ما بين الجماعي والكهرباء وصدق ضاعت فلوسي

[ابو البنات]

ياسلام الله على( مـكه).. و(طيبة).. و)الـــــجماعـــي( عد وبلٍ هلــت مــزونه وأنـا عـيني تخـيـله

مرحبا (بالكــهرب) إلــلي فز مــن مــــــرقــده واعــي شال حملٍ فوق حمله واضحت حموله ثقيله

وش نرقع في ( الغذائي) صــارت شــقوقه وساعـــي شف (لجين) اليوم شارد رافعٍ بيده شلـــــيله

ماذبحني ياجمــاعه غــير( صــدقٍ) و( الصــــناعـي) و(الزراعي) مانفعني صار طعمه حنضــليله

و( المواشي) في الصحاري ضايعه من غير راعــي يا عسى ربك يسهل للمؤشر من يشـــــــيله

الــمؤشــر لا نـزل ياخــوي يكــســر لــي ذ راعـــــي والـــنسب لامن توالت زادت الحــمى مليله

راســي مـن الــعـيد و الــجـمــعــه بــه صــداعـــــي و المؤشر زاد ضغــطي والحــاله عــليــله

حــسبي الـله يـاجمـاعه راح مــجـهـودي وضـاعــي كل ما أملك راح لحظة مابقى غير الفشـيله

ليــت من هو قبــل مده ( صـفا) محــفظته وباعــــي كان أنا سالم.. وغانم.. ماغدا عقـــلي هبيله

والتشكي.. والتــــبكي .. عــارفٍ مافــيه داعـــــــــي ليه انا امشي في الغداري مامعي فيها دليله

مالقـــيـنا مـن يجـاوب مالــقيـنا مــن يــراعــــــــــي ضاعت الطاسه وكلٍ ماعرف مــن هو قبيـله

ماســمعنا الــلي يصــوت مـا سمـعنا اللي يداعـــــي مالقينا في زمنا فارسٍ زبـــــــــــن دخـــــيله

ياكـــثر مــن راح فيــها علــقت هــم بالــكراعـــــــي وكل شخصٍ طاح فيها مالقى إللي يرتكي له

لا تعــجــل فـي أمــورك لا تـجـــيها بإنــد فاعـــــــي الــتأكد والــتركد مامثلــها مـــــــن وســــيله

والمــصيبه كــان حلــت ما يغطـــيها قــــنــاعـــــــي ول ياحــظ التــعاسه دنــيتي دايـــــــم بـخيله


*** ضحيه من ضحايا الاسهم ***


طبعا ملطوشه من البريد ومدري سبق نشرها أم لا