السهم الحر ،، أضحكتني أضحك الله سنك :)
طيب إذا كان عندك شي في التعميير فأيش رأيك تبيعه ولو بخسارة وتفك زنقة الاخوة ، وبلغنا بذلك عشان ندعو لك جميعنا بالربح فتربح إن شاء الله في باقي الشركات .. ( تراها مزحة يالحبيب ) :) :)