للتسجيل اضغط هـنـا
 |
 |
أنظمة الموقع |
|
تداول في الإعلام |
|
للإعلان لديـنا |
|
راسلنا |
|
التسجيل |
|
طلب كود تنشيط العضوية |
|
تنشيط العضوية |
|
استعادة كلمة المرور |
 |
|
|||||||||||||||||||||||||||||||
|
| ||
06-07-2009, 08:11 PM
|
#1 |
|
متداول فعّال
تاريخ التسجيل: Nov 2007
المشاركات: 218
|
طريقة أخرى مريحة للتعويض .. متوسطات DEMA .. للبسطاء فقط
السلام عليكم ورحمة الله وبركاته
أولا أوجه الشكر للأستاذ متعب العوفى .. فهو من أثار فضولى للبحث عن هذه المتوسطات الخطيرة ثم ندخل فى الموضوع على طول .. المتوسطات انواعها كتير متوسط بسيط متوسط موزون متوسط اسى متوسط اسى مزدوج متوسط اسى ثلاثى وكلامنا دلوقت عن المتوسط المتحرك الاسى المزدوج Double Exponential Moving Average - DEMA بإختصار عشان ما أكونش رغاى .. يختلف عن المتوسطات الأخرى انه يعطى قيمة وأولوية اكبر للفترة الزمنية الأقرب .. يعنى بياخد فى اعتباره اقفال النهاردة مثلا انه اهم من اقفال امبارح ويديله قيمة اكبر .. طبعا بعمليات حسابية رخمة ومعقدة . بحثت عن هذه المتوسطات فى كل المواقع المجانية الخاصة بالتحليل ولم اجدها .. فقررت البحث عن معادلاتها على مواقع التحليل الفنى العالمية وتنفيذها بنفسى على الإكسل .. والحمد لله .. تم التنفيذ وقارنتها مع بعض الرسومات التى كان يرسلها اخونا متعب العوفى ووجدتها مطابقة تماما .. يعنى الشغل مضبوط وزى الفل بس سامحونى انا مش عامل كل الاسهم .. والاسهم اللى عملتها مش محدثة حتى آخر اقفال .. المحدث فقط المؤشر العام والبى سى آى .. كان نفسى أحدثها كلها واعمل كل الاسهم عشان عارف ان فيه ناس مبتعرفش تتعامل مع الاكسل .. بس اعذرونى لسة خارج من عملية جراحية ودماغى لسة مش مضبوطة من البنج .. والادوية والمضادات الحيوية مخليانى زى ما يكون فيه موتوسيكلات جوا راسى .. ارجو قبول عذرى ... عموما لو الفكرة عجبتك اساسا .. ومش عارف تحدث الملف وهيخنقك ويضايقك .. اشترك فى مباشر برو .. يعنى الغرض من طرح الملف هو طرح الفكرة ومنهج التعامل مع السوق .. وليس طرح الملف بحد ذاته .. الملف لتوضيح الفكرة فقط .. وربما يفيد البعض تانى .. اذا عجبتك الفكرة عندك الملف ممكن تحدثه .. او ترميه فى الزبالة وتعتمد على مباشر برو .. واذا لم تعجبك الفكرة اساسا .. انا اسف على الازعاج .. واكرر .. كلامى غير موجه للناس الخبرة والمحللين والمتداولين الجامدين كلامى دايما موجه للناس البسطاء الخسرانين المتبهدلين زى حالاتى ومعندهمش خبرة فنية ومبيعرفوش فى التحليلات والشارتات وشغالين بعشوائية فى السوق ومالهمش طريقة معينة .. كل يوم يجربوا طريقة وخلاص وماشيين على الاشاعات .. ومحتاجين تعويض خسايرهم وخلاص .. بطرق بسيطة ومريحة ومفيهاش تداول كتير .. وانا كل ما هوصل لحاجة أحس انها بسيطة ومفيدة .. وعد منى لكل الناس البسيطة اللى زى حالاتى هطرحها على طول فى المنتدى الجميل ده . طبعا لما تفتح الملف هتلاقى الرسم فى وشك .. لو طلعت بالصفحة هتلاقى الارقام والمعادلات .. والاسهم موجودة تحت بالعرض للاختيار منها . عموما التحديث سهل جدا .. كل ما عليك انك تاخد اخر سطر وتنسخه وتلصقه فى السطر اللى تحته وتغير التاريخ وتحط سعر الاقفال بتاع نفس اليوم .. هتلاقى الرسم بيتغير اوتوماتيك .. وهكذا .. اوعى حد يلعب فى أى خلية تانية غير خلية التاريخ والاقفال .. باقى الخلايا كلها معادلات تحدث نفسها تلقائيا بناء على خلية الاقفال .. واضح ؟ ويا سلام بقى لو حد من خبراء الاكسل يخترع لنا طريقة لتحديث الملف تلقائيا من النت بعد الاقفال .. اعتقد فيه طريقة بس اخوكم مش جامد اوى فى الاكسل . ندخل فى الشرح الخط الاخضر متوسط 5 ايام والاحمر متوسط 15 يوم والاسود بتاع السعر طبعا الطريقة عادية جدا .. لما الاخضر يقطع الاحمر صعودا .. دخول .. والعكس صحيح لاحظو فى الاسهم الموجودة اشارات الدخول ازاى مبكرة جدا وكذلك الخروج . ولكن للأمانة حتى اكون طرحت الموضوع كاملا بسلبياته وايجابياته .. المتوسطات دى مفيدة جدا فى المسارات الصاعدة الطويلة زمنيا .. هتلاقى نفسك بتشترى قريب جدا من القاع وتبيع قريب جدا من القمة .. وكذلك العكس للمسارات الهابطة .. هتلاقى نفسك كاش والدنيا عمالة تجيب دم .. لكن فى التذبذبات الافقية .. ممكن تتبهدل شوية .. ريال .. نص ريال .. كلام فاضى .. بس المحصلة النهائية لو اتخذت هذه المتوسطات كمنهج للتعامل فترة طويلة .. سنة مثلا .. ممتازة .. وعمرك ما هتتعلق فى سهم .. يعنى الخلاصة : الموجات الصاعدة الطويلة هتكسبها كلها .. والهابطة الطويلة هتتجنبها تماما .. وهتتعب شوية فى التذبذبات الافقية .. فتكون المحصلة الاخيرة : ممتازة طبعا اللى مش هيلاقى سهمه يقدر ينسخ اى ورقة عمل بتاعت اى سهم من الموجودين ويعدل عمود سعر الاقفال ويحط اقفالات سهمه .. طبعا كل الاقفالات بتاعت كل الاسهم موجودة على موقع تداول اى استفسار انا تحت امركم تحياتى للجميع وارجو ان يكون ما بذلته من مجهود يمثل فائدة لكم تحميل الملف من هنا التعديل الأخير تم بواسطة اخناتون ; 06-07-2009 الساعة 08:14 PM سبب آخر: تعديل رابط الملف |
|
|
|
06-07-2009, 08:19 PM
|
#2 |
|
متداول جديد
تاريخ التسجيل: Apr 2008
المشاركات: 73
|
بارك الله فيك على المجهود الطيب
|
|
|
|
|
06-07-2009, 08:29 PM
|
#3 |
|
متداول جديد
تاريخ التسجيل: May 2008
المشاركات: 33
|
أسعدك الله في الدارين وجعل ماتقوم به في ميزان حسناتك.
حقيقة جهد رائع وأخلاق أروع ,,زادك الله علما ومالاً. |
|
|
|
|
06-07-2009, 08:44 PM
|
#4 |
|
متداول فعّال
تاريخ التسجيل: Apr 2009
المشاركات: 109
|
يبدو اننا خدعنا
السوق الى 3600 |
|
|
|
|
06-07-2009, 09:55 PM
|
#5 |
|
متداول فعّال
تاريخ التسجيل: Jun 2009
المشاركات: 106
|
جزاك الله خير ...........
|
|
|
|
|
06-07-2009, 10:59 PM
|
#6 |
|
متداول جديد
تاريخ التسجيل: May 2009
المشاركات: 84
|
كل الشكر والتقدير
|
|
|
|
|
06-07-2009, 11:03 PM
|
#7 |
|
متداول نشيط
تاريخ التسجيل: Jul 2004
المشاركات: 4,355
|
سيد أخناتون:
أسأل الله أن يوفقك ..وأن يرزقك من واسع فضله...ويكثر من أمثالك..الذين يطرحون ما يفيد... المؤشرات التي ناقشتها في مواضيعك موجودة في الميتاستوك ... والفترة الزمنية تختلف من سهم لآخر..ولا شك بأن الفترات التي تضعها (حفظك الله) ممتازة وتراعي جانب الأمان إلى الحد المطلوب.... تقبل مروري...وأطيب تحياتي...وإلى الأمام بارك الله فيك. |
|
|
|
|
06-07-2009, 11:04 PM
|
#8 |
|
متداول نشيط
تاريخ التسجيل: Jul 2009
المشاركات: 796
|
انت ابن حلال الله يوفقك ونحن متشوقين للموضوعاتك وتشكر
|
|
|
|
|
06-07-2009, 11:46 PM
|
#9 |
|
متداول جديد
تاريخ التسجيل: Jul 2007
المشاركات: 13
|
بارك الله فيك إخناتون وفعلا من أحسن الطرق للدخول والخروج وملاحظاتك ممتازة بخصوص الترند العام للسوق.. أنا أستخدم الطريقة على الميتاستوك وموجودة طبعا فى مباشر برو.. بناء على إغلاق اليوم الصادرات أعطى دخول لكن فى وضع السوق المحير تقل المصداقية بالطبع..
مرة أخرى شكرا جزيلا على جهودك وبارك الله فيك |
|
|
|
|
06-07-2009, 11:54 PM
|
#10 |
|
متداول جديد
تاريخ التسجيل: Aug 2004
المشاركات: 61
|
كلام حلو طب ايه رايك لو بضغطة زرار طلعت كل اللي dema 5 تقاطع فيه مع dema 15 صعودا يعني لسه بيقول يا هادي
يعني مثلا طيبة ومكة ينطبق عليهما شروط النموذج |
|
|
|
 |
| مواقع النشر (المفضلة) |
|
|
