أعضاء منتدا نا تعا لوا نطلع الى البر سويــــــــــــــــه ‏

[شموخ رجل]

(( ْبسم الله الرحمن الرحيمْ ))

أعضاء منتدانا تعالوا نطلع الى البر سويه

الطريقة:

أعضاء المنتدى يطلعون في طلعة برية , نبغى العضواللي بيرد يجيب على الأسئلة التالية:


بسم الله وهذا الباص وسكرنا بابه ,



أولاً : قبل نركب في الباص , من هو العضو اللي ماتبيه يروح معنا ؟



2 // من اللي تبيه سواق الباص؟؟وإذا وصلنا المكان ماينزل يجلس في الباص الين نرجع . ==قوه نــذاله




3// طبعاً كل واحد بيروح لازم يجيب معه قطه (( المقصود المشاركة بمبلغ من المال ))بخيل



<< يستخدم في مصروف الأكل والشرب والبنزين وأغراض الطلعه ..



وغيرها ,, من تقترح نضع فلوس الرحله عنده ..



لازم يكون أمين أو يموتون الأعضاء في الصحراء من الجوع ,,





4// من العضو اللي تبيه يجلس على المقعد اللي جنبك بالباص ..





5// من العضو اللي إذا مر من جنبك وسألك المقعد هذا فاضي ؟ بتقوله لا محجوز , وهو أصلاً



فاضي




6// إذا وصلتوا الموقع من اللي تقترح يقطع رأس الذبيحه ؟ << لازم واحد عربجي





7// من اللي تقترح يطبخ الغدا والعشاء ؟





8 // من العضو اللي تثق أنه بيسوي برنامج حلو للرحلة ؟





9 // من العضو اللي تحس إن أمه بتتصل وتسأل عنه ,, وتقول رجعووووووووووووه للبيت بسرررررعه ؟؟





10 // من العضو الي تحس إنه أهله بيرتاحون عشانه فارقهم من البيت وراح رحله ,,




11 // عضو تحس إن ذا الرحله راح تعرفك عليه أكثر وأكثر ..





12 // من العضو اللي تحس إنه ماراح يجيه نوم بالبر ,, وخاصة إذا سمع أصوات غريبة آخر الليل ..!





13 // من العضو اللي تحسه بيقلقنا كل ساعة رجعنا للديرة ,, رجعنا للديرة ,, والله ماعاد أطلع للبر .. طفشت خلااااااااص رجعوووووووني .





14 // عضو تحس إنه لو حصل هناك مشكلة راح تعتمد عليه بعد الله كثيييير في تجاوزها ,,





15 // عضو يكفيك تواجده بالرحلة حتى لو ماسوى شيء .





16 // من العضو اللي تحسه بنروح ونجي وهو ما أستفاد من الرحلة , يعني أغلب وقته نوووووم ..





17// عضو تحس إنه من كثر حركاته بيضيع هناك وبنتورط مع أهله ..!




18 // عضو تحس إنه بيطلع رهيييييييييب مرررررررررره



19// عضو تحس أنه خا يف من البر



20// عضو مسوي شاعر ويقعد يبربر علينا وهو ماعنده ماعند جدتي
==============
طالما أننا في عطله والفرصه متاحه للخروج الى البر
قلت خلنا نسدح هالموضوع ونفرفش عليه ولو ان الصدر ضيق
وألاخلاق لكم عليها

[الماجده 1]

الاسلام عليكم
والله بصراحه مابكون اول وحده اعذرني خلهم يركبون ونشوف ونشاور انفسنا نركب ام لا

العذر والسموحه

[شموخ رجل]

لي رجعه وسوف أجيب على الا سئله ولا تخا فين راح تطبخين الغذاء وإلا خليناك في البر

[الماجده 1]

اذا على الطبخ يهون وماله نطبخ لو تبي ذبايح ماعندي مانع الحمد لله راعيت طبخ

وخصوصا بالبر الطبخ متعه

بس اذا بتاخذ المزيني بابتعد عن الطبخ ما راح يعجبه الا طبخه بكشتاته

[نجدية]

ااااايه الله يذكر ذيك الايام بالخير
يوم مدري من هو كتب هالموضوع صار فيه حش وضحك وفلة حجاج على هالباص ولو ان الاغلبيه حشوني
بس ولو يازين ذيك الحين هالايام المنتدى بارد ماضنيت لو صارت مشاركات بهالموضوع انها بتوصل مستواه
يوم سنة السبله ممبطي سنة فارسه والشنطه البيج والاربعين ألف ريال المتناثره منها

[الماجده 1]

ايوالله انتس صاتدزه يانجديه اليوم المنتدى مادري وش فيه بس الحمد لله اشوى من غيرنا

بس خلينا نطلع للبر بما ان الاجازه طولوها اطال الله بعمر ملكنا وامده يالصحه والعافيه

[ام الغالي2008]

المشاركة الأصلية كتبت بواسطة نجدية

ااااايه الله يذكر ذيك الايام بالخير
يوم مدري من هو كتب هالموضوع صار فيه حش وضحك وفلة حجاج على هالباص ولو ان الاغلبيه حشوني
بس ولو يازين ذيك الحين هالايام المنتدى بارد ماضنيت لو صارت مشاركات بهالموضوع انها بتوصل مستواه
يوم سنة السبله ممبطي سنة فارسه والشنطه البيج والاربعين ألف ريال المتناثره منها

أياام ..عساها تعود


يازينها يانجديه من أيام

يا الله ياشموخ انت السايق ولازم روح شموخ معاك

لأن معاك حريم غريبه عنك