[مذهله]

لي محاولات شعريه الهتني الاسهم عنها ولكن مدمنا متعلقين بهالاسهم اللي حرمتنا النوم خلنا نتسلى بالشعر لين ربي يفرجها وهذه احدى قصائدي امل ان تحوز رضاكم
ألا ياصاحبي بسألك عن حرقه تصيب مظلوم
تكوّى بنار ضيم الظلم ولا يقوى على الكتمان
تجرّع هم فوق الهم وتزاحم صدره المهموم
وصار لدمعته مجرى في خدّه الباكي الحيران
تجي ليله يزيح الهم ويخفي حزنه المرسوم
ويزيف ضحكه موهومه تبيّن للشقا ألوان
وفجأه تظهر العبره وتخفي فرحه الموهوم
وترجع حسرته وهمّه على وجه الحزين تبان
مرّه يقنع بحاله ويرضى بحظّه المقسوم
ويؤمن ان هذا الكون بانواع الشقا مليان
ومره ينفجر صبره ويظهر غلبه المكتوم
ألا ياصاحبي بنصحك لو ان الظلم صابك يوم
تجمّل بالصبر واعلم ان الظالم هو الخسران
تجي له لحظه بيصحى ويبدا بالعتب واللوم
ويحرق قلبه بظلمه ويعض اصبعه ندمان
ورد الشينه بالزينه ترى المعروف بس يدوم
تلاقي نفسك ارتاحت وصرت للوفا عنوان