للتسجيل اضغط هـنـا
 |
 |
أنظمة الموقع |
|
تداول في الإعلام |
|
للإعلان لديـنا |
|
راسلنا |
|
التسجيل |
|
طلب كود تنشيط العضوية |
|
تنشيط العضوية |
|
استعادة كلمة المرور |
 |
|
|||||||||||||||||||||||||||||||
|
| ||
26-06-2009, 10:38 PM
|
#1 |
|
متداول فعّال
تاريخ التسجيل: Nov 2007
المشاركات: 218
|
عوض خسائرك بهدوء وراحة بال مع هذه الطريقة
ندخل فى الموضوع على طول .. كتبت من قبل فى مشاركة فى أحد المواضيع عن طريقة سهلة وآمنة للتعويض وتبعدنا عن وجع الدماغ والتوتر بتاع السوق .. ولا تحتاج الا لمتابعة كل نهاية اسبوع من موقع مجانى للمؤشرات الفنية .. وبعد اذن الادارة .. سأعيد طرح الموضوع بشكل مستقل بعد ما تعلمت كيفية رفع الشارتات للتوضيح .. ندخل فى الموضوع .. هنتابع مؤشر واحد بس .. وهنشرحه بالتفصيل .. اولا الموقع اعتقد معروف للجميع www.asmainfo.com ركزوا بقى معايا شوية .. افتح المؤشرات .. اختار فترة زمنية سنتين .. والفاصل اسبوعى .. اكرر .. الفاصل اسبوعى .. يعنى شمعة واحدة كل اسبوع تبدأ السبت وتنتهى الاربعاء كأنها جلسة واحدة .. محدش يتضايق من الشرح الممل عشان فيه ناس بسطاء ولازم وضح كويس .. وبعدين تختار مؤشر ADX .. وتتفرج على حركة السهم وحركة هذا المؤشر الخطير واسمع وشوف انا لاحظت ايه .. الاول تعالو نشرح بسرعة هذا المؤشر .. المؤشر ده بيقيس عزم الاتجاه .. ركز معايا .. عزم الاتجاه .. يعنى الاول نشوف الاتجاه ايه .. وبعدين نعرف عزمه .. بص بقى .. عندك 3 خطوط .. اسود بتاع الاتجاه الصاعد .. احمر بتاع الاتجاه الهابط .. اخضر بتاع عزم او قوة الاتجاه الأقوى .. نقراهم ازاى ؟؟؟ لما الاسود يقطع الاحمر صعودا .. يعنى يبقى الاسود فوق الاحمر ده معناه ان الاتجاه الصاعد اقوى من الهابط .. يبقى المحصلة اتجاه صاعد وقوته تقاس بالخط الاخضر .. والعكس صحيح لو الاحمر هو اللى راكب يبقى الاتجاه هابط ونعرف شدته بالخط الاخضر .. يعنى الاخضر بيقيس قوة الاتجاه سواء كان صاعد او هابط .. بس خلى بالك كويس من طريقة قراءة المؤشر ده عشان فيها تكة مهمة .. وهى ان اشارة الدخول لازم الاسود يقطع الاحمر بشرط خط العزم الاخضر يكون صاعد مش هابط .. ودى مهمة اوى .. لأن ممكن الاسود يقطع الاحمر بس الاخضر يكون هابط من فوق لتحت .. اوعى تدخل .. اما لو الاخضر صاعد .. السهم بعدها بيطير يا بشوات .. طبعا بيطير على المدى الاسبوعى مش اليومى .. يعنى عاوزين شوية صبر .. واشارة الخروج هتكون غالبا بعد فترة طويلة تقاس بالشهور لما خط العزم يبدأ ينزل لتحت أو لما الاحمر يقطع الاسود صعودا .. او حسب قناعتك .. لأنك هتكون كسبان كتير بإذن الله وممكن تطلع بدرى مش هيحصل حاجة وتشوف لك سهم غيره يكون لسة فى اول المشوار .. هو عيبه انه اسبوعى يعنى حركته بطيئة حبتين.. يعنى ممكن تقعد بالشهور متعملش حاجة ويحصل فى الفترة دى تذبذبات بالهبل وانت مكبر دماغك .. انا شايف انها ميزة مش عيب .. ادينا جربنا التنطيط عملنا ايه ؟ خسرنا واتبهدلنا .. النوم احسن سواء نايم فى السهم او نايم كاش .. وبعدين الاسهم كتير .. لما تلاقى سهمك بيقول خروج دور لك على سهم غيره ..
تعالو بقى نوضح بالشارتات اشارات المؤشر ده مع بعض الاسهم الشعبية  الكابلات دخول فى اكتوبر 2007 بسعر 40 ثم خروج مبدئى ( لما العزم - الاخضر - بدأ فى الهبوط ) فى فبراير2008 بسعر 70 وخروج اكيد ( لما الاحمر قطع الاسود صعودا ) فى اغسطس 2008 بسعر 75 .. ايه رأيكم .. مكسب اكثر من 80 % وانت نايم مبتعملش حاجة لمدة 4 شهور أو 10 شهور حسب اشارة الخروج اللى تختارها .. الاحسن من كدة ان بعد اشارة الخروج لم يعطى دخول الا من اسبوعين تقريبا ( لاحظ الشكل ) .. يعنى سعادتك قاعد فلوسك تحت المخدة وبتتفرج على السهم بينهار من 80 حتى 18 ( شوف الكارثة ) وانت زى الباشا .. فيه احسن من كدة يعنى هتكسب كويس وفى نفس الوقت ملكش دعوة بالخساير .. واحد فيلسوف هيقوللى الكابلات طلع من 18 لغاية 30 وانا برة ما استفدتش حاجة .. هقول له لو عندك اداة مضمونة تديلك اشارة دخول عند 18 ابوس ايدك قول لى عليها .. بس تكون مضمونة .. وبعدين الفترة دى اللى مزعلاك اوى كان فيه سهم تانى بيبدع بناء على نفس المؤشر .. ولا هو لازم الكابلات ؟؟؟؟!!!!!!! .. السوق مليان يا جماعة .. خد عندك سهم تانى باختصار :  انابيب دخول 55 يوليو 2007 خروج 110 اغسطس 2008 وحتى الان اشارة الخروج مستمرة والسهم انهار لتحت 30 وحاليا 35 واحنا بايعين 115 من زمااااااان الصادرات ابريل 2009 دخول 26 بعد شهر بس عمل 100 % سافكو دخول نوفمبر 2007 بسعر 110 خروج اغسطس 2008 بسعر 240 ابحث بنفسك .. تأكد بنفسك .. قرر بنفسك .. فكر فى راحة بالك .. فكر فى تجنب الانهيارات .. تماسك ولا تلتفت للتذبذبات .. أخيرا لو عجبتك الطريقة .. ادعيلى ربنا يرزقنى رزق واسع حلال ويكرمنى فى زوجتى وعيالى .. واى استفسار انا تحت امركم .. وسامحونى على لهجتى المصرية .. سلام التعديل الأخير تم بواسطة اخناتون ; 26-06-2009 الساعة 10:40 PM سبب آخر: خطأ رقمى |
|
|
|
26-06-2009, 10:49 PM
|
#2 |
|
متداول فعّال
تاريخ التسجيل: Nov 2007
المشاركات: 218
|
لو أعجبكم الموضوع .. عندى ملف اكسل لمتوسطات ديما الرهيبة ( المتوسط المتحرك الأسى المزدوج ) .. التى لو اتبعتها بدقة لا يمكن ان تتعلق فى اى سهم .. والتى تعلمتها من اخونا متعب العوفى .. مع العلم انها غير موجودة على اى موقع مجانى .. بحثت عن معادلتها وطبقتها على الاكسل لكثير من الاسهم الشعبية .. وهى عندى هدية للجميع .. ان اردتم
|
|
|
|
|
26-06-2009, 10:49 PM
|
#3 |
|
فريق المتابعة اليومية
تاريخ التسجيل: Jan 2006
المشاركات: 2,731
|
يعطيك العافية ...
ينصح الكثير من المحللين باستخدام مؤشر الـ SAR مع هذا المؤشر لكي يعطي نتيجة أكثر دقة ... وما نستغني عن ملف الإكسل ... :) AM7 |
|
|
|
|
26-06-2009, 10:59 PM
|
#4 |
|
متداول نشيط
تاريخ التسجيل: Sep 2004
المشاركات: 2,477
|
بارك الله فيكما
طيب عطونا الأسهم اللي وضعهاا الفني في بداية الموجة :) -------------- اخ اختانون وين ملف الأكسل :) |
|
|
|
|
26-06-2009, 11:32 PM
|
#5 |
|
متداول جديد
تاريخ التسجيل: Apr 2009
المشاركات: 71
|
مشكور على موضوعك وشرحك الواظح
وبارك الله فيك... |
|
|
|
|
26-06-2009, 11:34 PM
|
#6 |
|
متداول نشيط
تاريخ التسجيل: Sep 2008
المشاركات: 308
|
يعطيك العااااااافيه اخي العزيز وياريت تدلونا على سهم في بداية طريقه لأننا لاخبرا لنا في الشارتات
وجزاكم الله خير |
|
|
|
|
26-06-2009, 11:34 PM
|
#7 |
|
متداول فعّال
تاريخ التسجيل: Jun 2005
المشاركات: 111
|
بارك الله فيك
ومنكم نستفيد |
|
|
|
|
26-06-2009, 11:36 PM
|
#8 |
|
متداول نشيط
تاريخ التسجيل: Sep 2008
المشاركات: 308
|
فتحت الرابط ولم اعرف أين اظغط لأنه باللغه الأنجليزيه
|
|
|
|
|
26-06-2009, 11:39 PM
|
#9 |
|
متداول فعّال
تاريخ التسجيل: Jun 2009
المشاركات: 203
|
خلوكم ابطال وعطونا بعض الاسهم اللي تبي تتطلع اما الكلام عن الشارتات والله ما ينفع
الهوامير عندنا هم اللي يرفعون وينزلون السهم 000 صح ولا انا غلطان |
|
|
|
|
26-06-2009, 11:43 PM
|
#10 |
|
متداول نشيط
تاريخ التسجيل: Jun 2004
المشاركات: 629
|
جزاك الله خير ولكن كيف اعرف ان الاسبوع مجدول من السبت الى الاربعاء
|
|
|
|
 |
| مواقع النشر (المفضلة) |
|
|
