اقتراح لإلغاء زحمة الرياض في وقت الذروة

[مقبل على الدنيا]

السلام عليكم

أذكر و أنا صغير سمعت هالاقتراح من شايب بس ما اذكر من هو الشايب عشان أنسب الفكرة له .. عمومًا بكتبها لعل وزير التخطيط يقراها أو أحد عياله

ليه ما يصير طريق الملك فهد بكلا السيدين و خطوط الخدمة باتجاه واحد من الساعة 7 مثلا الصباح الى 10 .. يعني متجهة من الشمال للجنوب ( على افتراض أن أغلب الناس تتجه جنوبا الصباح ) .. و إذا جا الظهر الوقت من 1 الظهر إلى 3 العصر ينكسون الطريق يصير الطريق متجه من الجنوب للشمال ( على افتراض ان الناس راجعة )..

و الطريقين ( التخصصي و العليـا ) عكس الاتجاه ؟!! يعني وقت الملك فهد متجه شمال الطريقين هذي تصير جنوب ..

و نقدر بعد نضيف طريق الملك عبد العزيز كمعاون للملك فهد ... بنفس الاتجاه ..



بعضكم يقول وش هالخبال

بس الي يبي يعذرني يروح لليابان ويشوف خبال مو خبالي .. :)



موفقين

[تين الوتين]

فكره مممتاااااااااااااااااازه
بس وين اللي ياخذ بالافكار بيقولون فكرة سعودي ماعنده سالفه
انا اقترح عليك تخلي واحد مقيم يوصلها لهم علشان ينفذونها حتى لو بنقالي
موفق

[تيار هواء]

المشاركة الأصلية كتبت بواسطة تين الوتين

فكره مممتاااااااااااااااااازه
بس وين اللي ياخذ بالافكار بيقولون فكرة سعودي ماعنده سالفه
انا اقترح عليك تخلي واحد مقيم يوصلها لهم علشان ينفذونها حتى لو بنقالي
موفق

ههههههههههههههههه
من جد عندنا عقدة غير السعودي انه هو الفاهم بس

[عابر الأوطان]

لن تحل مشكلة...لأنه بكل بساطة نفس العددعلى نفس المساحة من الطريق ..أي ستنتقل الزحمة للطرق المذكورة..وسيكون هناك إشكالية في استخدام الطريق لمن مقره قريب من الطريق..وسبق وان تم طرح هذا الاقتراح من أحد المهندسين وطلب بأن تتم التجربة على طريق خريص ويكون اتجاه واحد والدائري الجنوبي اتجاه واحد وبعد درسات اجمع المختصون على عدم جدوى الفكرة .
هناك بعض الحلول المعروفة والسهلة ولكن لاأدري لماذا لم تنفذ!!
منها :
- التقسيم الإداري لمدينة الرياض لأربعة أقسام لكل قسم كامل الدوائر الحكومية والخدمية الخاصة به مثل الأحوال،المستشفيات ، الجوازات ، كتابة العدل، المرور....
- نقل بعض الوزرات خارج مركز مدينة الرياض مثل وزارة الدفاع .وقيادة القوات البحرية. وزارة الصحة ....
- في طرق الملك فهد وخريص يتم إنشاء كباري عند إشارات الخدمة ليتم تشغيل مسار الخدمة جنباً إلى جنب مع السريع ..يعني إذا أنت ماسك الخدمة وجاتك إشارة يطلعك الكوبري فوق ولايحتاج توقف طبعاً هذا مارح يكلف الدولة شيء لأنه لايحتاج مساحات إضافية من الأراضي ومايلحقها من تكاليف تعويض لملاكها..
- التنسيق مع الوزرات من ناحية الدوام ..وزارة يبدأ دوامها الساعة 7 ووزارة يبدأ 8 مثلاً ..
- وضع حد أدنى للسرعة مع (الهاي وي )أو الطرق السريعة مثلاً طريق الملك فهد لاتقل السرعة عن 80 وهكذا ..

[abodlal10]

شكل الاخ ساكن في الشمال يحبون انفسهم دائما--- والغلابه الذي ساكن في الجنوب يطير في السماءحتى يصل الشمال