[مبارك.سعد]

السلام عليكم

مريت مكتب عقار قبل 3 شهور لتوقيع عقد الايجار الخاص بي ، الشاهد أنا سألت من باب الفضول للشاب السعودي العامل في المكتب عن التنفيذ هذه الايام وقال لي صراحة السوق خامل ولم يعد كسابق عهده - أي قبل 3 سنوات - قلت طيب على كذا ماعاد فيه مكاسب .

قال الا عندنا انشطة اخرى قلت في باللي لا يكون مخدرات والعياذ بالله

قال أغلب مكاتب العقارات صارت تقوم بأعمال الخدمات العامة للتربح منها ، قلت يعني رخص بناء وغيرها قال لا أكثر من كذا حتى لو تبي نقل كفالة خادمة. أهم شي نحصل فلوس .

وحنا ندردش وشوي يتصل واحد ، واخذ صاحبنا العقاري يوصف له المحل ، الين جاء عامل توصيل ومعه جوالين اي فون 4 ؟ قلت ماشاء الله بكم شريت ؟ قال انا شاريها اقسطها على ناس بدبل السعر. قلت ماشاء الله صرتوا بتاع كله ، قعد يضحك.
ولا تستغربون أبداً اذا شفتوا مكاتب عقار شغالة وفيها ناس فليس بدليل أنهم شغالين في العقار أو ان السوق فيه طلبات ماتوقف ، على العكس كثير منهم توجهوا لانشطة اخرى تحت غطاء المكتب العقاري وصاروا بتاع كله وماكذب من سماهم تجار شنطة.
ولك ان تتخيل ما بدا لك ، تقديم على الصندوق بنقل ارض يملكها المكتب الى اسم شخص اخر للتقديم بها على الصندوق ، مبيعات الدينار العراقي ، تقسيط السيارات ، سداد الديون - ربا صريح - ، شراء بطاقات سوا بالجملة وغيرها كثير ولاحرج.

بالأمس واقف عند محل خضار واذا بلوحة المحل المجاور ( ديكورات + باركيه + ورق جدران) وفي نفس اللوحة مكتوب رقم وأمامه للاستثمار العقاري الرجاء الاتصال بهذا الرقم .