[داقن لطمه]

بسم الله الرحمن الرحيم

كنت اعتقد ولا زلت ان الرابح الوحيد ومية خط تحت الوحيد بسوق المال هو

المستثمر الناجح . اللي رأس ماله بشركات تدر عليه عوائد سنوية مجزية وتحقق نمو

ملموس والشركة تدار بأيدي امينه نزيهه مخلصه . فهو كسبان مع راحة البال واطمئنان

الفواد دخل مستمر وثابت ولا همه السوق نزل او طلع وناسي السوق وهمومه وعايش

حياته . وعنده اعتقاد ارباح المضاربة اليومية (سلف وقرض) تبي ترجعها للسوق يوما ما

ومعها جزء من رأس المال . وعند جهينة الخبر اليقين . الكل خسران المضارب والفاهم

والمحترف والمحلل والغشيم وكلن يبكي على ليلاه ولاتشكي لي ابكي لك . ومعذورين

سوق متقلب هو كذا او يراد به كذا بضم الياء .


بين يديك اخي القاريء خيارنا المفضل للاستثمار ونموذج حي وواقعي لااسثثمار ناجح

ومربح وهو شركة سهم اسمنت السعودية كمثال للاستثمار المثالي وفيه غيرها.

سنتسعين بموقع تداول لمعرفة الاسعار والارباح الموزعه الفتره الماضية .

الرجوع للارقام والماضي مهم ومفيد لان غالبا التاريخ يعيد نفسه والضروف تتكرر

نفسها . شركة توزع ارباح لها سنوات وبدون انقطاع . وممكن نطبق نفس الافتراضات

على اسمنت اليمامه او تبوك او احدى اخواتها بنفس القطاع .

خلونا نبدا نفترض فلان من الناس (ابولطمه) مثلا يمتلك 50 الف ريال

ووقرر يشتري اسمنت السعودية بداية العام الميلادي 2011 وسيتثمر لمدة سنه فقط .

خوذو المعطيات والافتراضات اللي نبي نفترضها ونمشي عليها ونطبقها

.( 1-صاحبنا مفكر بالعوائد والارباح السنوية 2- الاستفادة من ارتفاع سعر السهم

وباله انه اذا ارتفع سعر السهم عن مشتراه ارتفاع طيب ومجزي سيبيع نصف الكمية فقط

و3-قبل اجازة عيد الفطروتوقف سوق المال يبي يصفي المحفظه نهائيا .)))) 3 قواعد

ومعطيات مهمه عندنا لاتنسوها . لكل شخص طريقة تفكير ومعطيات



خلونا نبدا ونبي نرجع لموقع تداول لمعرفة سعر السهم بوقتها من بداية العام الحالي .

بسم الله سعر اسمنت السعودية بداية العام 49.8

50000÷ 49.8 = 1000 سهم اذا (ابولطمه) يمتلك 1000 سهم ب 1/1/2011 اوكي

ب 23/3/2011 وزعوا 4 ريال للسهم عن النصف الاول

4 * 1000 سهم = 4000 ريال ارباح

ب 22/5/2011 حقق السهم الهاي السنوي 66 ريال

صاحبنا باع نصف الكمية اللي عنده (500) ب 66 ريال للسهم

66 ريال - 49.8 (سعر مشتراه) = 16 تقريبا ربح للسهم الواحد

500 * 16 = 8000 ريال ارباح ياسلالالام سلم طبعا بقي 500 سهم بالمحفظه

ب 6/7/2011 وزعوا ريالين عن النصف الثاني

2 * 500 سهم = 1000 ريال ارباح ا

3- طبقا للقاعدة والافتراض الثالث صاحبنا ابولطمه يبي يصفي ويكيش محفظته قبل

اجازة عيد الفطر وقبل توقف سوق المال لان الاسواق العالمية تخوف والداو جونز

مدحدر سعر اقفال اسمنت السعودية اليوم 58 وابولطيمه شاري السهم ب 49.8 يعني

ربحه 58-49.8 = 8 ريال للسهم . عدد الاسهم اللي بالمحفظه 500 سهم

500 * 8 = 4000 ريال

خلونا نحسب ارباحه من البداية 4000 + 8000 + 1000 + 4000

= 17000 ريال اكثر من 30 بالمية ارباح

طبقت نفس الشي على الشركات الاتية سابك الراجحي سافكو اتحاد الاتصالات الكهرباء

ولقيت الافضل منهم وبفارق كبير هو اسمنت السعودية .

اخي الفاضل طبقا نفس القاعده على شركتك المفضلة لاني صعب امر على 150 شركة بالسوق .

الشي المهم بالموضوع وضروري نقوله انه عندي اعتقاد شبه جازم ان لو طبقنا نفس

الخطوات ل 5 او 10 سنوات قادمه لقينا ان القطاع الاسمنتي هو الافضل كااستثمار

عدا اسمنت الجوف (ماتوزع ارباح)). كلامي خاطيء يحتمل الصواب