شيك بدون رصيد معاناه بكل ماتعنيه الكلمه

[dreme]

لي سنه اراجع من وزاره التجاره الي اماره المنطقه الشرقيه الي شرطه المنطقه الي شرطه الدمام الي الحقوق المدنيه الي الشرطه العسكريه والي الان لم اخذ حق ولا باطل واخونا في الله يسرح ويمرح وانا تحفت رجليه من الدوجه بين الدوائر الحكومه طفشت مديري في العمل كل شوي مستاذن ابي اروح اراجع .
اربهم مسكو الرجال عشان اسدد اجار البيت قبل لا اطرد انا وورعاني و ادفع اقساط السياره قبل لا تسحبها الشركه واجلس اتسحب على وجهي في الشوارع من لموزين للموزين :fly: وازيدك من الشعر بيت الرجال عسكري ويقول اعلي ما في خيلك اركبه .
وصلت الي مرحله اتسلف واتوصط على شان اخذ حقي يااااااااارب رحمتك يا ارحم الراحمين

وبطلت من يليل ما اطولك

وسرت اقول : يناس ش الحيله في نومه الليله :cray:


تفصيل الموضوع نبدا
اول يوم جيتهم كنت مبسوط ع الاخر لاني ملقوف واحب اطلع على الانظمه وحصلت على خزعبلات في موقع الوزاره تقول باختصار ياويل اللى يكتب شيك بدون رصيد ينتفون ريشه( ينتفون طل ) كل شوي وسعاده الموظف ابو شنب معطيني ورقه اصورها في البوفيه بريال قالو عندك جلسه مع المستشار القانوني بعد 25 يوم بس بشرط تعطي صاحبك ورقه الجلسه لا ويوقعلك عليها ولا مافي جلسه قمت ارتعد من الخوف تقول اني انا المجرم على العموم جلسنا وانتهينا والزمو الرجال بدف المبلغ وغرامه الف ررررريال قلنا ما يخالف والله اني ابي اسحب بشنباته الارض على شان معاد يضحك على الناس حولو المعامله للاماره من ثم للشرطه من ثم للحقوق المدنيه واهااااااااه من الحقوق ظاعت الحقوق
وضاعت الامانه الامانه الامانه وانواع التسحيب كل شوي موعد احضار ولا احد معطيهم وجه لا واخونا في الله جالس يفطر في المكتب (هذا وهوه جندي يكرشك من المكتب وش لون لو انه رئيس رقباء) اقله لو سمحت ممكن تحولون معاملتي على الشرطه العسكريه على شان يطبقون الماده (230)على الاخ الكريم قال لي خليني افطر وامخمخ وبعدين ارجعلي رحت اسحب رجولي بين المكاتب ادور براده مويه قلت بعد ما يفطر الاسد بيخلص معاملتي واروح على طول السوق واقظي للورعان اللي يبي لعبه واللى يبي ملا بس واللى يبي عطر واللى فقع راسي يبي فنيله زي حقه ياسر القحطاني ولا بعد يبي رقم 20المهم اني كل ما رحت لفخني بموعد بعد 10 ايام حسب النظام الخلاصه :::
من 4/4/1428هــ الي هذه الساعه وانا دايخ من المراجعه واحد يصرفك وواحد يكرشك وواحد يقول ما باليد حيله وواحد يقوووووووووووووووووووول ماعندك (و)

[#الكليفر#]

الله يعينك ويجبر مصيبة كل مسلم

[عكرش]

بسم الله الرحمن الرحيم
اخي dreme لي تجربة مع هذا النوع من الشيكات , 20000 ريال بدون رصيد ,وكل مرة اذهب للحقوق المدنية يعطونك ورقة قبض , وبعد حوالي سنة ونصف تم القبض عليه , واوقف الغريب والمضحك في الامر ان الذي كفله عند الحقوق المدنية , شخص اخرجوه من السجن يوما واحدا وكفله
, ثم عاد الى السجن من غد , فلم يكن لي الحيلة ابدا , ولكن الله من علي وسددني بعد 3 سنوات
هذا الكلام من 9سنوات ولا ادري هل الشيك له قيمة ام مثل الزمان الغابر لايساوي ورقة
ودمتم بعافية00000000000 التوقيع عكرش

[عبدالله العلي]

أكتب خطابك لــ أمير المنطقه

( هذا و اصح إن له علاقات مع أي جندي يمر عليه إسم خصمك )

او أنقز للرياض و اعرض موضوعك على الداخليه ( محمد بن نايف )

[z06]

الله يعينك ويصبرك على مصيبتك

[مجنونها999]

والله ياجماعه انها السالفه صايره لي لي اكثر من سنتين مطامر بين ها الدوائر الحكوميه الى ان مليت وزهقت ضيعت وقتي وضيعت صحتي وضيعت 00000 المهم ما فيه نتيجه والدعواى شيك من دون رصيد بمبلغ 36000 الف المهم حكم على الرجال بالتسديد الفوري وغرامه 1000 ريال بس طيب انا وش ذنبي ومن يعوضني عن تأخيري ومشاويري و احراجي مع العمل وقومتي بدري وقت اجازتي وها المراجعات وغيرها من عطله وتعطيل المصالح وحجز المبلغ

المهم الى يومكم هذا لم ارى قرش واحد والرجال يسرح ويمرح ولا حولك احد اخرتها مليت وزهقت وطفشت اهملت الموضوع لي 4 شهور

والسوات ما لي الا الدعاء عليه في كل صلاه

وازيدكم من الشعر بيت الرجال مقتدر وعنده شركات وفروع وغيره لكنه خذا الدعوى عناد والمبلغ مبلغ عربون معدات مغاسل للملابس

المهم بعد طفش وعلى اخر السالفه يعني باقي مراجعه اماره الرياض طفشت وسلمت القضيه الى مكتب تحصيل والدفع مقدم 15% اتعاب والى يومك ما شفت شي وكل 10 ايام اتصل عليهم ويصرفون فيني

حسبي الله ونعم الوكيل

[عبدالله العلي]

أي حكم ( صك )

من وزارة التجارة ولا من المحكمه

على طول للتنفيذ

التنفيذ وين ؟؟؟؟

التنفيذ عن طريق ( الإمارة )

الإمارة ترسل طلباتها ( لقسم الشرطة ) القريب منه ذلك الرجل

يعني أقرب مركز شرطة لمقر عمله أو منزله والأفراد يوصلونه

3 طلبات وبعد كذا تعميم على الشخص

أنت حاول تستخرج هالتعميم ( امر قبض ) من الإمارة

و يكون معك صورة منه ( و ترصد له ) أقرب دورية تشوفها خبرهم عليه و أظهر ( أمر القبض )

و إذا ما سوو له شي ألقط إسم الجندي أو رقم دوريته

و إشتك عليه

( لازم نعرف الطرق للحصول فيها على اموالنا الشرعية )

[مجنونها999]

المشكله من الي فاضي يسوي ها الحركات

[أبو ركـــــون]

عندي شيك بدون رصيد ب120الف واخذتها من قاصرهاوصورت جنت الشيك وصفطته وحطيته في شنطة الاوراق ؟؟؟؟؟؟؟
تدرون ليش لاني اكتشفت ان صاحبنا عليه عشرين شكوى بين الحقوق والاماره والمحكمه وانه محترف النصب من عشر سنوات وسجن كم مره ويطلع بكفاله
الشكوى على الله والعوض عند رب العالمين