اقتباس:
المشاركة الأصلية كتبت بواسطة العالمي1980
يالغالي العلم والتحاليل والجداول والخرابيط هاللي انت حاطها مخلينها لك مانبيها !!!
الناس تراها تفهم والمتداولين صاروا على وعي اكثر من فلسفتكم واكبر دليل مارد على موضوعك الا واحد وانا !!!
عزيزي ينساب هذي قبل سنه سعرها فوق 46 يعني اللي يملكها من سنه خسران لحد الحين !!!
الاسهم الثانيه اللي تقول عنها خشاش ونزولها قوي مثل ارتفاعها انا ماعندي مشكله اذا القصيم عطت من 9 وشوي الى 28 ونزلت 5 نسب ولامبرد ارتفعت من 10 الى فوق الاربعين لو عطتني اكثر من 5 نسب بضل كسبان والقائمه تطول بس حبيت اذكر لك مثالين فقط !!
ياخي السهم كسبان وارباحه هائله لكن ترى المساهم مايحط شي في مخباته من ارباحها يعني المساهم يبي سهم يمشي ويبيعه بمكسب مو سهم محنط يهبل بك ويشيب براسك علشان يربحك نص ريال هذا ان ربحك اصلا
قطاع البتروكيماويات والبنوك قطاعين مايوكلن عيش واذا المساهم يبي يدخلهم يتوسد فلوسه تحت مخدته ولايدخل فيهم افضل من الدخول فيها ورفعة ضغطه
واذا على ربحية السهم عندك موبايلي افضل ربحية سهمها اكثر من 7 ريال وسعرها بالخمسينات
لكن الدنيا دبلت وانتم تناظرون سابك وينساب وكيان !!!
|
الله يزيدك فهم ووعي وادراك
وبالنسبه للردود من الشباب يكفيني ردك
الي يدل على وعيك وفهمك
يكفيني دعوه بظهر الغيب من عضو استفاد مما طرحت ولا يهم كثر الردود والمشاركه
على فكره المنتدى قبل يكون توصيات واستفاده من مواضيع الشباب
هو بالاساس تعليمي وتوعوي بمجال اسواق الاسهم
يعني للعلم والفائده واكتساب الخبره الفنيه
قبل يكون وسيله لأداره المحفظه
وانتقاص مجهود الغير