طريقة مضمونة ومأمونة ومجربة...لزيادة الدخل ورفع مستوى المعيشة

[تدوال الخير]

جزاك الله خيرا و بارك الله فيك و نفعك و انفع بك

[sal7]

جزاك الله خيرا وجعله في ميزان حسناتك

[alshari]

جزاك الله خيرا و بارك الله فيك و نفع بك.

[حسين الخميس]

استغفر الله الذي لا اله الا هو الحي القيوم واتوب إليه ،،،

[جبل شامخ]

استغفر الله الذي لا اله الا هو الحي القيوم واتوب إليه

["حروف تداول"]

[grade="32CD32 000000 008000 000000 32CD32"]جزاك الله خيـرا القبيسي،،
وجعله في ميــزان حسناتك،،
تحياتي وتقديري،،[/grade]

[مراد]

--------------------------------------------------------------------------------

جزاك الله كل خير

لا فض فوك

*********

[ksa1015]

بسم الله الرحمن الرحيم

يا اخواني سأقول قصتي باختصار :

انا من مدة قلية استغفر الله بصدق ولكن بشكل متقطع وسبحان الله يأتيني رزقي وأنا جالس ما اروح ادور عليه يعني

مثل ان اكون عند واحد من الاصدقاء ويأتي شخص ويطلب مني مساعدة بسيطة ولكن يعطني عليها اجر ( فلوس) ، او اوصل احد مشوار مثلا ويلزم علي ويصر ان اخذ عليه اجر .

المهم انا دايم اقول في نفسي انا كل ما استغفر يأتيني مال على قدر الاستغفار ، قلت ورى ما استمر على الاستغفار كل يوم ولا اقطعه ابدا وألزمت نفسي ان استغفر الله ، المهم ما قعدت شهر إلا وواحد من الربع داخل في الاسهم وعنده ربح من الاسهم قال لي ورى ما تدخل في الاسهم قلت له ما عندي فلووووووووس قال اسلفك ، قلت تمام / المهم الرجال عطاني فلوووس ما أحلم اني اجمعها ولا في عشر سنين ( وقال ادخل في الاسهم ولا يهمك شي ولا تخاف من الخسارة ان شاء الله ماانتب خاسر ) قلت توكلنا على الله ،
ودخلت في الاسهم وحصلنا ربح والحمد لله كثيييييييييير ( دبل اللي سلفني اياه سبع مرات )
المهم عطيت اللي مسلفني راس المال حقه .
وخذ يا مضاربات في الاسهم وخذ يا ربح ،

المهم انا يوم دخلت عالم الاسهم نسيت ذكر الله والاستغفار والاعمال الصالحة
حتى نفسي نسيتها

المهم قال لي واحد من الربح ورى ما تاخذ تسهيلا ت من احد هذي البنوك وتربح وتزيد راس المال بالتسهيلات قلت شورك وهداية الله

المهم خذت تسهيلات : ( وياليتني ما خذتها )

وجانا الانهيااااااااااااااااااااااااااااار العظيم

وانا في شركة ثمار ( ايه يا ثمار )

وعقب شركة ثمار صارت فلوسنا دمار
آآآآآآآآآآآآآآآآآآآآآآآآه بس آآآآآآآآآآآآآآآآآآآآآآآآآآآآه

المهم الأن أنا صرت كأنني ما دخلت الاسهم ولا احد سلفني ورجعت مثل ما أنا قبل عليه قبل .

[mosahm 2005]

اليكم قصتي انا هذا الشهر

طبعا انا على قد حالي ويالله يادوب يمشيني الراتب الى اخر الشهر

عاد هذا الشهر تطلع على التزامات عجيبة غريبة لم اكن افكر فيها


المهم انا طالب جامعي.... متزوج.... ولدين... وظيفة قطاع خاص يادوب

في منتصف الشهر تقريبا فلست ولا ريال في جيبي والله ولا ريال


طيب وش اسوي هالحين اتسلف ( عاد انا اموت ولا اطلب احد سلف ليش مادري )

يالله تفرجها .... المدام تقول رح تسلف وبعدين ردها ( لالالا ) خذ ذهبي بيعه ( لالالا )..
..

قلتها ربك بيفرجها ان شاء الله من عنده وانا والله ما دري وش اسوي

ضاقت على الارض بما رحبت ولكن كنت اردد ان الفرج من عند الله


المهم اليوم الثاني وانا راجع من العمل والمح صراف سامبا وادخلت بطاقتي الجامعية

900 ريال في الرصيد ... متى وكيف .... الشهر ما انتهى وشلون جات المكافاة الله اعلم

وربك فرجها


تقريبا قبل امس ما في جيبي الا 30 ريال وباقي على الراتب 5 ايام وشلون ابصرف على العيال وامهم

وانا في غارق في التفكير وانا بالسيارة الا واسمع طقة وش الحاصل


البكره حقت سير المروحة منكسرة والسير مفكوك والله ياهي مصيبة

رحت للورشة 200ريال تصليح القطعة وشغل اليد


وش السواة قلت صلحها وخليت السيارة عندهم وقلت ابرجع من بكرة وانا ماني عارف من وين بدبرها

ورجعت ووالله العظيم يوم سألتني المدام وش بتسوي قلت بالحرف الواحد (( ربك بيفرجها )


صحيت الصباح مريت على السيارة لقيتهم شغالين قعدت اقلب بالدروج على اوراق ابيها وفجأة

تذكرة سفر من الرياض للمدينة قبل 4 شهور ما استخدمتها >>>>> طبعا على طول الخطوط السعودية


وهذي 230 ريال قيمة استرجاع التذكرة.>>>>>>>>>>>> يالله لك الحمد واروح اسدد السيارة

30 ريال من اول + 30 من التذكرة= 60 ريال حليوه بس باقي 4 ايام عل الراتب بتكفيك ماااااااااظن


رحت للدوام وخوي محضر عندي يقول............ لك 50 ريال عندي مسلفينها من 7 شهور مارديتها لك

وانا نااااااااااااااااااااااسيها ....خلها معك اذا محتاج.........لزم الا اخذها..............


يااااااااااااااالله يااااااااااااااااكريم 110ريال ( واللي عقد روؤس الجبال يحلها )
7
7
7
7
7
كن على ثقة بربك يكن معك


اذكروا الله يذكركم


آسف على الإطالة ( صارت رواية هذي مو قصه ) واستمحيكم عذرا

[صقار الاسهم]

جزاك الله خيرا ونفع بك