بعيدا عن العواطف سؤال يطرح نفسه ( إلى متى نزول ؟؟)

[سرقط]

ياجماعة الخير إلى متى النزول؟؟ إلى متى الناس يعرضون اسهمهم ؟؟ يعني بالله عليك يامن تعرض اسهمك كل يوم وش تستفيد ؟؟ خسران خسران طيب لاتعرض سهمك..
يعني مافيه حل جذري لمثل هالحالة ؟؟ بالله عليكم نبي نستمر كذا ؟؟ يعني يبي يضرك شي لو صبرت يوم وماعرضت سهمك ؟ قولوا لي ياجماعة وش الحل ؟؟ لايجي أحد يقول تحليل فني أو شارت أو.... الخ كلها ماتنفع دام فيه غشيم يعرض كل يوم وهامور يضحك ينتظرها تنزل زيادة عشان يشتري !! هذا لواقع ياجماعه والله يخلف علينا .
والله العظيم لو كل واحد منا يقنع معارفه فقط انهم مايعرضون اسهمهم كان شفنا بوادر ارتداد على الاقل.

أقولها وانا داخلي قهر عظيم مما يحصل في السوق والسبب اني اشوف اسعار لبعض الاسهم رجعت لوضعها قبل شهور شهور شهور مو أيام او اسابيع ياعالم !! اعتقد اذا استمر الوضع كذا راح نشوف اسهم على 20 ريال 13 ريال وأهل المواشي راح نشوفهم بالسالب يموشون --8 لاتستغرب كل شي ممكن يحصل ومانقول إلا ربك يخلف علينا .
ومن زين الطبايع الهيئة يعرضون دعايتهم أبوسهم ذاك ويقولون لاتغامر بعشؤائية وإستسقي المعلومة من مصادرها الصحيحة ونوع إستثماراك ماكن النزول بكل الاسهم ؟؟ إقطع ايدي ان كان ابوسهم حقهم ماتعلق معنا وقال لهم فشلتوني بالناس وش اقول لهم الحين ؟؟؟


قولوا امين تشرق الشمس ونشوف اللون الاخضر رجع لمؤشرنا وتنفك تعليقتنا وتعليقت اخواننا المجاهدين في سوق الاسهم .

مع فائق اعتذاري على اسلوب الطرح .

[سرقط]

والله ما ألومكم 70 زيارة ولاواحد كتب شي ؟؟

[الحاسوب10]

السلام عليكم اخي الكريم
النزول بسسب صناع السوق وليس صغار المضاربين واكبر دليل افتح عشر اوامر لسهم الكرهب مثلا ستجد العروض كبيره جدا فوق الـ20000 سهم لمحفظه واحده يعني يريدون النزول واجبارنا على البيع
اقول اخوي انسى الهموم وشف الصوره واضحك غصب



اخوك

[المفارق]

تصدق كنت حاط أمر بيع لكامل المحفضة ماركت يوم السبت الماضي الساعة 4 فجرا. وألغيت العرض.
( مكتوب ) والحمد لله بكل الأحوال

[اسد1]

بحول الله الارتداد يوم الاثنين

[المتكأكي]

إما ضارب الكابلات صراحة يخوف الله يعين اللي في الكابلات