قرار كان من الواجب ان يتم تنفيذه من بداية مشاريع الاسكان قبل سنتين
والان الوزاره تحت يديها عشرات الملايين من الامتار من 12 مليون بالشرقيه و16 مليون في جده و5 مليون متر في مدينة الرياض بالقرب من المطار وغيرها من ملايين الامتار
نجي للرياض والي منه المفروض يتم كبح جماح العقار
5 مليون متر نقول ثلثها خدمات وشوارع
يبقى 3.2 مليون متر
لو قسمناها على 400 متر مربع يكون عندنا 8000 فيلا سكنيه بمساحة 400 متر للوحده
المفروض ينجز تطويرها وتزويدها بالخدمات الاساسيه خلال سنه من الان لانها مدعومه من الحكومه
بعدها بيكون عندنا 8000 مستاجر في الرياض سيخلون شققهم وادوارهم وتكون شاغره للايجار
لو قلنا عندنا بالرياض 20 حي من الاحياء الكبيره الي تستوعب المستاجرين السعوديين هذا معناه في كل حي بيكون عندنا 400 مابين شقه ودور في كل حي من احياء الرياض سيخرج منها المستاجرين الي يطلع لهم منحه وقرض
تخيل انت في الحي الي ساكن فيه 400 دور وشقه فارغه من المستاجرين
ستنخفض اسعار الايجار عالاقل 30% وعليه تنخفض اسعار الفلل وعليه الاراضي تتبعهم بكل تاكيد
ومع تزايد انخفاض اسعار الاراضي الكثير من الي طلعت اساميهم بالصندوق بياخذونها ويبنون فلل خاصه بهم وهذا يعني مزيد من الظغط على اسعار العقار لينخفض الى 50% على مدى ال3 سنوات القادمه باذن الله
كل هالكلام مرهون بوزير الاسكان ومدى جديته ونشاطه في ملف حساس ومهم لكل المواطنين وهو السكن
والى ان يرى الناس جدية الوزاره اعتقد من يشتري في مناطق بعيده عن الخدمات مغامر جدا مع التظور الحالي
لان الحكومه الان بتنصرف لتطوير الاراضي الي تحت يد وزارة الاسكان بالدرجه الاولى
|