بعض ملاك الشركات يشترون اسهم في شركاتهم..الوليد اولهم..

[شيفشينكو]

السلام عليكم
كنت قاعد احوس في الاسهم
ودخلت المملكه القابضه واحصل الوليد شاري 0.5% من اسهمه
طبعا مهيب سهله 0.5% من كامل عدد الاسهم والبالغه 6,300,000,000 سته مليار وثلاثمية مليار سهم
لانها تعادل واحد وثلاثين مليون وخمسمية الف سهم وانتم احسبوها واذا كنت غلطان علموني

وادخلو هالصفحه عشان تتاكدون
http://www.tadawul.com.sa/wps/portal/!ut/p/_s.7_0_A/7_0_4BC?tabOrder=1&symbol=4280

واللي مايطلع له الرابط يدخل على سوق الاسهم السعودي ويدخل على سهم المملكه وبيحصل ان حصة الوليد 94%
انا اذكر ان الوليد نزل 5% من اسهمها للاكتتاب
ويملك الأمير الوليد بن طلال رئيس مجلس إدارة الشركة ما يقارب 98.5% من أسهم المملكة القابضة ، فيما يملك الأمير خالد بن الوليد، والأميرة ريم بنت الوليد وشركة المملكة للتجارة والاستيراد، وشركة المملكة التجارية نفس الحصص . ( المصدر جريدة ايلاف )
السؤال ليه يشتري ؟؟
لانه عارف ان السوق جايه رفعه قويه ان شاءالله وعارف ان اسعار بعض الشركات اقل من قيمتها


ونشوف خالد البلطان اللي كان يملك 5.2% والحين موب موجود الرجال شكله انحاش
شركة فتيحي راعيها زاد واشترى فيها زياده 0.5% الى 20.6%
انعام القابضه زاد فيها الامير الى 5.8%
جيزان الزراعيه دخل فيها خالد الشثري بـ 5% في المائه مع اني عارف انه موجود فيها لكن ماشفته الا هالايام
شركة العبداللطيف العائله زادت من نسبة تملكها 5.5% الى 65.5%


انا اعتمدت على بعض هالكلام من مقال اذكره في جريدة الرياض وحصلته لكم
http://www.alriyadh.com/2008/08/17/article367845.html
للكاتب امجد البدره ومن باب الامانه قلته لكم
وكان بتاريخ 16 شعبان

وش رايكم شباب
وبالله لحد يقول اني اوصي اللي يبي يشتري يشتري الله يبعدنا عن الحرام وبس

[خالدي وافتخر]

بــــارالله فيــــك