للتسجيل اضغط هـنـا
 |
 |
أنظمة الموقع |
|
تداول في الإعلام |
|
للإعلان لديـنا |
|
راسلنا |
|
التسجيل |
|
طلب كود تنشيط العضوية |
|
تنشيط العضوية |
|
استعادة كلمة المرور |
 |
|
|||||||||||||||||||||||||||||||
|
| ||
31-10-2003, 03:02 AM
|
#1 |
|
متداول نشيط
تاريخ التسجيل: Jul 2003
المشاركات: 446
|
خطة الثعلب
بسم الله الرحمن الرحيم
خطة الثعلب كان ياما كان وفي عصر من العصور القديمه كان هناك قطيع من الجمال تسير في الصحراء متجهة الى حيث يشاء الله وكان من بينهم جمل مريض لايتحمل السير حتى توقف وتخلف عن باقي القطيع كان بالقرب منه كوخ يعيش بداخله أسد مريض كان هذا الأسد يعتمد على ثعلب وذيب وغراب ليصطادوا له الفريسه ويأتوا بها إليه اقترب الجمل من الكوخ............. البعير : هذا الكوخ مهجور والله شي طيب الأسد : هاااااااااا بعير؟؟؟؟؟!!!!!!!!!! البعير : أسدددددد ياويلي ياويلي وش جابني هنا الأسد : وش فيك يابعير ؟؟ البعير : ياملك الغابه تكفى أنا داخل على الله ثم عليك لاتاكلني الأسد : وش سالفتك ماتقول يابعير البعير : الصراحه ياملك الغابه أنا مريض وتخلفت عن جماعتي ولا قدرت أكمل الطريق لقيت هذا الكوخ ودخلت الأسد : ممممممم خلاص يابعير أنت في حمايتي كان الثعلب والذيب والغراب قد خرجوا من الصباح للبحث عن فريسة للأسد فلم يجدوا فعادوا الى الكوخ الثعلب : السلام عليك ياملك الغابه ورحمة الله وبركاته الأسد : أهلا ياثعلب أهلا ياجماعه شوفوا ترى البعير في حمايتي ولا أبي أحد يضره فهمتوا الثعلب : سمعا وطاعه ياملك الغابه الذيب : وش قلت ياثعلب نخلي البعير يسرح ويمرح وحنا نخدمه والله ماراح يصير الغراب : كلام الذيب صحيح ياملك الغابه هذا بعير لحمه طيب وأنت جائع الأسد : وش تبي يقولون عني ملوك الغابه ياغراب تبيهم يقولون أن الأسد افترس البعير اللي طلب حمايته والله ماراح يكون الغراب : ماقلنا كذا ياطويل العمر بس للضرورة أحكام الأسد : والله أني أموت من الجوع ولا أخون العهد الذيب : ليش ياملك الغابه أنت آكل لحوم والبعير لحمه يكفيك أسبوع الأسد : أعرف انك داج ياذيب أقسم بالله اذا صاب البعير مكروه أني أدفنك حي فهمت أطلعوا برا أطلعوا خيبتوا أملي فيكم خرج الثعلب والذيب والغراب وجلسوا يتشاورون الغراب : ياجماعه والله هذي مشكله الثعلب : وليش تعتبرها مشكله ياغراب هذا أسد ولازم نطيعه على كل شي دون جدال الذيب : المشكله أن الأسد جوعان والبعير عنده ليش ماياكله الثعلب : يعني تبون تتخلصون من البعير الذيب والغراب: طبعا ياثعلب الثعلب : ههههههههههههه طيب وشرايكم أعرض نفسي وجبه شهيه للأسد الذيب : نعم؟!!! وش قلت؟ وتعتقد إنا نوافقك على كلامك ياثعلب الثعلب : لاتستعجل ياذيب الأسد ماراح يوافق الذيب : وش عرفك يمكن يوافقك على كلامك وياكلك الثعلب : لا ياذيب ماراح ياكلني الذيب : طيب وبعد كذا الثعلب : تعرض نفسك أنت ياذيب وجبة شهية للأسد الذيب : نعم نعم نعم ؟؟؟ وتعتقد أني أوافق ياثعلب الثعلب : هههههههههههههههه... صبرا ياذيب الغراب : وبعد مايرفض الأسد طلب الذيب يجي دوري ياثعلب مهوب كذا ؟؟ الثعلب : بالضبط ياغراب الذيب : طيب وش الغرض من ذا ؟ الثعلب : الغرض إحراج البعير ولما يشوف الأسد يرفض طلباتنا طبعا لابد يقدم نفسه وجبة شهية هنية للأسد اعتقادا منه أن الأسد يرفض طلبه هههههههههههههه اتفق الثلاثه على إحراج البعير أمام الأسد وقرروا أن يعودوا للكوخ الأسد : وش رجعكم بعد ماخيبتوا أملي فيكم الثعلب : حلمك علينا ياملك الغابه حنا جينا نعتذر لك وللبعير على تفكيرنا السيء الأسد : قبلنا اعتذاركم مع أني زعلان على الذيب الذيب : كانت لحظة طيش ياملك الغابه الأسد : طيب طيب وش طلباتكم ؟ الثعلب : ياطويل العمر ياملك الغابه أحزنني الحال اللي أنت فيه والجوع الشديد اللي تعاني منه وأنا خادمك المطيع أعرض نفسي وجبة شهية هنية لك تاكلني وأنا راضي ياملك الغابه الأسد : لالالا وش تقول ياثعلب والله أنت عزيز علي وجدك الله يرحمه كان مثال للطاعه وكان أيضا مثال للشجاعه وكان مخلص لوالدي الله يرحمه ولا أقبل طلبك الذيب : ياملك الغابه أنا خادمك المطيع أقدم نفسي وجبة شهية لك ياملك الغابه تكفى لاترفض الأسد : مع أنك داج ياذيب إلا أن طلبك لن يحظى بالقبول خصوصا أن أمك الله يرحمها موصيتني عليك الغراب : ياملك الغابه تكفى أقبل طلبي الأسد : وش طلبك ياغراب الغراب : تاكلني وجبة شهية ياملك الغابه الأسد : ياغراب يرضيك أني آكل ولد صديق أبوي وأبوك ياغراب كان جليس صالح لي ولأبوي الله يرحمه ولا أرضى آكل ولده كان البعير حاضرا المجلس ويسمع كل اللي دار بالداخل وقال في نفسه... البعير : والله ماعمري شفت مثل هذا الأسد المخلص يجوع وجماعته يعرضون نفسهم وجبات هنية له ويرفض... آآآآآآآآه لازم أعرض نفسي وجبة للأسد وأكيد يرفض طبعا خصوصا أنه زعل من أخوياه علشاني وبعد تفكير طويل... البعير : ياملك الغابه ياأسد ياشجاع شفت أخلاصك لأخوياك وجماعتك ورفضك طلبهم الصراحه ياملك الغابه أنت حميتني وأكرمتني ولا أقدر أجازيك إلا اني أعرض نفسي وجبة شهية لك ياملك الغابه خصوصا أن لحوم البعارين طيبه جدا ولحمي جدا جدا طيب تكفى ياملك الغابه لاترفض طلبي تكفى الأسد : وش رايكم ياجماعه بالكلام اللي قاله البعير الذيب : كلامه منطقي ياملك الغابه خصوصا انك بحاله سيئه جدا جدا ياطويل العمر الثعلب : نعم ياملك الغابه لازم تاكله وهو اللي عرض نفسه لك وجبة شهية وهذا طبعا من شدة حبه واخلاصه الشديد لك ياملك الغابه الغراب : ولا تنسى ياملك الغابه أن هذا البعير عليه دين لازم يوفيه لك ولا قدر يوفيه إلا في هذا الموقف المحرج اللي يكره أنه يشوفك جوعان... الثعلب : شكرا يابعير شكرا جزيلا على وفائك وإخلاصك لملك الغابه الأسد : طبعا طبعا ياثعلب والصراحه هذا موقف شجاع من البعير ولن أنساه أبدا أبدا البعير : وش وش وش وش ششششش وووووو حا حا حا ع ع ع ونجحت خطة الثعلب في الإيقاع بالبعير... وأكل الأسد البعير على طلبه شخصيا إن شاء الله الأيام القادمه أفراح ومسرات للجميع ( رئيس هيئة أسرة الثعالب )  مغليكم
|
|
|
|
31-10-2003, 06:38 AM
|
#2 |
|
الكناني
تاريخ التسجيل: Jul 2003
المشاركات: 15,622
|
الأسد : لالالا وش تقول ياثعلب والله أنت عزيز علي وجدك الله يرحمه كان مثال للطاعه
وكان أيضا مثال للشجاعه وكان مخلص لوالدي الله يرحمه ولا أقبل طلبك عجبني هذا المقطع جدا احس وراءه معنى اكبر من معناه الظاهر ما وصفت العرب الثعلب بالمكر من فراغ يا ثعلب السوق وكا قالت العرب ويروغ منك كما يروغ الثعلب ايه رجعتني اكثر من 25 سنه وراء يا ثعلب السوق الله يجزاك خير وعلى قولتك ان شاء الله الايام القادمه افراح ومسرات |
|
|
|
|
31-10-2003, 08:02 AM
|
#3 |
|
خبير اسهم
تاريخ التسجيل: Oct 2002
المشاركات: 34,639
|
جزاك الله خيرا اخي الغالي ثعلب على هذه القصة الرائعة
|
|
|
|
|
01-11-2003, 02:54 PM
|
#4 |
|
متداول نشيط
تاريخ التسجيل: Jul 2003
المشاركات: 446
|
الله يجزاكم خير
مشكورين اخواني الأفاضل الكناني وباسم على ردودكم الطيبه
إن شاء الله الأيام القادمه أفراح ومسرات للجميع ( رئيس هيئة أسرة الثعالب ) مغليكم
|
|
|
|
|
01-11-2003, 10:22 PM
|
#5 |
|
كاتب اقتصادي
تاريخ التسجيل: Oct 2002
المشاركات: 1,641
|
الله يستر منهو البعير هذا !!!!!!!!!!!!!!!!:):):)
|
|
|
|
 |
| مواقع النشر (المفضلة) |
|
|
