بما اني صرت خبيررررر هذا تحليلي للاسبوع القادم

[فتى سدير]

السلام عليكم ورحمه الله وبركاته 0

اول شي كيف الحال يا اهل المنتدى ووشلونكم جميعا ووش اخبارك بعد هالزلزال العنيف اللي صاب السوق وانشاءالله ان الخسائر بسيطه ومادامتو سالمين المال يفداكم انشاءالله .

طبعا انا الحين اعتبر نفسي خبير اسهم يعني اللي يبي استشاره يقدم لي طلب من الحين ونا احاول البي طلبه بس بسرعه قبل تاخذني حدى الشركات العالميه ثمين تفقدوني وتفقدون استشاراتي .

اخواني الكرام الصراحه يوم هزت الاثنين الماضي كنت شاري ومعبي المحفظه وحدث ما حدث وقلت في بالي ما الك الا ( مهيب هيفا ) تنسى همومك وتاخذ العيال وتغيرون جو وفعلا طلعت ونسيت اي شي يذكرني الاسهم ورجعت ونمت وما شفت اي شي عن الاسهم وقمت الصباح وبرضو تحاشيت اي معلومه وقلت خلها زي ما تجي تجي ومثل ما دخلنا بالمعروف مع الاسهم نطلع بالمعروف ورحت لي كم مشوار بالعاده اقضيهم اذا صار ضايق صدري وللتذكير فقط وليس للادعاء انا قمت ببر والدتي في ذلك اليوم بزياده والحيت عليها ان اخدمها باي شي وهذا يا اخوان شي اللي مجربه منيب قايله واللي ما جربه اقوله والله انها قمت السعاده بر والديك وهي المكسب الحقيقي لك مهما خسرت من اموال ( شكلي طلعت ميه وثمانين درجه عن الموضوع ) 0

اخواني بعد تجاوز الازمه نسبيا واختلاف الاراء حول اسبابها بدا النبض يعود للسوق وبدون عمل تنفس صناعي بل وبدون الذهاب للمستشفى ( وهو تدخل حكومي فوري ) فعاد الناس للسوق وبدا ياخذ وضعه الطبيعي وانا بما انني اصبحت خبيرا في الاسهم ( هههههه من جنبها ) فانني سوف ادلي بدلوي لمسيره السوق في الاسبوع القادم واقول 0

الهزه السابقه من صحى فيها فلن يسقط مره اخرى بمشيئه الله ومن لم يصحى فيها فليغادر السوق الى غير رجعه 00 احبتي السوق الان اصبح كالموج الهادر اللذي تتقاذفه الرياح يمينا ويسار ( معليه يحب التعبير بالمتوسطه ) والاسهم الان في طريقها لاخذ وضعها اللذي من المفروض ان تسلكه قبل حركه الهياج التي اصابته .

الاسهم اليوم هي فرصه المستثمر اليومي اللذي يشتري الصباح ويبع عصرا والاسبوع القادم توقعي له بما انني اعتبر نفسي الان خبيرا جديدا ( ابوك يالثقه ) اتوقع لها التأرجح البسيط بمعنى انها لن تعود الى الصعود المجنون في الاسابيع الماضيه ولن تنزل الى هزه الاثنين فبالاستطاع ان نقول انها مستقره ما لم يجد شي مفاجي او اشاعه قويه ينجرف لها الكثير0

اسهم العوايد ينطبق عليها المثل القائل الغالي قيمته فيه واما اسهم الكديش كما يسميها الكثير فهي كما قلت تصلح للمستثمر اليومي ويدخل بها الحظ وذكاء المستثمر بعد توفيق الله 0

هناك اسهم صراحه يمكن ان نسميها وحقوق التسميه محفوظه لي انا وهي اسهم (( الكدايد )) وهي بين اسهم الكديش واسهم العوايد وهذه الاسهم ما عليها بس اللي يدخلها يشغل عقله قبل .

المختصر المفيد احبتي هو وهذا توقع فقط لا غير وليس لا دعوه لا لشراء ولا لبيع ولا حتى لقرائه التوقع ههههههه واقول توقعي بالاسبوع القادم هو اسبوع هادي ومستقر نسبيا وان كان هناك ارتفاع فهو طفيف جدا لا يكاد يذكر ما عدا سهمين هما الكهرب وسافكو فهما مازالا في اخر الامواج ولكنهما سيلحقان بالركب ويصلان مرحله الاستقرار اخر الاسبوع فهذا توقعي ولكم مني اجمل تحيه واسف للاطاله .

فتى سدير

[أبو سراج]

جزاك الله خير اخي فتى سدير

[المتوكل بالله]

الله كريم

[النوخذة]

يعني أفهم من تحليلك أن زيارة الوالدة العصر أحسن من زيارتها وقت العشاء فقد تكون نائمة

وأفهم أيضا أن طلعة البر قبل البرد أحسن من الطلعة في البرد !

أوافقك الرأي ...

فهذا هو نفس تحليلي

هاه وش رايك .. صرت محلل فني

[فتى سدير]

ابو سراج شكلك من اهل سدير !!!!! بس ما فيه امل ابو سراج وسديراوي تجي عموما اخوي انا قلت انك سديراوي لان فيه مثل يقول ( كروه اهل سدير جزاك الله خير ) وتسلم اخوي 0

المتوكل بالله اي والله الله كريم 0

النوخذه انا عارف انك من يوم شفت عباره تتلاطمه الامواج بموضوعي حنيت للبخر وشاركت هههههههههه اخوي النوخذه ما الك الا ( مهيب هيفاء ) البحر وتسلم يالغالي وصراحه ابحطك مساعد لي بالتحليل .

[محب الكل]

اسلوب جدا مميز . الله يسعدك دنيا واخرة ... مثل ما خلقت الابتسامة الصادقة على محيانا (قوية محيانا تقدر عليها فتى) :) ... لا تحرمنا من مواضيعك الجميلة

[باسم]

جزاك الله خيرا اخي الغالي

[MR-A]

I fully agree with you.

but we will back to 4000 within 3 week.

Good luck

[withfaithfully]

يابعد سبدى بس[كثر منها شكلك تبى شهادة تحليل شرفية
بس الكدايد ذى قضية

[abdullahsalem]

هذ الكلام اسمه انس المجالس مادمت جالس