ليش موظفين الخطوط السعودية ما يصلون مع المسلمين !!

يد النجر · 02-08-2008, 01:05 AM

بسم الله الرحمن الرحيم

السلام عليكم ورحمة الله وبركاته ..

الخطوط السعودية وما أدراك ما الخطوط السعودية آآآآآآآآآآه بس آآآآآآآآآآآه ..

قبل يومين قدر الله وبالواسطة وحب الخشوم والطلبات من فلان وعلان حصلت حجز لعمي وهو رجال طاعن في السن لا حول له ولا قوة ..

أول ما جاني الاتصال من اللي دبر الحجز شلت لي قاروة ماء صحة وجريدة الرياض وتوكلت على الله وذهبت إلى مبنى الخطوط اللي في المروج خابر زحمتهم وإني بلطع عندهم .. طبعاً القصد عن عندي تذكرة قديمة لعمي وقلت بسترجع المبلغ اللي فيها وأحطها في الجديدة لأنها غالية شوي درجة أولى .<< ما حصلنا إلا هي والله المستعان ..

وصلت الساعة 5ونص العصر تقريباً قطعت لي رقم وكان 829 والرقم في السرا 591 والله يا إخوان بحكي لكم اللي صار :

موظفين تلاعب على عينك .. الموظف يخلص لك زبون يقوم بعدها عند خويه وهاتك ياسوالف ..

عدد الكباين في الكاونتر حوالي 19 كبينه إذا استثنينا كبينة واحد خاصة بالنساء .. لكن والله عدد الموظفين ما يتجاوز السبعة على كل هالكباين ..

عندهم واحد واضح إنه مشرف عليهم كل ما يجي واحد يسأله يعطيه ظهره ويقول أقروا اللوحات وكأنه من كوكب ثاني بتعامله السيء مع المواطنين ..

جاء وقت صلاة المغرب .. ماشاء الله ماشاء الله على هالموظفين .. أول ما سمعوا الآذان طفوا لك الأنوار ويصيحون في الناس .. خلاص تتوقف المعاملات حتى نهاية وقت الصلاة .. وكأن الموظفين حريصين على الأمانه .. وهم توهم يتسحبون في ممر الكونتر سواليف مع بعض والناس تكاد تنفجر من طول الإنتظار ..

والله يا اخوان إنهم تجمعوا خلف الكاونتر في غرفة صغيرة كل ما فتح واحد منهم الباب طلعوا يسلفون وشاهي ودخان .. أقيمت الصلاة صلينا وخلصنا وأنتظرنا يستقبلون الناس ولكن طلعوا يتوضون وفرشوا السجادات بعد ما لفها العامل وصلوا وكأن اللي صلوا قبلهم ماهم على دينهم ؟؟؟؟ في حركة أثارت إنتباه الجميع !!!

بعد ماصلوا انتظرناهم حتى يتواجدون على كراسيهم وهات يا سوالف ويا ضحك والناس تكاد تموت من الغيظ !

اللي يقهرك ويرفع ضغطك يدخل واحد من الناس مع الباب ويجي يسأل وين فلان واذا عرفه كلمه من بعيد وطلع الموظف للسكيروتي ودخله عنده وصلح أموره حتى لو كان الموظف عنده زبون جالس ينتظر ؟

وفي خضم الإنتظار .. نادي منادي الحق لصلاة العشاء .. وكالعادة ظهر حرصهم على الدين والحفاظ عليه !!

صلينا وخلصنا .. وصلوا بعدنا ويشهد الله على ذلك .. والأدهى والأمر .. صلوا نصهم .. ويوم خلصوا جاء النص الثاني وصلى بعدهم .. حتى صرخ فيهم أحد المواطنين يقول : هذا تسيب وهذا هدر للوقت وضياع للأمانه

وكنت جالس وكان جنبي رجال يقول .. ياليت واحد يصورهم ويوضح للناس اللي قاعد يصير ؟

عاد طرا على بالي كتابة الموضوع في بناء وتداول على طول .

بعد ما خلصوا ربعنا الصلاة .. صاح المشرف على السكيورتي والموظف اللي معه على الإستقبال ما ياخذون أرقام جديدة .. طبعا أقسم بالله باقي على رقمي حوالي 80 شخص بعد صلاة العشاء وبعد كل الانتظار هذا ..

شفت المشرف يعيني اللي بياكلها الدود يقول لهم خلصوا بسرعة .. وأقسم بالله ما فيه واحد قام من كرسية أبد الا واحد ياخذ ورقة ويرجع على طول .. الزبدة ..اصبح السرى والدور يمشي بشكل غير طبيعي .. حوالي ربع ساعة إلا ورقمي على الشاشة .. قمت ورحت عند الموظف .. وطحت في واحد توه جديد ويتدرب .. كل شوي وهو ينادي المشرف والا اللي جنبه على شان يشوف وش سوى من مصايب .. وانتظر ت حتى خلصت .. يوم خلصت يقول لي هات 715 ريال قلت وشهو له قال انت طالب درجة أولى في الحجز .. عاد قبل ما أروح لهم دقيت على رقمهم وجلست حوالي 40 دقيقة لين رد علي واحد وسألته عن السعر حق الدرجة الأولى قال 620ريال ؟؟؟؟؟؟؟

تذاكري ما رجعوها لي وكان معي حوالي 650 ريال في مخباتي .. طبعا ماعندهم هناك شبكة .. قلت له بطمر على الصراف وأجيك . وأنصا الصراف اللي جنبهم .. المشكلة إنهم سكروا البيبان وهاتك ياحوسهم في مبناهم لين لقيت الباب الخلفي اللي يفتح على المواقف الخلفيه .. وكاننا بنسوي جريمة ولا حول ولا قوة الا بالله ..

رحت سحبت فلوس ورجعت إلا والسرى واصل حول 900 .. يعني حوالي 150 شخص في حوالي نص ساعه

وآآآآه يالقهر .. رجعت عند خوي الأول .. وقلت له جبت لك الدراهم هات تذكرتي .. قال ماعندي صرف ؟؟؟؟

وتبالشت أنا وهو لين قام يجيب لي صرف .. عاد كان جنبي واحد واقف ينتظر يخلصون أموره قال لي الموظف

ماعليش تراه جديد استحمل شوي .؟؟ قلت حرام عليك .. 4 ساعات انتظار و تقول لي استحمل ..

وأشب عليه قلت له كل شي في العالم يتطور الا الخطوط السعودية .. قال لي بكل بجاحة بالعكس السعودية من أفضل الخطوط شف سما والا ناس ؟؟ << قلت حدك سما وناس تقارن نفسك فيها وعلى شان كذا والله ما تطور أبد ..

وقتها .. جاء خويي الأول وأخذت تذكرتي .. قسم بالله إني سويت قدامهم وأنا طالع حركة بيبيتو في كأس العالم وكأني طلعت من إنجاز من ذاك المبنى المكروه

ما يستفاد من الموضوع :
أقسم بالله ما تتطور الخطوط عندنا حتى تطرح رخصة للخطوط في منافسة عامة مثل ما حصل في الاتصالات

لأن سما وناس معروفين أصحابها .. ولك الله يا مواطن ياضعيف .

دعواتكم لعمي بالوصول بالسلامة

ابو وليد5000 · 02-08-2008, 01:24 AM

الله يوصل عمك بالسلامة .

معنى كلامك اللي بيحجز يجي بعد العشا ، ويخلص بسرعه .

بنك الهوامير · 02-08-2008, 01:25 AM

إن شاء الله يوصل عمك بالسلامة وحمداً لله على سلامتك ,,,

جوهره نجد · 02-08-2008, 02:05 AM

[grade="00008B FF6347 008000 4B0082"]..يوصل عمك بالسلامة يارب..

**********

الخطوط السعوديه حدث ولا حرج !! يبغى لها إعاده هيكله ويبدؤن من قمة الهرم !!

اذا الغي حجزك دون ان تعلم فلا تستغرب فأنت على متن هذه الخطوط .

حين ياتي احدهم (بالواسطه طبعا) دون حجز ويصعد مباشره للطائره بقدرة قادر فلا تستغرب فأنت على متن هذه الخطوط .

إذا انتظرت بسبب عطل او صيانه لطائره 4 ساعات على الاقل فلا تستغرب فأنت على متن هذه الخطوط .

اذا سافرت خارجياً وذهبت شنطك الى دوله اخرى فلا تستغرب فأنت على متن هذه الخطوط .

( وشكرأ لختياركم الخطوط الجويه العربيه السعوديه )[/grade]

02-08-2008, 01:05 AM	#1
يد النجر فريق المتابعة اليومية - عضو مميز تاريخ التسجيل: Jan 2006 المشاركات: 15,043	ليش موظفين الخطوط السعودية ما يصلون مع المسلمين !! بسم الله الرحمن الرحيم السلام عليكم ورحمة الله وبركاته .. الخطوط السعودية وما أدراك ما الخطوط السعودية آآآآآآآآآآه بس آآآآآآآآآآآه .. قبل يومين قدر الله وبالواسطة وحب الخشوم والطلبات من فلان وعلان حصلت حجز لعمي وهو رجال طاعن في السن لا حول له ولا قوة .. أول ما جاني الاتصال من اللي دبر الحجز شلت لي قاروة ماء صحة وجريدة الرياض وتوكلت على الله وذهبت إلى مبنى الخطوط اللي في المروج خابر زحمتهم وإني بلطع عندهم .. طبعاً القصد عن عندي تذكرة قديمة لعمي وقلت بسترجع المبلغ اللي فيها وأحطها في الجديدة لأنها غالية شوي درجة أولى .<< ما حصلنا إلا هي والله المستعان .. وصلت الساعة 5ونص العصر تقريباً قطعت لي رقم وكان 829 والرقم في السرا 591 والله يا إخوان بحكي لكم اللي صار : موظفين تلاعب على عينك .. الموظف يخلص لك زبون يقوم بعدها عند خويه وهاتك ياسوالف .. عدد الكباين في الكاونتر حوالي 19 كبينه إذا استثنينا كبينة واحد خاصة بالنساء .. لكن والله عدد الموظفين ما يتجاوز السبعة على كل هالكباين .. عندهم واحد واضح إنه مشرف عليهم كل ما يجي واحد يسأله يعطيه ظهره ويقول أقروا اللوحات وكأنه من كوكب ثاني بتعامله السيء مع المواطنين .. جاء وقت صلاة المغرب .. ماشاء الله ماشاء الله على هالموظفين .. أول ما سمعوا الآذان طفوا لك الأنوار ويصيحون في الناس .. خلاص تتوقف المعاملات حتى نهاية وقت الصلاة .. وكأن الموظفين حريصين على الأمانه .. وهم توهم يتسحبون في ممر الكونتر سواليف مع بعض والناس تكاد تنفجر من طول الإنتظار .. والله يا اخوان إنهم تجمعوا خلف الكاونتر في غرفة صغيرة كل ما فتح واحد منهم الباب طلعوا يسلفون وشاهي ودخان .. أقيمت الصلاة صلينا وخلصنا وأنتظرنا يستقبلون الناس ولكن طلعوا يتوضون وفرشوا السجادات بعد ما لفها العامل وصلوا وكأن اللي صلوا قبلهم ماهم على دينهم ؟؟؟؟ في حركة أثارت إنتباه الجميع !!! بعد ماصلوا انتظرناهم حتى يتواجدون على كراسيهم وهات يا سوالف ويا ضحك والناس تكاد تموت من الغيظ ! اللي يقهرك ويرفع ضغطك يدخل واحد من الناس مع الباب ويجي يسأل وين فلان واذا عرفه كلمه من بعيد وطلع الموظف للسكيروتي ودخله عنده وصلح أموره حتى لو كان الموظف عنده زبون جالس ينتظر ؟ وفي خضم الإنتظار .. نادي منادي الحق لصلاة العشاء .. وكالعادة ظهر حرصهم على الدين والحفاظ عليه !! صلينا وخلصنا .. وصلوا بعدنا ويشهد الله على ذلك .. والأدهى والأمر .. صلوا نصهم .. ويوم خلصوا جاء النص الثاني وصلى بعدهم .. حتى صرخ فيهم أحد المواطنين يقول : هذا تسيب وهذا هدر للوقت وضياع للأمانه وكنت جالس وكان جنبي رجال يقول .. ياليت واحد يصورهم ويوضح للناس اللي قاعد يصير ؟ عاد طرا على بالي كتابة الموضوع في بناء وتداول على طول . بعد ما خلصوا ربعنا الصلاة .. صاح المشرف على السكيورتي والموظف اللي معه على الإستقبال ما ياخذون أرقام جديدة .. طبعا أقسم بالله باقي على رقمي حوالي 80 شخص بعد صلاة العشاء وبعد كل الانتظار هذا .. شفت المشرف يعيني اللي بياكلها الدود يقول لهم خلصوا بسرعة .. وأقسم بالله ما فيه واحد قام من كرسية أبد الا واحد ياخذ ورقة ويرجع على طول .. الزبدة ..اصبح السرى والدور يمشي بشكل غير طبيعي .. حوالي ربع ساعة إلا ورقمي على الشاشة .. قمت ورحت عند الموظف .. وطحت في واحد توه جديد ويتدرب .. كل شوي وهو ينادي المشرف والا اللي جنبه على شان يشوف وش سوى من مصايب .. وانتظر ت حتى خلصت .. يوم خلصت يقول لي هات 715 ريال قلت وشهو له قال انت طالب درجة أولى في الحجز .. عاد قبل ما أروح لهم دقيت على رقمهم وجلست حوالي 40 دقيقة لين رد علي واحد وسألته عن السعر حق الدرجة الأولى قال 620ريال ؟؟؟؟؟؟؟ تذاكري ما رجعوها لي وكان معي حوالي 650 ريال في مخباتي .. طبعا ماعندهم هناك شبكة .. قلت له بطمر على الصراف وأجيك . وأنصا الصراف اللي جنبهم .. المشكلة إنهم سكروا البيبان وهاتك ياحوسهم في مبناهم لين لقيت الباب الخلفي اللي يفتح على المواقف الخلفيه .. وكاننا بنسوي جريمة ولا حول ولا قوة الا بالله .. رحت سحبت فلوس ورجعت إلا والسرى واصل حول 900 .. يعني حوالي 150 شخص في حوالي نص ساعه وآآآآه يالقهر .. رجعت عند خوي الأول .. وقلت له جبت لك الدراهم هات تذكرتي .. قال ماعندي صرف ؟؟؟؟ وتبالشت أنا وهو لين قام يجيب لي صرف .. عاد كان جنبي واحد واقف ينتظر يخلصون أموره قال لي الموظف ماعليش تراه جديد استحمل شوي .؟؟ قلت حرام عليك .. 4 ساعات انتظار و تقول لي استحمل .. وأشب عليه قلت له كل شي في العالم يتطور الا الخطوط السعودية .. قال لي بكل بجاحة بالعكس السعودية من أفضل الخطوط شف سما والا ناس ؟؟ << قلت حدك سما وناس تقارن نفسك فيها وعلى شان كذا والله ما تطور أبد .. وقتها .. جاء خويي الأول وأخذت تذكرتي .. قسم بالله إني سويت قدامهم وأنا طالع حركة بيبيتو في كأس العالم وكأني طلعت من إنجاز من ذاك المبنى المكروه ما يستفاد من الموضوع : أقسم بالله ما تتطور الخطوط عندنا حتى تطرح رخصة للخطوط في منافسة عامة مثل ما حصل في الاتصالات لأن سما وناس معروفين أصحابها .. ولك الله يا مواطن ياضعيف . دعواتكم لعمي بالوصول بالسلامة

02-08-2008, 01:24 AM	#2
ابو وليد5000 متداول نشيط تاريخ التسجيل: Jan 2008 المشاركات: 334	الله يوصل عمك بالسلامة . معنى كلامك اللي بيحجز يجي بعد العشا ، ويخلص بسرعه .

02-08-2008, 01:25 AM	#3
بنك الهوامير متداول نشيط تاريخ التسجيل: Apr 2006 المشاركات: 314	إن شاء الله يوصل عمك بالسلامة وحمداً لله على سلامتك ,,,

02-08-2008, 02:05 AM	#4
جوهره نجد فريق استراحة تداول تاريخ التسجيل: Sep 2005 المشاركات: 2,232	[grade="00008B FF6347 008000 4B0082"]..يوصل عمك بالسلامة يارب.. ********** الخطوط السعوديه حدث ولا حرج !! يبغى لها إعاده هيكله ويبدؤن من قمة الهرم !! اذا الغي حجزك دون ان تعلم فلا تستغرب فأنت على متن هذه الخطوط . حين ياتي احدهم (بالواسطه طبعا) دون حجز ويصعد مباشره للطائره بقدرة قادر فلا تستغرب فأنت على متن هذه الخطوط . إذا انتظرت بسبب عطل او صيانه لطائره 4 ساعات على الاقل فلا تستغرب فأنت على متن هذه الخطوط . اذا سافرت خارجياً وذهبت شنطك الى دوله اخرى فلا تستغرب فأنت على متن هذه الخطوط . ( وشكرأ لختياركم الخطوط الجويه العربيه السعوديه )[/grade]