المشكلة ما فيه أحد يسمع!!!

[ابو نايف]

السيولة الي تدورونها طالعة من كم اسبوع وعينها على التعاونية وتراها قاعدة تتفرج على السوق ومبسوطة من النزول
تكفون لا يطلع لي أحد يقول التعاونية 7 مليون سهم بس!! لأن ردي عليه بيكون تذكر تصحيح مايو كان علشان الصحراء الي كانت 6 مليون سهم بس وبـ50 ريال وغطوها 39.5 مليار ريال وللي مايعرف يربط بين الأمور كل النسب الي شفتوها في مايو علشان تجمع البنوك فلوسها وتقدمها تسهيلات للاكتتاب وبعدين ترجع للسوق ويكون رخيص فهمتو.
التعاونية حتى امس تقدم لها 40 ألف مكتتب بمبلغ 720 مليون ريال وتذكرو زين الكلام هذا إن ماشفتو نقاطكم الي تخسرونها في المؤشر بتقابلها لا يقل عن 30 مليار ريال مثل ما شفنا نقاط مايو الـ 1000 نقطة قابلتها الـ 39.5 حقت الصحراء
بالعربي انسو إن السوق يطلع طلعه عليها الكلام إلا لين ما ينتهي الاكتتاب وترجع للبنوك فايض التسهيلات علشان كذا إن كنت خسران طف الشاشة وشغلها بعد اسبوعين
الله لا يخسر مسلم

[majed2015]

وجهة نضر اقرب الى انها صحيحة
واحترمها جدااااااا
واتمنى لك التوفيق من اعماق قلبي .

[غشيم بالسوق]

اخي العزيز قد تكون مصيب

[ابو نايف]

شكراً يا أخوان على التعقيب
الكلام هذا هو الحاصل وهو الحقيقة والقديم في السوق يعرف الشيء هذا لكن للأسف كثير من الناس تجهله تذكروا اكتتاب الاتصالات وحجم التغطية والي كان في السوق قبل وبعد
السوق يتحرك بناء على السيولة والسيولة لازم تتوجه لكبار العملاء لتغطيتهم ولازم الأسعار تنزل علشان البنوك ماتتورط بهالفلوس الي عندها يعني الأسعار لازم تكون مغرية بعد الاكتتاب حتى يطلبها الناس من البنوك لشراء الأسهم
ولا يعني واحد يقول لي وش الي صاير في السوق وإذا تبون نحسبها زين
سجل عندكم
البترول أكثر من ممتاز- الميزانية ممتازه - نتائج السوق ممتازه-التوزيعات النقدية ممتازه-المنح- زيادات رأس المال
------
ياخوان إنهيار السوق لا يكون إلا في ضل أوضاع اقتصادية سلبية وكل المؤشرات الاقتصادية تقول عكس ذلك فسنة 2004 كانت ممتازة وبإذن الله 2005 ستكون مثلها ولو كان هناك إنهيار لن يكون قبل النصف الثاني إذا أظهرت نتائج الشركات تراجع في مستوى ربحيتها فمن هنا إلى ذاك الوقت لا يوجد مبرر للخوف

[nada22]

يعني اخوي ابونايف ننتظر ولا نبيعها بخساره؟ يعني هل هناك ارتداد؟

[doss na]

جزاك الله خير

[ابو نايف]

الأخت ندى22
أنا مأقدر أقول لك وش تسوين فقرار البيع والشراء قرارك لكن الي ابي أقوله لازم الواحد يفكر بعقل شوي فمن الطبيعي أن ينزل السوق مثلما يرتفع لكن معرفة أسباب النزول والطلوع هي الأساس فإذا كل المؤشرات المحركة للسوق إيجابية لابد من الطلوع مثلما هو إتجاه السوق نزول في الأوضاع السلبية الأوضاع الحالية مستقرة وتميل لأفضل فالنتيجة الطبيعة هي ارتفاع السوق بإذن الله
والله الموفق

[nada22]

جزاك الله خير