نوادر مــــن عـلــــوم الرجــــــــــال ... - الصفحة 2

سيد الاخبار · 15-01-2011, 08:34 PM

الوليعي مسلم شهيد الحب العذري

هذه القصة والقصيدة لأحد أفراد قبيلة جهينة العريقة ......
تدور أحداث هذه القصة في الزمن الماضي أي ما يقارب الـ200 سنة .....
هذا واحد من ابناء الباديه من قبيلة جهينة وأغلب الظن إنه من ( ذبيان ) من جهينة_
حول جبل رضوى شمال ينبع
كان عمره 10 سنوات واسمه مسلم ولقب بعد القصه اللي صارت عليه بلقب (( الوليعي مسلم)) لتولعه بمحبوبته .
وقصته انه كان يتيم وصغير بعمره وكانو ربعه باديه يربعون لين يوصلون الشفا بين تيما وحايل بوقت الربيع ثم يرجعون لدياره وشاءت الاقدار بما انه يتيم انه يشتغل راعي
عند قبيلة عنزه المجاوره لقبيلته وكانت تسرح معه بالبل بنت معزبه واسمها ظبيه وكانت اصغر منه بسنتين وكانوا اطفال اذا حسبناها بوقتنا الحالي .
وكان يحب ظبيه وكل ما كبر يكبر حبها له لين اصبحوا في عز شبابهم لكن مايدري هل ظبيه تحبه والا لا فقرر انه
يسأل عجوز عنها قالت له انا مالك عندي علاج بس لك عندي خطه
والخطه هي انك تسوي نفسك مقروووص واللي يخاف عليك هو اللي راح يمص الدم عنك
وفعلا جا وسط البيوت وقام يصارخ ويسوي نفسه مقرووص وصاحو العرب يامن يمص له الدم ومع الصراخ تسللت
ظبيه مسرعه يوم شافت انه مسلم نقزت على ابهام رجله وقامت تمص الدم فعرف انها تحبه
وراح للبل ولحقته ظبيه وكلمها بأمر الزواج وحبه لها سمعت اخت ظبيه الكلام وفزعت لابوها وقالت له ووصل الخبر
لعيال عمها فتوعدوه رجعت ظبيه وحست انهم دروا عنهم
رجعت لمسلم وقالت له اركب الذلول الفلاني وارجع لاهلك وحطت بخف الذلول ابره عشان يسرع
جو عيال عم ظبيه راكبين على الجيش ويحدون ويقولون مسلم لو مسكناه قطعنا كف يمناه
فركب على الذلول وراح لديرته برضوى ويوم وصل هناك كان له اخ من امه اسمه سويلم وكان هو اللي يداريه ويعطف عليه .

لكن مسلم تغيرت حالته ولا يتكلم ولا ياكل حاولو بشتى الوسائل انه يتكلم بس ما تكلم وجلس مريض فتره طويله واخوه احتار بحالته وقرر انه يوديه لكاهنه عندهم قالت له
طلعه ضلع رضوى فووووق اذا كان عنده علم يبي يقوله لك واذا كان شاعر يبي يقول قصيده
وفعلا طلع اخو الوليعي رضوى واخذ معه مسلم وكان الوقت ربيع والجبل فوق سهل وله هويه كبيره اللي يطلع له
يمد نظره على مسافه بعيده ويوم طلعو فوق قام سويلم وشب النار
وسوا القهوه وللآن مسلم ما يتكلم وقال سويلم لمسلم انا ابروح اتقنص وانت خلك هنيا يبي عشان يبعد عنه ويسمعه يمكن يقول شي وراح عنه
قام مسلم من مكانه وجا على راااس الهويه وجلس يخايل بعيونه فوق وتحت ومد نظره جهة ديار ظبيه وكأنه يشوف الطلحه اللي كانو ينامون عندها ويتخيل ظبيه وايامها معه
وتكلم بس تكلم بقصيده والقصيده على طرق الهلاليين وطرق الهلالليين معروف و تقول القصيده :

يـقــول الولـيـعـي والولـيـعـي مـسـلّــم****مــن دامــت ايــام الـصـبـا لـــه دام.
لــــو إن عــجــات الـصـبـــــــا يـجـبـرنـه **** كمـا يجـبـر الجـابـر كسـيـر عـظـام.
قـاري قـرانـي يــوم قـرصـت بهـامــــــي**** غـروٍصـغـيــر مـــــا عــلــيــه لـــثـــام.
قراني وهو يسفح من الدمع ناظــره **** لـيــتــه قـــرانـــي والــعــيــون نـــيـــام.
رقيت في رضـوى ورضــــوى منيفـــه**** وأخيـل فــي عيـنـي جـنـوب وشــام.
أخـيـل فــي عيـنـي طلـحـة ناعمـيـة **** ســـــلام يـــــادار الـحـبــيــب ســــلام
يـامــرتــع لــلــنــوق تــــــوي لـقـيــتــه**** في خشـم و(علـة) مـن يميـن ردام
يـالـيـتـنـي يــــــوم دنــتــنــي مـنـيــتــي**** بـديــار (ظـبـيـة) عـــن ديـــار تـهــام
أنا جيتكم من راس رضوى عشيّـــــة **** كـمــا شـــن غـــربٍ بـــاد مـنــه وذام

وهذا البيت الاخير قاله يوم نوى يرمي روحه من الجبل
احس اخوه انه يبي يرمي روحه من الجبل وركض عليه فعلا بس مالحق الا على عباته واخذها ونزل تحت لقى
مسلم ميت وراسه ما بقى منه الا جدايله وحزن عليه حزن شديد واخذ جدايله وحطها على بدرره او شنه وركب الجمل اللي جا فيه مسلم من الديره اللي هو كان فيها وقال لازم اروح للمره اللي تسببت عليه واشوفها
وفعلا راح يم ديرتهم وهو يعرفهم وسوا نفسه يدور له جمل وينشدالناس جت ظبيه من بين الناس له مسرعه قالت له : اسألك بالله راع القرون هذي حي والا ميت
قالها راعي الجدايل هذي جا مريض وما يتكلم وطلعناه راس رضوى وقال لها القصيده فما كان منها الا انها شهقت وماتت

رجع سويلم اخو مسلم لديرته وكان متأثر بقصة الهوى هذي

ام الغالي2008 · 15-01-2011, 09:53 PM

قصص رائعه وقصائد أروع

يعطيك العافيه

نجدية · 16-01-2011, 12:29 AM

اقتباس:

المشاركة الأصلية كتبت بواسطة ام الغالي2008

قصص رائعه وقصائد أروع

يعطيك العافيه

الله يصلحتس ياأم الغالي هالحين وش جايبتس عند علوم الرجال اببتل اعلمتس

<<< جايتن تنادي ام الغالي ومتلثمه

سيد الاخبار · 16-01-2011, 01:03 PM

اقتباس:

المشاركة الأصلية كتبت بواسطة ام الغالي2008

قصص رائعه وقصائد أروع

يعطيك العافيه

شرفني مرورك الكريم

سيد الاخبار · 16-01-2011, 01:06 PM

اقتباس:

المشاركة الأصلية كتبت بواسطة نجدية

الله يصلحتس ياأم الغالي هالحين وش جايبتس عند علوم الرجال اببتل اعلمتس

<<< جايتن تنادي ام الغالي ومتلثمه

وش محرق رزقك انتي
علوم الرجال ترفع الهمم
وان شاء الله يرزقه الله بولد يبيض وجهه ويرفع قدره
وقدره رفيع

ام الغالي2008 · 16-01-2011, 06:33 PM

اقتباس:

المشاركة الأصلية كتبت بواسطة نجدية

الله يصلحتس ياأم الغالي هالحين وش جايبتس عند علوم الرجال اببتل اعلمتس

<<< جايتن تنادي ام الغالي ومتلثمه

يوه يانجديه وين هيضتيني

تدرين عاد اني أحب علوم الرياجيل

وان ابوي العود كان يقعدني بجنبه بالديوانيه يومني صغيرونه >>دلوعته

واني كنت مثل المسجله أعيد عليه كل العلوم اللي سمعتها مره ومرتين

15-01-2011, 08:34 PM	#11
سيد الاخبار متداول نشيط تاريخ التسجيل: Oct 2005 المشاركات: 556	الوليعي مسلم شهيد الحب العذري هذه القصة والقصيدة لأحد أفراد قبيلة جهينة العريقة ...... تدور أحداث هذه القصة في الزمن الماضي أي ما يقارب الـ200 سنة ..... هذا واحد من ابناء الباديه من قبيلة جهينة وأغلب الظن إنه من ( ذبيان ) من جهينة_ حول جبل رضوى شمال ينبع كان عمره 10 سنوات واسمه مسلم ولقب بعد القصه اللي صارت عليه بلقب (( الوليعي مسلم)) لتولعه بمحبوبته . وقصته انه كان يتيم وصغير بعمره وكانو ربعه باديه يربعون لين يوصلون الشفا بين تيما وحايل بوقت الربيع ثم يرجعون لدياره وشاءت الاقدار بما انه يتيم انه يشتغل راعي عند قبيلة عنزه المجاوره لقبيلته وكانت تسرح معه بالبل بنت معزبه واسمها ظبيه وكانت اصغر منه بسنتين وكانوا اطفال اذا حسبناها بوقتنا الحالي . وكان يحب ظبيه وكل ما كبر يكبر حبها له لين اصبحوا في عز شبابهم لكن مايدري هل ظبيه تحبه والا لا فقرر انه يسأل عجوز عنها قالت له انا مالك عندي علاج بس لك عندي خطه والخطه هي انك تسوي نفسك مقروووص واللي يخاف عليك هو اللي راح يمص الدم عنك وفعلا جا وسط البيوت وقام يصارخ ويسوي نفسه مقرووص وصاحو العرب يامن يمص له الدم ومع الصراخ تسللت ظبيه مسرعه يوم شافت انه مسلم نقزت على ابهام رجله وقامت تمص الدم فعرف انها تحبه وراح للبل ولحقته ظبيه وكلمها بأمر الزواج وحبه لها سمعت اخت ظبيه الكلام وفزعت لابوها وقالت له ووصل الخبر لعيال عمها فتوعدوه رجعت ظبيه وحست انهم دروا عنهم رجعت لمسلم وقالت له اركب الذلول الفلاني وارجع لاهلك وحطت بخف الذلول ابره عشان يسرع جو عيال عم ظبيه راكبين على الجيش ويحدون ويقولون مسلم لو مسكناه قطعنا كف يمناه فركب على الذلول وراح لديرته برضوى ويوم وصل هناك كان له اخ من امه اسمه سويلم وكان هو اللي يداريه ويعطف عليه . لكن مسلم تغيرت حالته ولا يتكلم ولا ياكل حاولو بشتى الوسائل انه يتكلم بس ما تكلم وجلس مريض فتره طويله واخوه احتار بحالته وقرر انه يوديه لكاهنه عندهم قالت له طلعه ضلع رضوى فووووق اذا كان عنده علم يبي يقوله لك واذا كان شاعر يبي يقول قصيده وفعلا طلع اخو الوليعي رضوى واخذ معه مسلم وكان الوقت ربيع والجبل فوق سهل وله هويه كبيره اللي يطلع له يمد نظره على مسافه بعيده ويوم طلعو فوق قام سويلم وشب النار وسوا القهوه وللآن مسلم ما يتكلم وقال سويلم لمسلم انا ابروح اتقنص وانت خلك هنيا يبي عشان يبعد عنه ويسمعه يمكن يقول شي وراح عنه قام مسلم من مكانه وجا على راااس الهويه وجلس يخايل بعيونه فوق وتحت ومد نظره جهة ديار ظبيه وكأنه يشوف الطلحه اللي كانو ينامون عندها ويتخيل ظبيه وايامها معه وتكلم بس تكلم بقصيده والقصيده على طرق الهلاليين وطرق الهلالليين معروف و تقول القصيده : يـقــول الولـيـعـي والولـيـعـي مـسـلّــم**مــن دامــت ايــام الـصـبـا لـــه دام. لــــو إن عــجــات الـصـبـــــــا يـجـبـرنـه كمـا يجـبـر الجـابـر كسـيـر عـظـام. قـاري قـرانـي يــوم قـرصـت بهـامــــــي غـروٍصـغـيــر مـــــا عــلــيــه لـــثـــام. قراني وهو يسفح من الدمع ناظــره لـيــتــه قـــرانـــي والــعــيــون نـــيـــام. رقيت في رضـوى ورضــــوى منيفـــه وأخيـل فــي عيـنـي جـنـوب وشــام. أخـيـل فــي عيـنـي طلـحـة ناعمـيـة ســـــلام يـــــادار الـحـبــيــب ســــلام يـامــرتــع لــلــنــوق تــــــوي لـقـيــتــه في خشـم و(علـة) مـن يميـن ردام يـالـيـتـنـي يــــــوم دنــتــنــي مـنـيــتــي بـديــار (ظـبـيـة) عـــن ديـــار تـهــام أنا جيتكم من راس رضوى عشيّـــــة ** كـمــا شـــن غـــربٍ بـــاد مـنــه وذام وهذا البيت الاخير قاله يوم نوى يرمي روحه من الجبل احس اخوه انه يبي يرمي روحه من الجبل وركض عليه فعلا بس مالحق الا على عباته واخذها ونزل تحت لقى مسلم ميت وراسه ما بقى منه الا جدايله وحزن عليه حزن شديد واخذ جدايله وحطها على بدرره او شنه وركب الجمل اللي جا فيه مسلم من الديره اللي هو كان فيها وقال لازم اروح للمره اللي تسببت عليه واشوفها وفعلا راح يم ديرتهم وهو يعرفهم وسوا نفسه يدور له جمل وينشدالناس جت ظبيه من بين الناس له مسرعه قالت له : اسألك بالله راع القرون هذي حي والا ميت قالها راعي الجدايل هذي جا مريض وما يتكلم وطلعناه راس رضوى وقال لها القصيده فما كان منها الا انها شهقت وماتت رجع سويلم اخو مسلم لديرته وكان متأثر بقصة الهوى هذي

15-01-2011, 09:53 PM	#12
ام الغالي2008 كاتبه مميزه تاريخ التسجيل: Apr 2009 المشاركات: 8,468	قصص رائعه وقصائد أروع يعطيك العافيه