انا مسافر

[طالب الرزق]

السلام عليكم ورحمة الله وبركاته

اول شي مسا الخير للجميع

الشي الثاني اللي ابي اقوله لكم اني جديد على الاسهم واملك في حائل الزراعيه والمواشي وجازان الزراعيه

لكن المشكله اني مسافر اليومين هذي لمده شهرين خارج اللمملكه في رحله عمل ولا اقدر اتابع المنتدى ولا اعرف كيف ابيع واشتري وانا بالخارج

وابي فزعتكم وتعطوني رايكم ابيع الاسهم اللي عندي وعلى فكره انا رابح فيها ةالحمدلله هذا بفضل الله سبحانه وتعالى ثم بفضل النصايح اللي احصلها في المنتدى

واذا تنصحوني ابيعها وش تنصحون اشتري فيه خاصه اني ابي احط فلوسي في شي ينفعني لما ارجع

وخاصه اني مقبل على زواج والله اني ابي فزعتكم اتمنى انكم ماتبخلون علي

ولا تنسونا من دعاكم والمباركه بالزواج ياشباب وجزاكم الله خير

[مالكي]

مبروك مقدما الزواج وتعود بالسلامة وترى اسهمك وانا اخوك من الوزن الثقيل حاليا

وانت بالخارخ يمكنك المتابعة عن طريق الانترنت والبيع بالتلفون

[Nasser ALRiyadh]

الله يوفقك حاظر وغايب


ركز على الاتصالات اولا

المجموعة السعودية ثانيا

ومبروك الزواج مقدما

[طالب الرزق]

مالكي وناصر

الله يبارك فيكم ومشكورين على النصيحه

بس ماكان عشمي ان هالمنتدى بطوله وبعرضه ولا فيه الا اثنين اللي شاركوني

من غير قصور فيهم وماقصروا

انا كتبت الموضوع وقت التداول العصر ويوم شفت ما فيه رد عذرتهم وقلت مشغولين بالبيع والشرا والله يرزقهم لكن بعد ما دخلت ولقيت اللي متواجدين ولا احد شارك والله تفاجئت على العموم انا ما راح افقد الامل في الناس الطيبين ونصايحم .
والله يوفق الجميع

[الجنوبي]

من رايي تخليها وترجع ان شاء الله وانت محصل خير كثير

[abuayad]

لي راي ممكن اكون مخطئ
الأسهم التي عندك ليست من الأسهم التي يحتفظ بها
وخاصة المواشي.....
وحتى الزراعيات فقد رأينا كيف انها ومع اصغر هزة تهرول للنزول

انا بصراحة ارى انك تشتري في شركة من شركات العوائد فهذه الشركات
لا خوف عليها وارشح طيبة والتصنيع وعندها تستطيع السفر وانت مطمئن



ملاحظة
حاول انك تغير العنوان الى
هل هذه الشركات جديرة بالأحتفاظ لمدة شهرين


لأن من يرى عنوان موضوعك الحالي يعتقد انه احدهم يريد مغادرة المنتدى