سؤال: الدراسة والتحليل أم المضاربون ..؟؟

[حمد الناصر]

الطاسه ضايعه مو بس بالسوق ياهتانه وافهميها

[هتانة الغيمة]

المشاركة الأصلية كتبت بواسطة TheDream

بسم الله الرحمن الرحيم


يعطيك العافية

ابجاوب باللي يقدرني الله عليه وباختصار ،،

السوق عبارة عن عرض وطلب ،،، اسهم ومستثمرين ،، بيع وشراء ،، كميات واحجام وعدد صفقات،،، سيولة .


لمى الوصفه اللي فوق ذي نحطه بالخلاط ونظربها تطلع لنا شي اسمه ( سلوك السهم او السوق ) .


كيف نقدر نشوف هالسلوك ووشو اللي صاير بيع والا شراء اكيد لازم لنا اشعة X حتى تطلع لنا المتخبي ، وهذا هو الشارت اللي يحللون جميع المحللين الفنيين عليه .

اولا افتتاح ثانيا اعلى ثالثا ادنى رابعاً اغلاق خامسا حجم تداول او كمية ،،، هذي هي زبدة الاشياء اللي تشوفها اشعة X ( الشارت ) . الشارت لا يعلم الغيب وانما يعكس لك ما حصل خلال هذا اليوم او الشهر او ... الخ

انا كيف اسوي عشان اتعلم قرايت اشعة X هذي بالشكل السليم .. وينصح بالاتي :

1- تقليص عدد الشركات اللي بتناظرها بهالتحليل الى اقل عدد ممكن ويفضل من وحده الى ثنتين بالكثير مره ..

2- كيف تتابع هالشركات وتقلصها الى وحده او ثنتين نقولك الاتي :
تتابع سلوك السهم اي بمعنى تناظر الشارت مثلا اذا مالك بالتحليل الاساسي وتشوف شارت كنه طرقنا بالجنوب طالع نازل يكون واضح عليه قمم كثير وقيعان كثير يعني زي مؤشر تخطيط القلب وهذا يعطي دلاله على ان سلوك السهم ذا مضاربه نشطه واقدر ادخل بين القيعان وابيع على القمم ( كل ما تعمقت بالتحليل الفني ) ، وفي العاده تكون هالشركات مسارها مو مناقز على فوق واضح ولا الى اسفل وانما تكون في مسار عرضي يعني لو رسمت خطين عرضيه واحد على القمم وواحد تحت القيعان لوجدته اكثر سلوك السهم بين هالخطين .

3- بعد هالنظرة على الشركات وتحديد اقل عدد ممكن من الشركات لمتابعتها ندخل بالزبدة في سؤالك :

ابدا الان بعد تطبيق اولاً وهو قراءة مزاج المضاربين ونفسياتهم بالبيع والشراء ( تحليل السلوك كما هو موضح برقم 2 ) ادخل التحليل الفني ونماذجه وموجاته وتكون اكيد اني متابع السهم بعد ما يكون قريب من احد قيعانه اللي بتكون بين الخطين العرضيين المذكوره اعلاه واشوف الناذج الراكبه والاشكال والشموع المشجعه للدخول واستخدام وسائل التحليل الفني الكثيره لتحديد نقطة دخول امنه ضروري جدا جدا تكون مربوطه بهدف للخروج سواء اعلى ( جني ربح ) او اسفل ( وقف خساره ) .


وبهالخلاصة نقدر نقول بانه لازم من ربط مزاج كما يحلو تسميته المضاربين ( السلوك ) مع التحليل الفني داخل اطار مجرايات السوق عامه ومحفزاته لكي استطيع القول بانني قدرت اطلع بقرار شراء او بيع ..


والله اعلم



اتمنى اكون وضحتلك او استطعت اني اجاوب على سؤالك ..



تقبل تحياتي

هلا
TheDream

مشكووور الله يعافيك على هالشرح

شرحت ببساطة مفردة وانسيابية أسلوب ليسهل إيصاله ومن ثم استيعابه ..

والله يقدرنا ونوفق بالربط .. جعل الله يربطهم عن هالهبال :) ماخلونا نستقر على شئ!!

كفيت ووفيت ماقصرت

[هتانة الغيمة]

المشاركة الأصلية كتبت بواسطة مصطفى2

هلا
مشكور على المشاركة
انا اقول توازن بين الاثنين
وتحكم العقل ومؤشر السوق

هلا
مصطفى2

العفو

التوازن مطلوب وشيء حلو لكن هم خلوا فيها مجال للتوازن يا على هواهم يا بالحضيض..

والمتعلقين يطلبون من الله الفرج ..

[هتانة الغيمة]

المشاركة الأصلية كتبت بواسطة بدوي متعافي

سوق رؤؤس الاموال الكبيره والكبيره جـــــــــــــــــــــــــــــــــــــــــــــــــ ـــــــــداً

هلا
بدوي متعافي

صحيح سوق رؤوس أموال كبيرة جدا وهذا الي المفروض يشجع أكثر لإدارته بحرفية واتقان ووفق خطط مدروسة لتسمح بنموه وازدهاره ويعكس قوة اقتصاد وطنه ومدى وفرة السيولة للأفراد ..
لكن هم فاهمينها غلط يحسبون بفلوسهم يجي كل شيء على هواهم حتى السوق بشركاته واسهمه ومؤشراته !

[هتانة الغيمة]

المشاركة الأصلية كتبت بواسطة h-n-a

الطاسه ضايعه مو بس بالسوق ياهتانه وافهميها

هلا
h-n-a

والله أنا الي احترت وبطريقي ضيعت ..

بس مافهمت !! الله يهديك ليش تحيرني أكثر ..!؟

[BinRasheed]

المشاركة الأصلية كتبت بواسطة هتانة الغيمة

السلام عليكم ورحمة الله وبركاته ..

عندي سؤال عن هالسوق (الأسهم) وأتمنى ألقى إجابته والله يجعل البركة في الجميع هنا .. مانستغني ..

سؤالي..

كيف أربط بين تحليل فني ودراسة وتحليل مؤشرات وبين هالسوق اللي يغلب عليه طابع الفردية ,, يعني مثلا أنا أتبع تحليل معين وأمشي بعد توفيق الله على مارسمه من مسار وألقى سوق يدار بمزاج مضاربين وهوامير ,, باختصار أتبع الموجة أو أتبع التخطيط المدروس..؟؟

مازاد في إلحاحي للفهم هو وجود التحليل هنا ولا تخلو المشاركات من ذكر هوى مضاربين وهوامير وصناع سوق ؟؟؟

وش أتبع بالضبط تعبت

ومشكورين جميعا ..

ياليت تعرضين صوره توضح شارت الشركه الي تقصدينها
ياليت يكون الشارت نفسه الي استخدمتيه في التحليل

[ولد الهيلا]

بالنسبة لي انا اعتبر ان التحليل الفني هو تحليل السهم بعد الاغلاق قبل الاغلاق يعتبر توقع للتحليل الفني زي مانشووووف لما يكون فيه مباراه ويجونك هالمحللين تلقاهم بعد المباراه يقولون لك علشان ذا سوا كذا وذا سوا كذا فاز وبالمقابل علشان ذا كذا وذا كذا انهزم لكن قبل ماتبدا المباره وش يقووووولون تلقاهم يقولون نتوقع ممكن لو محد يقدر يفتيك ويعطيك هرجه صح لانها في علم الغيب لكن نرجح لمحور حديثنا واقووول ان اتبع حالة السوووق النفسيه والسيوووله والمعلووومه لان سوقنا يتبع المعلووومه والمعلومه صعب تحصل عليها زمان قبل التداول عن طريق الانترنت كنت اروووح مع ناس زملاي للبنك عشان التداول عن طريق الصالات انهار السوووق قبل انهيار 20006وكنت اروووح معاهم علشان يبيعون اسهم مانحصل احد يشتري كل يوم على هالموال وكان وقت الطيحات اللي زي كذا يجي شايب مانشوفه الا مرتين في االسنه مره يوم يبيع ومره يومنه يشتري قال زميلي له ياعم محمد كان تقولون لنا ان السووووق يبي يطح ناظر فيه بعين قويه وقال ليه وذا قلت لك ابيع على مين فاعرف ان اذا كثر الكلام على السهم انها مجرد تروووويج وذا كثر التشاؤم ان الدخووووووووول وذا قلت السيوووووله والسوووق نايم حط فلوووسك ورقد معه وشكرا واسف على الاطاله

[BinRasheed]

المشاركة الأصلية كتبت بواسطة ولد الهيلا

بالنسبة لي انا اعتبر ان التحليل الفني هو تحليل السهم بعد الاغلاق قبل الاغلاق يعتبر توقع للتحليل الفني زي مانشووووف لما يكون فيه مباراه ويجونك هالمحللين تلقاهم بعد المباراه يقولون لك علشان ذا سوا كذا وذا سوا كذا فاز وبالمقابل علشان ذا كذا وذا كذا انهزم لكن قبل ماتبدا المباره وش يقووووولون تلقاهم يقولون نتوقع ممكن لو محد يقدر يفتيك ويعطيك هرجه صح لانها في علم الغيب لكن نرجح لمحور حديثنا واقووول ان اتبع حالة السوووق النفسيه والسيوووله والمعلووومه لان سوقنا يتبع المعلووومه والمعلومه صعب تحصل عليها زمان قبل التداول عن طريق الانترنت كنت اروووح مع ناس زملاي للبنك عشان التداول عن طريق الصالات انهار السوووق قبل انهيار 20006وكنت اروووح معاهم علشان يبيعون اسهم مانحصل احد يشتري كل يوم على هالموال وكان وقت الطيحات اللي زي كذا يجي شايب مانشوفه الا مرتين في االسنه مره يوم يبيع ومره يومنه يشتري قال زميلي له ياعم محمد كان تقولون لنا ان السووووق يبي يطح ناظر فيه بعين قويه وقال ليه وذا قلت لك ابيع على مين فاعرف ان اذا كثر الكلام على السهم انها مجرد تروووويج وذا كثر التشاؤم ان الدخووووووووول وذا قلت السيوووووله والسوووق نايم حط فلوووسك ورقد معه وشكرا واسف على الاطاله

كل مستثمر له استراتيجيته في الاستثمار . وكل طريقه ناجحه بنظري وان لم تحقق ربح
بالنسبه لكلامك هناك تحليل اليومي او بنهاية اليوم . مثل الي قلته اذا قفل السوق تحلل
لكن فيه تحليل لحظي يعني شمعة الاقفال بدال ما تكون على نهاية اليوم تكون بعد كل خمس دقايق تعطيك شمعة او كل ربع ساعه او كل دقيقه ... الخ
مو شرط شمعه باي رسم بياني ممكن

وتقدر تحلل السوق وهو يتداول مثلا اليوم عند الساعه 2:10:45 الى 2:37:45 اعطى اشارة بانعكاس مسار السوق و هدفه 8921 وتحقق الهدف بعد 22 دقيقه
وقبلها كون نموذج ثاني استمراري اعطى هدف ابعد و تحقق ثم جنى ارباحه

[مذهـلة]

المشاركة الأصلية كتبت بواسطة TheDream

بسم الله الرحمن الرحيم


يعطيك العافية

ابجاوب باللي يقدرني الله عليه وباختصار ،،

السوق عبارة عن عرض وطلب ،،، اسهم ومستثمرين ،، بيع وشراء ،، كميات واحجام وعدد صفقات،،، سيولة .


لمى الوصفه اللي فوق ذي نحطه بالخلاط ونظربها تطلع لنا شي اسمه ( سلوك السهم او السوق ) .


كيف نقدر نشوف هالسلوك ووشو اللي صاير بيع والا شراء اكيد لازم لنا اشعة X حتى تطلع لنا المتخبي ، وهذا هو الشارت اللي يحللون جميع المحللين الفنيين عليه .

اولا افتتاح ثانيا اعلى ثالثا ادنى رابعاً اغلاق خامسا حجم تداول او كمية ،،، هذي هي زبدة الاشياء اللي تشوفها اشعة X ( الشارت ) . الشارت لا يعلم الغيب وانما يعكس لك ما حصل خلال هذا اليوم او الشهر او ... الخ

انا كيف اسوي عشان اتعلم قرايت اشعة X هذي بالشكل السليم .. وينصح بالاتي :

1- تقليص عدد الشركات اللي بتناظرها بهالتحليل الى اقل عدد ممكن ويفضل من وحده الى ثنتين بالكثير مره ..

2- كيف تتابع هالشركات وتقلصها الى وحده او ثنتين نقولك الاتي :
تتابع سلوك السهم اي بمعنى تناظر الشارت مثلا اذا مالك بالتحليل الاساسي وتشوف شارت كنه طرقنا بالجنوب طالع نازل يكون واضح عليه قمم كثير وقيعان كثير يعني زي مؤشر تخطيط القلب وهذا يعطي دلاله على ان سلوك السهم ذا مضاربه نشطه واقدر ادخل بين القيعان وابيع على القمم ( كل ما تعمقت بالتحليل الفني ) ، وفي العاده تكون هالشركات مسارها مو مناقز على فوق واضح ولا الى اسفل وانما تكون في مسار عرضي يعني لو رسمت خطين عرضيه واحد على القمم وواحد تحت القيعان لوجدته اكثر سلوك السهم بين هالخطين .

3- بعد هالنظرة على الشركات وتحديد اقل عدد ممكن من الشركات لمتابعتها ندخل بالزبدة في سؤالك :

ابدا الان بعد تطبيق اولاً وهو قراءة مزاج المضاربين ونفسياتهم بالبيع والشراء ( تحليل السلوك كما هو موضح برقم 2 ) ادخل التحليل الفني ونماذجه وموجاته وتكون اكيد اني متابع السهم بعد ما يكون قريب من احد قيعانه اللي بتكون بين الخطين العرضيين المذكوره اعلاه واشوف الناذج الراكبه والاشكال والشموع المشجعه للدخول واستخدام وسائل التحليل الفني الكثيره لتحديد نقطة دخول امنه ضروري جدا جدا تكون مربوطه بهدف للخروج سواء اعلى ( جني ربح ) او اسفل ( وقف خساره ) .


وبهالخلاصة نقدر نقول بانه لازم من ربط مزاج كما يحلو تسميته المضاربين ( السلوك ) مع التحليل الفني داخل اطار مجرايات السوق عامه ومحفزاته لكي استطيع القول بانني قدرت اطلع بقرار شراء او بيع ..


والله اعلم



اتمنى اكون وضحتلك او استطعت اني اجاوب على سؤالك ..



تقبل تحياتي

The Dream

بالفعل انت استاذ واخ ناصح

جوابك كان وافي وكافي

اختي هتانة الغيمة اخوي دريم ماقصر


تحياتي