الميزانية والبطالة وحال الموااااااطن .... قصيـــــــدة

[عين العقل]

السلام عليكم

ميزانية ولله الحمد مرتفعة ولكن مانصيب المواطن منها في أهم مطالبه ؟

الا يالله عـفــوك لا مـعــي بـيـجــر ولا جــــوال= ولا عـنـدي وظـيـفـة والـتـجـارة فـاشـلـن فـيـهـا
ولا عـنـدي شهـاداتـن ولا حـرفـة تـسـدالـحــال= ولا حـظـن كبـيـرن لا اخـطـت الـجــرة يقـديـهـا
مخابي الثوب تومي مـا دخلهـا مـن زمـان ريـال= بـهـا فـاتــورة الـكـهـرب ولا يمـديـنـي أقضـيـهـا
على ذيـك العـراوي تتعـب الحـادي مـع الجمّـال= ثــلاث اشـهـور فالـورشـه وشـهـريـنٍ مغطـيـهـا
أبيـهـا لــو تجـمّـل يــوم واجلبـهـا عـلـى الــدلاّل= يجيـهـا واحــدن حـظـه مـثـل حـظـي ويشـريـهـا
نصـيـت العسكـريّـة يــوم قـالـوا للنـظـام رجــال= وقـدّمــت الـمـلـف وصـــورةٍ متـشـخـصٍ فـيـهـا
خـذا الأوراق منـي واحــدٍ مــا عـنـد أبــوه دلال= سلـوم النـاس وأهـل المعرفـة والطيـب مخطيهـا
قراهـا فـي دقيـقـة والتـفـت عـجـلٍ عـلـي وقــال= شهادتـك العظيمـة يــا ولــد ويــن أنــت مخفيـهـا
هزّيـت الـراس ماعنـدي تقـول إنـي مـن البنـقـال= وقـمـت أحـــب خـشـمـه وأطـلـبـه بالله تمشّـيـهـا
حذفهـا مـن يــده شـيـن الطبيـعـة والنـبـا والـفـال= وقــال أزيــن اتـعـوّد صــوب نوقـاتـك تعشّـيـهـا
تناوشتـه مـن الكرسـي وعفـت الحـل والترحـال= وضربـتـه بالبيـالـة عـقـب مــا بيّـحـت شاهـيـهـا
خـذونـي للسـجـن لا نـيـب لا ظـالـم ولا محـتـال= مـجـرّد واحـــدٍ جـــا يـكـحـل عـيـونـه فيعمـيـهـا
ويوم إني خرجت أقفيت لارض الله وسيع الجال= عـلــى بـــرٍ هـــواه يـــداوي الـعـله ويبـريـهـا
أدوّر قصعـة الجربـوع والضـب الفـتـي يخـتـال= والأرنـب يـا شفـاة الـروح مـا أحلاهـا وطاريهـا
بــلا كـهــرب ولا بـيـجـر ولا غـــازٍ ولا نـقّــال= قوانـيـن الحـضـارة لا تـبـي شـوفــي ولاأبـيـهـا

الشاعر مجهول ،،