صدق او لا تصدق

الكناني · 19-12-2003, 01:01 AM

هذي كلمات للشاعر الامير (عبدالرحمن بن مساعد)

اتمنى تعجبكم

صدق أو لا تصدق

كل ما تباعدت المسافة بين الرغيف والجوع
تلقى الفرح أصدق

صدق أو لا تصدق
لامن غدت كل المشاكل جوع الصغار وسقفٍ يداريهم قبل يصحى النهار
تلقى الشعور أعمق

صدق أو لا تصدق
كل ما انقفل درب انفتحت أبواب

صدق أو لا تصدق
لو فيه احد طيب .. للطيبة أسباب

صدق أو لا تصدق
قليل من يعفي ويسامح .. كثير وده ينتقم
بس ينتظرله وقت سانح

صدق أو لا تصدق
القناعة كنز يفنى
ولو كل من ياخذ قنع .. وكل من ياكل شبع
كان الفرح غطى شوارعنا

صدق أو لا تصدق
كل النهايات البداية .. وأحلى البدايات النهاية
وكلنا رغم القساوة الظاهرة .. نبكي قدام المراية

صدق أو لا تصدق
به مطول لحيته .. والثوب يلمس ركبته
وما قرا في الشهر آية

صدق .. ان الشعر اصدقه .. اعذبه

ودي احكيلك حكاية وقبلها ابغى لسؤالي اجوبة
المال هذا هو وسيلة والا غاية ؟!
لو ماهو غاية .. ليه الحروب ؟ .. ليه السلام اللي تمناه الشعوب ؟
ليه الحسد يملى القلوب ؟
وليه الفقير المعدم الكادح .. بهجته تملى الملامح
لامن لقى ذاك الثري يعطي هذيك المطرية مليون
وهذا الثري لامن سرى من حفلته .. وقفت سيارته عند الاشارة
وجاه شايب يطلبه .. الهم عاثي في وقاره
دق باصابع متعبه .. على الشباك
قال : انا ياسدي مديون .. وانت الكريم
يحكون عنك في الجرايد .. وتقال في جودك قصائد
ويقال انك للأرامل واليتامى عون
ما ابغى منك الا حاجة .. لبس الشتا لجل العيال
الله يسددلك خطاك .. اعطني مما عطاك
واعتدل راعي الملايين الكثير في جلسته
وعقد حجاجه ثم قال :
ألا ما اثقلك واغباك .. ليه يا اخي ما تشتغل ؟
انت كسول .. ومستغل
وطلّع من المحفظة فكّه .. رماها وقفل الشباك
ابغى لسؤالي اجوبة ...
ليه البر والتقوى .. مليان في جرايدنا ؟!
وليه هموم هالشارع ؟! .. بعيدة عن قصايدنا ؟!
ليه الفساد .. ليه الكساد ؟!
وليه الحروب ؟! .. وليه الحسد مالي القلوب ؟!
وش هو الجواب ؟!
اتمنى انه مايكون المال هذا هو وسيلة ماهو غاية
هذي الكلمة النبيلة .. اخترعها أغنيا
لجل مسكينٍ شقي .. يرضى بقليلة

وصدق انت او لا تصدق
ماني الشخص المثالي .. كل مافي الامر اني شاعرٍ ماهو يبالي
كان صار اللي اقوله علقمٍ او صار حالي
كل مافي الأمر اني استريح .. لا مشابي مركبي عكس اتجاه الريح
وما ابرّي من الخطى نفسي ..
واللي اجاهربه مثل همسي
صدق اني ماني الشخص المثالي
كل مافي الأمر اني اجمع احساس الحواري وسط صدري
وانقل الواقع لشعري
كل مافي الامر اني شاعرٍ مطرود من جنة خيالي
صدق اني ما قصدت اني اكون
صوت للي مايبون
صدق اني ماني الشخص المثالي
والا تدري لا تصدق

المتوكل بالله · 19-12-2003, 01:17 AM

قصيده رائعة من شاعر رائع

مشكور وانت يا بو رغد الأروع

الكناني · 19-12-2003, 02:04 PM

مشكور ابو احمد لمرورك الكريم
كلك ذوق شكرا على المجامله اللطيفه

السعدون · 19-12-2003, 02:06 PM

صح لسانك ابا رغد الحبيب....شعلة من النشاط اليوم ما شاء الله

الكناني · 19-12-2003, 02:12 PM

الحبيب ابو خالد
مرورك على الموضوع شرف ومثلك عارف اليوم جمعه نحاول الابتعاد عن الاسهم ومشاكلها ونبحث عن ما يريح النفس .

19-12-2003, 01:01 AM	#1
الكناني الكناني تاريخ التسجيل: Jul 2003 المشاركات: 15,622	صدق او لا تصدق هذي كلمات للشاعر الامير (عبدالرحمن بن مساعد) اتمنى تعجبكم صدق أو لا تصدق كل ما تباعدت المسافة بين الرغيف والجوع تلقى الفرح أصدق صدق أو لا تصدق لامن غدت كل المشاكل جوع الصغار وسقفٍ يداريهم قبل يصحى النهار تلقى الشعور أعمق صدق أو لا تصدق كل ما انقفل درب انفتحت أبواب صدق أو لا تصدق لو فيه احد طيب .. للطيبة أسباب صدق أو لا تصدق قليل من يعفي ويسامح .. كثير وده ينتقم بس ينتظرله وقت سانح صدق أو لا تصدق القناعة كنز يفنى ولو كل من ياخذ قنع .. وكل من ياكل شبع كان الفرح غطى شوارعنا صدق أو لا تصدق كل النهايات البداية .. وأحلى البدايات النهاية وكلنا رغم القساوة الظاهرة .. نبكي قدام المراية صدق أو لا تصدق به مطول لحيته .. والثوب يلمس ركبته وما قرا في الشهر آية صدق .. ان الشعر اصدقه .. اعذبه ودي احكيلك حكاية وقبلها ابغى لسؤالي اجوبة المال هذا هو وسيلة والا غاية ؟! لو ماهو غاية .. ليه الحروب ؟ .. ليه السلام اللي تمناه الشعوب ؟ ليه الحسد يملى القلوب ؟ وليه الفقير المعدم الكادح .. بهجته تملى الملامح لامن لقى ذاك الثري يعطي هذيك المطرية مليون وهذا الثري لامن سرى من حفلته .. وقفت سيارته عند الاشارة وجاه شايب يطلبه .. الهم عاثي في وقاره دق باصابع متعبه .. على الشباك قال : انا ياسدي مديون .. وانت الكريم يحكون عنك في الجرايد .. وتقال في جودك قصائد ويقال انك للأرامل واليتامى عون ما ابغى منك الا حاجة .. لبس الشتا لجل العيال الله يسددلك خطاك .. اعطني مما عطاك واعتدل راعي الملايين الكثير في جلسته وعقد حجاجه ثم قال : ألا ما اثقلك واغباك .. ليه يا اخي ما تشتغل ؟ انت كسول .. ومستغل وطلّع من المحفظة فكّه .. رماها وقفل الشباك ابغى لسؤالي اجوبة ... ليه البر والتقوى .. مليان في جرايدنا ؟! وليه هموم هالشارع ؟! .. بعيدة عن قصايدنا ؟! ليه الفساد .. ليه الكساد ؟! وليه الحروب ؟! .. وليه الحسد مالي القلوب ؟! وش هو الجواب ؟! اتمنى انه مايكون المال هذا هو وسيلة ماهو غاية هذي الكلمة النبيلة .. اخترعها أغنيا لجل مسكينٍ شقي .. يرضى بقليلة وصدق انت او لا تصدق ماني الشخص المثالي .. كل مافي الامر اني شاعرٍ ماهو يبالي كان صار اللي اقوله علقمٍ او صار حالي كل مافي الأمر اني استريح .. لا مشابي مركبي عكس اتجاه الريح وما ابرّي من الخطى نفسي .. واللي اجاهربه مثل همسي صدق اني ماني الشخص المثالي كل مافي الأمر اني اجمع احساس الحواري وسط صدري وانقل الواقع لشعري كل مافي الامر اني شاعرٍ مطرود من جنة خيالي صدق اني ما قصدت اني اكون صوت للي مايبون صدق اني ماني الشخص المثالي والا تدري لا تصدق التعديل الأخير تم بواسطة الكناني ; 19-12-2003 الساعة 01:04 AM

19-12-2003, 01:17 AM	#2
المتوكل بالله متداول ذهبي تاريخ التسجيل: Aug 2003 المشاركات: 4,410	قصيده رائعة من شاعر رائع مشكور وانت يا بو رغد الأروع

19-12-2003, 02:04 PM	#3
الكناني الكناني تاريخ التسجيل: Jul 2003 المشاركات: 15,622	مشكور ابو احمد لمرورك الكريم كلك ذوق شكرا على المجامله اللطيفه

19-12-2003, 02:06 PM	#4
السعدون متداول نشيط تاريخ التسجيل: Jul 2003 المشاركات: 14,495	صح لسانك ابا رغد الحبيب....شعلة من النشاط اليوم ما شاء الله

19-12-2003, 02:12 PM	#5
الكناني الكناني تاريخ التسجيل: Jul 2003 المشاركات: 15,622	الحبيب ابو خالد مرورك على الموضوع شرف ومثلك عارف اليوم جمعه نحاول الابتعاد عن الاسهم ومشاكلها ونبحث عن ما يريح النفس .