قلً ماعندك بخصوص الاوضاع الراهنة

[ابو مزون]

السلام عليكم ورحمة الله وبركاتة

اقول الكثيرمنًا عانى الكثير من سوق الفلس للاسهم السعودية

واكيد اسباب المعاناة كثيرة وسبلً العيش اصبحت صعبة ومستحيلة ....والاسهم علمتنا الكثير عن اقتصاديات البلد وطرق الهوامير بسرقتنا وكذب اصحاب القرار فى شركاتنا المساهمة وبط عملية التطور والنماء فى بلدنا وووووغيرها كثير

ودى نفًرغ ما فى صدورنا ونتحاور ونفضفض عن ماداخلنا من هموم وغبن وعسى ان يرى المسؤلين مانكتبة.

شركات الاسهم وعمليات نصب عالية المهارة وبمباركة سوق المال
اجل شركة مثل صافولا توزع 19ريال عام 2003 يوم اسعار المواد الغذائية رخيصة و16 ريال عام 2004 والان توزع 3 ريال علما بان الارباح فى تزايد

شركة اعمار طرحت من اكثر من سنة ومحلك سر

الحكير يبعوها علينا 110 ريال وتوزع ريال عام 2007 وسعر السهم فى هبوط من اول تداولة الى اليوم.....يعنى الى شراء بسعر الاكتتاب مازال خسران......قمة المهازل

هذا فقط مثالين وهناك الكثير......اترك الفرصة لكم

ابومزون

[المُزني]

الاوضاع الراهنه ان ارتفاع النفط جابلنا الويلات و بس

[أرنوب]

السلام عليكم ورحمة الله وبركاته :)
هذا اللي ابي اقول :)

[الريس 2000]

كل شيئ ارتفع ودبل ولله الحمد - عقارات , ايجارات , بطاريات ,دجاجات وبيضات, عمال و خادمات ,زيوتات ورزات , حتى الفواكة والخضروات بما فيهم الليمونات................................الخ -!!!!!!!!!!!!!!!!!!!!إلا الأسهم !!!!!!!!!!!!!!!!!!!!

[kamal789]

انت ياحبيبي تفرج على الهندي ابو جنسية كندية او امريكية ولا باكستاني بجنسية اوروبية ولا عربي بجنسية من الجنسيات اللي يحبها قلبك
ويصك لك ذاك الراتب اللي يشغل اربع سعوديين لا وازيدك من الشعر بيت حمار مايفهم شي
ومن الفلوس الزايده اللي عنده يدخل بالاسهم مو زينا سلفه من البنك واذا خسر تحنب بالدين
يعني جات معاه اوكيه ماجات طز ماجابت همها
والله ياشباب الواحد صار يحس بالغربه في بلده والنقص
لمن يشوف الاجانب عايشين عيشة ولا احلى وهو متلحط منا ومنا
ولايجيني واحد يقول السعوديين مهم حقين شغل والكلام حق القطاع الخاص المتسعودين ذولي

الاجانب اللي دخلو سوق الاسهم طبعا برؤووس اموال مملوكة لهم وليست بديون نفسية تعاملهم داخل السوق

مو زي السعودي اللي ممكن متسلف او باع ارض ودخل بالاسهم

ممكن تزيد اموالهم
ويزيد طبعا حبهم لهذا البلد ؟؟؟؟؟؟؟؟

[omer2006]

المشكلة اننا ندفع فاتورة ارتفاع النفط
من جيوبنا

[shanan]

بعض الشركات زودت رأس مالها عدة مرات وسحبت اموال المساكين واعطت اسهم مجانية من جيوب المساكين وتجزئة الاسهم والفساد في ادارات الشركات ولا حسيب ولا رقيب وغيرها كثير
كان الله في العون

[ابو مزون]

الى متى ياجماعة هذا الوضع بيستمر

مانقدر نسًوى شئ

طول الله عمرة مايرضى بهذا الوضع

ممكن نتحد ونقول شئ

[سمي الحبيب]

بسم الله ياخوان ودي اعرف ما اسباب ارتفاع اسعار النفط هل هي حروب ونزاعات في مناطق الانتاج لاقدر الله لا هل هو قل بالمعروض طبعا لا ماهي الأسباب اذا

[sa90ad]

اخي المشكله في الفساد الاداري لشركات وليس في الشركات نفسها وسلامتك