الفية الاسهم ..

بارعه · 28-12-2005, 04:45 PM

ألفية الاسهم

الف أولف واول السوق نسبة .... نسبة تحت ماعاد نسبة

سوق ضربنا فوق عشرين ضربة .... والصبر زين الا بسهم المواشي

والباء بدينا واشترينا وبعنا .... وياليتنا فيما كسبنا قنعنا

طرنا وتعلينا ولكن وقعنا .... والصبر زين الا بسهم المواشي

والتاء توقعنا تزيد المكاسب .... وقلنا نبي نشرب لذيذ المشارب

لكن ورطنا بين عارض وطالب .... والصبر زين الا بسهم المواشي

والثاء ثبت عندي بعلم يقيني .... اني خسرت وراح مافي يميني

الله على تسديد ديني يعيني .... والصبر زين الا بسهم المواشي

والجيم جمعنا سهوم كثيره ... ولا درينا ان الدعاوي خطيره

حتى خسرنا والخسارة كبيره .... والصبر زين الا بسهم المواشي

والحاء حسافه ياجماعة فلوسي .... حطيتها باسهم وكسرت قوسي

صحيح هالدنيا عطتنا الدروسي .... والصبر زين الا بسهم المواشي

والخاء خلاصة اقول توبة ولا اعود .... لو كنت بالمكسب موصى وموعودي

وهذا قرار ماعلي فيه منقود .... والصبر زين الا بسهم المواشي

والدال دجينا بسهم المواشي .... نشريه غالي ثم نبيعه بلاشي

هذا جزاء اللي شرا بالخشاشي .... والصبر زين الا بسهم المواشي

والذال ذاك اللي تسبب علينا .... ويلاه لو انه يطيح بيدينا

من دون ذبحه كلنا مارضينا .... والصبر زين الا بسهم المواشي

والراء رمينا رمية دون رامي .... وصابت وقلنا حرفنه ياسلامي

السوق طيب لين جانا الصرامي .... والصبر زين الا بسهم المواشي

والزاي زدنا يوم شفنا المرابح .... وقمنا مع العالم نزيد المطابح

ويمكن على بعض السهوم انتذابح .... والصبر زين الا بسهم المواشي

والسين سوينا بها فاهميني .... نشري نقول السوق بكره يزيني

نبغى المكاسب وأثرنا خاسريني .... والصبر زين الا بسهم المواشي

والشين شاري يومه السوق غالي .... ماهمني لو زاد فيه الريالي

لاوالله الا راح باقي حلالي .... والصبر زين الا بسهم المواشي

والصاد صدق اللي سهمها منول .... حول اميه وسبعين واليوم حول

ينزل الى ستين شي يهول .... والصبر زين الا بسهم المواشي

والضاد ضربنا بسهم الفنادق .... لكن رمونا مثل رمي البنادق

حتى ذبنا بالحفر والخنادق .... والصبر زين الا بسهم المواشي

والطاء طمرنا طمرة دون داعي .... نبغى النسب بالباحة او بالجماعي

واليوم يكفينا حليب المراعي .... والصبر زين الا بسهم المواشي

والظاء ظلمني من نصحني بتعمير .... ويقول لي هذا السهم مكسبه غير

وانا مطبح فيه من دون تفكير .... والصبر زين الا بسهم المواشي

والعين عيوا يرفعون المؤشر .... يمكن سياسة سوق لازم يخسر

كم واحد من ذا المؤشر مدمر .... والصبر زين الا بسهم المواشي

والغين غيرنا بالمحافظ وبدل .... موضوعنا حله وبالسوق عدل

نظامكم ماهو كتاب منزل .... والصبر زين الا بسهم المواشي

والفاء فتيحي مشترينه بطمعه .... لكن جانا منه عشرين قمعه

ما اظن يستاهل حسابه وجمعه .... والصبر زين الا بسهم المواشي

والقاف قالوه بكره السوق يرتد .... والوضع اشوفه كل يوم يتعقد

مقرود يامن طاع شور المقرد .... والصبر زين الا بسهم المواشي

والكاف كافي ياوزير التجارة .... خمسين بالميه علينا خساره

ان كان تفهم في فنون الادارة .... والصبر زين الا بسهم المواشي

واللام لبنى يوم أغارت بلا خيل .... خذت بسطوتها سهوم الرجاجيل

وخلت مدامعهم تبل المناديل .... والصبر زين الا بسهم المواشي

والميم ماتنفع سهوم العوايد .... خسرانة وما عاد فيها فوايد

الفايدة بالكاش لاصار زايد .... والصبر زين الا بسهم المواشي

والنون نادوا من يعرف السلومي .... وقولوا توجه يم شيخ القرومي

يحلها لاصار وقت اللزومي .... والصبر زين الا بسهم المواشي

والهاء هروج كل يعوم تعادي .... كل يوم يسوي فاهم واقتصادي

ياطيبكم عند العشاء والمنادي .... والصبر زين الا بسهم المواشي

والواو وهقنا المسمى ابراهيم .... يقول انا بقلب جميع المفاهيم

ياعزتي له علقوه الشغاميم .... والصبر زين الا بسهم المواشي

والياء ياربي طالبك ترحم الناس .... وان تنتقم يارب من فعل الانجاس

ولا باس ياللي صابه الهم لاباس .... والصبر زين الا بسهم المواشي

ــــــــــــــ

منقول من مجلة ( فواصل )

ehtmam · 30-12-2005, 03:00 PM

بارعة يعطيك الف عافيه
بالتوفيق

28-12-2005, 04:45 PM	#1
بارعه متداول جديد تاريخ التسجيل: Dec 2004 المشاركات: 35	الفية الاسهم .. ألفية الاسهم الف أولف واول السوق نسبة .... نسبة تحت ماعاد نسبة سوق ضربنا فوق عشرين ضربة .... والصبر زين الا بسهم المواشي والباء بدينا واشترينا وبعنا .... وياليتنا فيما كسبنا قنعنا طرنا وتعلينا ولكن وقعنا .... والصبر زين الا بسهم المواشي والتاء توقعنا تزيد المكاسب .... وقلنا نبي نشرب لذيذ المشارب لكن ورطنا بين عارض وطالب .... والصبر زين الا بسهم المواشي والثاء ثبت عندي بعلم يقيني .... اني خسرت وراح مافي يميني الله على تسديد ديني يعيني .... والصبر زين الا بسهم المواشي والجيم جمعنا سهوم كثيره ... ولا درينا ان الدعاوي خطيره حتى خسرنا والخسارة كبيره .... والصبر زين الا بسهم المواشي والحاء حسافه ياجماعة فلوسي .... حطيتها باسهم وكسرت قوسي صحيح هالدنيا عطتنا الدروسي .... والصبر زين الا بسهم المواشي والخاء خلاصة اقول توبة ولا اعود .... لو كنت بالمكسب موصى وموعودي وهذا قرار ماعلي فيه منقود .... والصبر زين الا بسهم المواشي والدال دجينا بسهم المواشي .... نشريه غالي ثم نبيعه بلاشي هذا جزاء اللي شرا بالخشاشي .... والصبر زين الا بسهم المواشي والذال ذاك اللي تسبب علينا .... ويلاه لو انه يطيح بيدينا من دون ذبحه كلنا مارضينا .... والصبر زين الا بسهم المواشي والراء رمينا رمية دون رامي .... وصابت وقلنا حرفنه ياسلامي السوق طيب لين جانا الصرامي .... والصبر زين الا بسهم المواشي والزاي زدنا يوم شفنا المرابح .... وقمنا مع العالم نزيد المطابح ويمكن على بعض السهوم انتذابح .... والصبر زين الا بسهم المواشي والسين سوينا بها فاهميني .... نشري نقول السوق بكره يزيني نبغى المكاسب وأثرنا خاسريني .... والصبر زين الا بسهم المواشي والشين شاري يومه السوق غالي .... ماهمني لو زاد فيه الريالي لاوالله الا راح باقي حلالي .... والصبر زين الا بسهم المواشي والصاد صدق اللي سهمها منول .... حول اميه وسبعين واليوم حول ينزل الى ستين شي يهول .... والصبر زين الا بسهم المواشي والضاد ضربنا بسهم الفنادق .... لكن رمونا مثل رمي البنادق حتى ذبنا بالحفر والخنادق .... والصبر زين الا بسهم المواشي والطاء طمرنا طمرة دون داعي .... نبغى النسب بالباحة او بالجماعي واليوم يكفينا حليب المراعي .... والصبر زين الا بسهم المواشي والظاء ظلمني من نصحني بتعمير .... ويقول لي هذا السهم مكسبه غير وانا مطبح فيه من دون تفكير .... والصبر زين الا بسهم المواشي والعين عيوا يرفعون المؤشر .... يمكن سياسة سوق لازم يخسر كم واحد من ذا المؤشر مدمر .... والصبر زين الا بسهم المواشي والغين غيرنا بالمحافظ وبدل .... موضوعنا حله وبالسوق عدل نظامكم ماهو كتاب منزل .... والصبر زين الا بسهم المواشي والفاء فتيحي مشترينه بطمعه .... لكن جانا منه عشرين قمعه ما اظن يستاهل حسابه وجمعه .... والصبر زين الا بسهم المواشي والقاف قالوه بكره السوق يرتد .... والوضع اشوفه كل يوم يتعقد مقرود يامن طاع شور المقرد .... والصبر زين الا بسهم المواشي والكاف كافي ياوزير التجارة .... خمسين بالميه علينا خساره ان كان تفهم في فنون الادارة .... والصبر زين الا بسهم المواشي واللام لبنى يوم أغارت بلا خيل .... خذت بسطوتها سهوم الرجاجيل وخلت مدامعهم تبل المناديل .... والصبر زين الا بسهم المواشي والميم ماتنفع سهوم العوايد .... خسرانة وما عاد فيها فوايد الفايدة بالكاش لاصار زايد .... والصبر زين الا بسهم المواشي والنون نادوا من يعرف السلومي .... وقولوا توجه يم شيخ القرومي يحلها لاصار وقت اللزومي .... والصبر زين الا بسهم المواشي والهاء هروج كل يعوم تعادي .... كل يوم يسوي فاهم واقتصادي ياطيبكم عند العشاء والمنادي .... والصبر زين الا بسهم المواشي والواو وهقنا المسمى ابراهيم .... يقول انا بقلب جميع المفاهيم ياعزتي له علقوه الشغاميم .... والصبر زين الا بسهم المواشي والياء ياربي طالبك ترحم الناس .... وان تنتقم يارب من فعل الانجاس ولا باس ياللي صابه الهم لاباس .... والصبر زين الا بسهم المواشي ــــــــــــــ منقول من مجلة ( فواصل )

30-12-2005, 03:00 PM	#2
ehtmam ابو تركي تاريخ التسجيل: Jan 2005 المشاركات: 11,098	بارعة يعطيك الف عافيه بالتوفيق

أدوات الموضوع
مشاهدة صفحة طباعة الموضوع أرسل هذا الموضوع إلى صديق