يا أهل الطائف وكل من يعرفها الفزعه الفزعه

[عين العقل]

السلام عليكم ورحمة الله وبركاته

الحقيقه ناوي اروح للطايف كم يوم والمشكله ما اعرف فيها شي

ياليت تدلونا على اماكن السياحه العائليه

مطاعم
سكن مناسب
أسواق

...... إلخ .

والله اني بلش بعمري

جزاكم الله كل خير وشاكر لكم مقدماً

[myayh]

يا رجال سيبك من الطائف وروح ابها ازين لك وللعائلة الكريمة
ابها كل شئ فيها حلو
منتزهات رائعة كالسودة والحبلة والسحاب والقرعاء وغيرها

[عين العقل]

الله يجزاك خير وابها زينه بس عاد وش نسوي بالحرمه تبي الطايف

الشي الثاني ابها بعيده ويبيلها جيب ولا جمس علشان جبالها والطايف اهون شوي :)

شاكر ومقدر لك الرد

[hazem]

اخوي عين العقل انا من اهل الطائف والله يحييك والبيت بيتك والاهل اهلك بيوتنا مفروشة لك

وهذا رقم جوالي اذا تبي تصل علية واذا احتجت اي شي فلوس او اي شي لا يردك غير لسانك

0505717715 بندر العصيمي

[عبدالرحمن]

هلا بك اخوي عين العقل ..

حقيقة في الطائف ما فيها شيء زود .. وخصوصا انه ما جاهم امطار هالسنة واجد .ز فكل شيء ( اشهب ) .. لكن عندك هالامكنة

- الشفاء
- الهدا
- تلفريك الهدا + القرية السياحية اللي بنهاية التلفريك من تحت
- السكن فيه في شارع شبرا سكن جديد شفته هالسنة .. حلو وفخم
- المطاعم ( الطازج .. اهلا وسهلا بشارع شبرا .. والشارع الرئيسي اللي هو شار شهار فيه كذا مطعم ايضا )

وعموما الطائف ليس فيها جذب سوا الجو اللي فيها .. وربما لن تجد فارقا كبيرا كما تامل .. ابها افضل بكثير بالرغم اني ما بعد رحت لابها حتى الآن !! لكن بالكلام الصور ارى انها افضل

ولك تحياتي

[عين العقل]

الله يجزاك كل خير اخوي بندر وهذا خبرنا فيكم اهل الطايف :)

ماودي اكلف عليك بس لو تعطيني اماكن واسماء
وماتقصر يالطيب والله يكثر من امثالك :)

[أنا أنتم]

حيّاك الله أخوي عين العقل وإن شاء الله أبها او الطائف كلها من وطن واحد وتنتمي لشعب واحد وعادات أهاليهم معروفة للقاصي والداني


بالنسبة وأنا اخوك للفنادق فيه 2 فندق خمس نجوم وهما شيراتون ويقع بمنطقة الهدا والأنتر ويقع بمنطقة الحوية .

الأفضل طبعاص الشيراتون لما حباه الله لمنطقة الهدا من جو خلاب وارتفاع شاهق وجو ساحر وتتميّز منطقة الهدا بقربها من الطائف والمنتزهات .

وتبي نصيحتي وأنا أخوك فيه فلل بمنطقة الهدا يمدحونها وفيها كل شيء تتوقعه من السوق إلى أشهر المحلات والمطاعم واسمها فلل البيادر.

بالنسبة للمنتزهات أفضل المنتزهات حديقة الملك فيصل الجديدة وحديقة الملك فهد ولايفووووووتك السوق إللي بقرب حديقة الملك فهد حيت تتوافر فيه معروضات لأبرز المحلات وأشهرها في الدول العربية .

أما المطاعم فنصيحة إذا تبي أكل راقي وجو عائلي مرح لك ولأفراد أسرتك حتى الأطفال فعليك بمطعم ( الرمانة) بشارع شهار ولاتنساني من المشويات :)


وإذا كان عندك وقت أنصحك بزيارة الشفا وفيها ملاهي أطفال بمنطقة ( الحدبان ) اكثر من رائعة

عموماً الله يوفقك في حلك وترحالك

[عين العقل]

المشاركة الأصلية كتبت بواسطة عبدالرحمن

هلا بك اخوي عين العقل ..

حقيقة في الطائف ما فيها شيء زود .. وخصوصا انه ما جاهم امطار هالسنة واجد .ز فكل شيء ( اشهب ) .. لكن عندك هالامكنة

- الشفاء
- الهدا
- تلفريك الهدا + القرية السياحية اللي بنهاية التلفريك من تحت
- السكن فيه في شارع شبرا سكن جديد شفته هالسنة .. حلو وفخم
- المطاعم ( الطازج .. اهلا وسهلا بشارع شبرا .. والشارع الرئيسي اللي هو شار شهار فيه كذا مطعم ايضا )

وعموما الطائف ليس فيها جذب سوا الجو اللي فيها .. وربما لن تجد فارقا كبيرا كما تامل .. ابها افضل بكثير بالرغم اني ما بعد رحت لابها حتى الآن !! لكن بالكلام الصور ارى انها افضل

ولك تحياتي

حياك الله أخ عبد الرحمن وآسف للتأخر في الرد

والله ادري ان الطايف مافيها زود مره بس عاد وش نسوي على الاقل جوها حلو
وهذا شي بحد ذاته عامل جذب

وبالنسبه لابها سبق ذكرت اسباب تمنعني من الروحه لها

جزاك الله خير على المعلومات ولا عدمناك

،،،،،،،،،

أخوي انا انتم
جزاك الله كل خير والحقيقه بطبع الصفحه هذي واستفيد من معلوماتك
الله يحرم وجهك عن النار وكل مسلم يارب

ما قصرتوا يا أخوان وجزاكم الله خير ورحم الله والديكم ووالدينا وكل مسلم

[الأشقر]

أخي الكريم

والله يا الف هلا بك في الطائف

لن أزيد على الإخوان ولكننا في الطائف نقول مرحبا بك تراحيب المطر وها هو بحمد الله قد عادت الأمطار للطائف اليومين الماضية

واحب أن أوضح لك أن في الطائف ميزة حلوة وهي قربها من مكة المكرمة بيت الله الحرام كما أن مدينة جدة ليست يعيدة هي أيضا


كما أننا في موسم الفواكه وخصوصا رمان الطائف ، يعني لا تنسى كم كرتون معاك وانت راجع

تحياتي وإجازة سعيدة

[عين العقل]

شاكر لك يا الاشقر وبارك الله فيك وفي اهل الطايف . .